- કચ્છમાં PM મોદીએ 3 પ્રોજેક્ટનો કર્યો શિલાન્યાસ
- બન્ની ભેંસ અને કૃષિ આંદોલનને લઇ આપ્યું નિવેદન
- પંજાબી ખેડૂતો સાથે કર્યો સંવાદ
પ્રધાનમંત્રી મોદીએ બન્ની ભેંસ વિશે કહ્યું હતું કે, બંન્ની ભેંસ દુનિયામાં પોતાની નામના આગળ વધારી રહી છે. કચ્છમાં તાપમાનનો પાર 45 ડિગ્રીને પાર પહોંચે કે, શૂન્યની નીચે હોય બન્ની ભેંસનો કોઇ જ અસરથી થતી નથી અને તેને પાણી પણ ઓછું જોઇએ છે .
જેટલામાં એક નાની કાર ખરીદી શકાય તેટલી કિંમતમાં વેચાય છે બન્ની ભેંસ
PM મોદીએ વધુમાં કહ્યું કે, બન્ની ભેંસ ચારા માટે દૂર-દૂર સુધી ચારાની શોધમાં જાય છે અને દરરોજ આશરે 15 લિટર જેટલું દુધ આપે છે. તેનાથી વાર્ષિક કમાણી 2થી3 લાખ રૂપિયા સુધીની થાય છે. તાજેતરમાં એક ભેંસ 5 લાખથી વધુ રૂપિયામાં વેચાઇ છે. જેટલામાં એક નાની કાર ખરીદી શકાય તેટલામાં બન્નીની એક ભેંસ મળે છે. 2010માં બન્ની ભેંસને રાષ્ટ્રીય માન્યતા મળી હતી અને આઝાદી પછીની આ પહેલી બ્રીડ હતી જેને રાષ્ટ્રીય સ્તરે ઓળખ મળી હતી. કચ્છમાં ભેંસ સાથે જોડાયેલ કારોબાર ખૂબ સફળતા પૂર્વક વિકસ્યો છે.
શું છે બન્ની ભેંસ
બન્ની ભેંસને કેન્દ્ર સરકાર દ્વારા 11 મી નસલ તરીકે માન્યતા આપવામાં આવેલ છે. બન્ની ભેંસની એક અલગ ઓળખાણ છે. તેના શિંગડા સુંદર હોય છે. બન્નીની ભેંસ ની કિંમત 50 હજારથી શરૂ કરી 6 લાખ સુધી છે.
ભેંસની જાતો
- સુરતી ભેંસ
- મહેસાણી ભેંસ
- જાફરાબાદી ભેંસ
- મુરાહ ભેંસ
- મરાઠવાડી ભેંસ
- નીલીરાવી ભેંસ
- નાગપુરી ભેંસ
- પંઢરપુરી ભેંસ
- ભદાવરી ભેંસ
- ટોડા ભેંસ
- સ્વામ્પ ભેંસ
- બન્ની ભેંસ
ખેડૂતોના આંદોલનને લઇને સાધ્યું નિશાન
પીએમ મોદીએ પોતાના સંબોધનમાં કહ્યું કે, દિલ્હીની આસપાસના ખેડૂતોને ડરાવવાનું કાવતરું ચાલી રહ્યું છે. જો કોઈ તમારી પાસેથી દૂધ લેવાનો કરાર કરે છે, તો તે ભેંસ લઇ જાય છે? આપણે ત્યાં જેવી આઝાદી પશુપાલકોને મળી રહી છે તેવી ખેડૂતોને આઝાદી આપવામાં આવી છીએ. ખેડૂત સંગઠનો ઘણા વર્ષોથી આ માંગણી કરતા હતા, વિપક્ષ આજે ખેડુતોને ગેરમાર્ગે દોરે છે, પરંતુ તેમની સરકાર દરમિયાન આવી જ વાતો કહેતા હતા.
118 વર્ષ પહેલાંના પ્રસંગને કર્યો યાદ
પીએમ મોદીએ કહ્યું કે 118 વર્ષ પહેલાં 15 ડિસેમ્બરના રોજ અમદાવાદમાં ઇન્ડસ્ટ્રીયલ એક્ઝિબિશનનું ઉદઘાટન કરવામાં આવ્યું હતું. તેનું આકર્ષણ ભાનુ થર્મોમીટર હતું, જે સૂર્યનું ગરમી સંચાલિત ઉપકરણ હતું. હવે 118 વર્ષ બાદ સૂર્યની ગરમીમાં ચાલતા આટલા મોટા ઉદ્યાનનું ઉદઘાટન કરવામાં આવી રહ્યું છે. પીએમ મોદીએ કહ્યું કે આ ઉદ્યાનો હવે વીજ બિલ ઘટાડવામાં મદદ કરશે.
.jpg)
પીએમ મોદીએ કહ્યું કે આ એનર્જી પાર્ક પ્રદૂષણ સામે લડવામાં મદદ કરશે, તે લગભગ નવ કરોડ વૃક્ષો વાવવા યોગ્ય છે. પીએમ મોદીએ કહ્યું કે આ સાથે એક લાખ યુવાનોને નોકરી મળશે, ખેડૂતો માટે વિશેષ સુવિધાઓ બનાવવામાં આવી રહી છે. પીએમએ કહ્યું કે અમે કેનાલો પર સોલર પેનલ પણ લગાવીએ છીએ.
3 પ્લાન્ટનું કર્યું લોકાર્પણ
વિવિધ ત્રણ પ્રોજેક્ટોનું લોકાર્પણ કર્યું જેમાં કચ્છના ગુંદિયાળી ખાતે ડિસેલીનેશન પ્લાન્ટનું ભૂમિપૂજન, કચ્છની સરહદ ડેરીના અત્યાધુનિક ડેરી પ્લાન્ટની પણ સ્થાપના અને કચ્છના ખાવડા નજીક હાઈબ્રિડ પાર્કની સ્થાપના કરાશે.
ગુજરાતે અનેક અસંભવ કામને સંભવ કરી બતાવ્યું છે : CM રૂપાણી
રાજ્યના મુખ્યમંત્રી વિજય રૂપાણીએ ગુજરાત પ્રવાસે આવેલા પ્રધાનમંત્રી મોદીનું શાબ્દિક સ્વાગત કર્યું હતું અને તેમણે કચ્છ વિશે કહ્યું હતું કે, કચ્છે અનેક કુદરતી આફતનો સામનો કર્યો છે તેમ છતાં દોઢ દાયકામાં તેણે ખૂબ જ ઉપલબ્ધિઓ મેળવી છે અને હાલ ગુજરાતમાં વિશ્વની તમામ કંપનીઓ છે. તો તેમણે એમપણ કહ્યું હતું કે, આજે કોઈ એવી ઈન્ડસ્ટ્રી નથી જે કચ્છમાં ન હોય.
ખેડૂતો સાથે સંવાદ સાધ્યો
ઉલ્લેખનીય છે કે, એકતરફ દિલ્હી બોર્ડર પર પંજાબ અને હરિયાણાના ખેડૂતો 3 કૃષિ કાયદાના વિરોધમાં આંદોલન કરી રહ્યા છે ત્યારે આ તરફ આજે પ્રધાનમંત્રી મોદી ધોરડો ખાતે પ્રધાનમંત્રી કચ્છના પ્રગતિશીલ ખેડૂતોને અને કચ્છ સરહદે ખેતી કરતા પંજાબી ખેડૂતોને મળી તેમને સાથે વાર્તાલાપ યોજ્યો હતો.
