મહામારી / છત્તીસગઢમાં કલેક્ટરની થપ્પડ ખાનાર છોકરાનો વીડિયો આવ્યો સામે, વર્ણવી પૂરી કહાની

• છત્તસીગઢના સુરજપુરના કલેક્ટરે અમન મિત્તલ નામના છોકરાને થપ્પડ મારી
• અમન મિત્તલ કોરોનાગ્રસ્ત દાદીને ટિફિન આપવા જઈ રહ્યો હતો
• દવાખાના કાગળો દેખાડ્યાં છતાં પણ કલેક્ટરે કર્યો ખરાબ વ્યવહાર
• ફોન ઝૂંટવી લીધો, મને થપ્પડ મારી, કેસ કરવાની પણ ધમકી આપી-અમન મિત્તલ 

આ આખી ઘટનાને વર્ણવતા અમન મિત્તલે જણાવ્યું કે મારી દાદીને કોરોના થયો હતો અને હું તેમને માટે ખાવાનું લઈને જઈ રહ્યો હતો. આ દરમિયાન વચ્ચે મને રોકવામાં આવ્યો અને મારી વાત સાંભળ્યા વગર કલેક્ટરે મને થપ્પડ મારી દીધી. 

અમન મિત્તલે જણાવ્યું કે હું ઘેરથી મારી દાદીને ભોજન આપવા માટે દવાખાને જઈ રહ્યો હતો ત્યારે વચ્ચમાં મને કલેક્ટરે ઊભો રાખ્યો અને મને બહાર જવાનું કારણ પૂછ્યું. મેં કહ્યું કે હું દાદી માટે ખાવાનું લઈને જઉ છું. કલેક્ટરે તો પહેલા મને જવા દીધો હતો પરંતુ પછી તરત જ મને પાછો બોલાવ્યો.મારો ફોન ઝૂંટવી લઈને નીચે નાખી દીધો તથા મને થપ્પડ મારી દીધી. કલેક્ટરે તો મને ધમકીઓ પણ આપી.મારી સામે કેસ દાખલ કરવાનુ પણ જણાવ્યું. 

શું છે આખો વાયરલ વીડિયો વિવાદ?
નોંધનીય છે કે સૂરજગઢના કલેકટર રણબીર શર્માનો એક વીડિયો સોશ્યલ મીડિયામાં વાયરલ થયો હતો જેમાં તેઓ લોકડાઉનમાં ઘરની બહાર નીકળેલા યુવકનો ફોન પછાડીને તોડી નાંખે છે તથા લાફો મારે છે. આટલું જ નહીં હાજર સુરક્ષાકર્મીઑને પણ આદેશ આપ્યા કે 'તેને મારો'. સમગ્ર ઘટનાનો વીડિયો વાયરલ થયા બાદ સોશ્યલ મીડિયા યુઝર્સ દ્વારા ભારે રોષ વ્યક્ત કરવામાં આવ્યો હતો. વીડિયોમાં યુવક બહાર નીકળવાના કારણો દર્શાવવા માટે કાગળ બતાવી રહ્યો હતો. 

Chhattisgarh | In a viral video, Surajpur District Collector Ranbir Sharma was seen slapping a person and slamming his phone on the ground, for allegedly violating #COVID19 lockdown guidelines pic.twitter.com/z4l0zkdy7C

— ANI (@ANI) May 22, 2021