- હૈદરાબાદમાં છે મમતા કુલકર્ણીનું મંદિર
- માતાના કહેવા પર બની હતી મોડલ
- 200 કરોડના ડ્રગ રેકેટમાં છે ફરાર
20 એપ્રિલ 1972એ મમતા કુલકર્ણીનો જન્મ મુંબઈના મિડલ ક્લાસ પરિવારમાં થયો હતો. એક દિવસ મમતા કુલકર્ણીના માતાએ છાપામાં જાહેરાત જોઈ, જેમાં લખેલું હતું કે મોડલિંગ એજન્સીને નવા ચહેરાની તલાશ છે. તે સમયે મમતા સ્કૂલમાં હતી.
જેવી મમતા ઘરે આવી તો માતાએ પુછ્યું કે તું મોડલિંગ કરવા માંગે છે? મમતાએ કહ્યું જોવું. આગળ માતાએ કહ્યું, ઓકે સાંજે તૈયાર રહેજે આપણે એડ એજન્સીની પાસે જઈ રહ્યા છીએ. મમતા એજન્સીમાં પહોંચી અને તેને સતત મોડલિંગના ઓફર મળવા લાગ્યા.
સાઉથ ફિલ્મોમાં મળવા લાગ્યું કામ
મોડલિંગ કર્યા બાદ મમતાને સાઉથ ફિલ્મોમાં કામ મળવા લાગ્યું. તેમની પહેલી ફિલ્મ નનબારગલ હતી. મેરા દિલ તેરે લીયેથી મમતા હિંદી ફિલ્મોમાં આવી અને સતત ફિલ્મો કરવા લાગી. સુનીલ શેટ્ટી, અક્ષય કુમાર, સૈફ અલી ખાન, સની દેઓલ જેવા મોટા સ્ટાર્સની સાથે કામ કરતા મમતાની પાસે ઘણી ફિલ્મો હતી.
પરંતુ તેને ક્યારેય ટોપ એક્ટ્રેસની લિસ્ટમાં જગ્યા ન મળી. મમતાના કરિયરની સૌથી ચર્ચિત ફિલ્મો આશિક આવાર, કરણ અર્જુન, સબસે બડા ખેલાડી, આંદોલન, બાજી, ચાઈના ગેટ રહી છે.
હૈદરાબાદમાં મમતા કુલકર્ણીનું મંદિર
1992માં મમતા કુલકર્ણી ફિલ્મ પ્રેમ શિકારમમાં જોવા મળી હતી. જેણે બોક્સ ઓફિસના બધા રેકોર્ડ તોડી નાખ્યા હતા. સાઉથમાં મમતાની ફેન ફોલોવિંગ એવી વધી ગઈ હતી કે તેના ફેંસે તેમના માટે હૈદરાબાદમાં એક મંદિર બનાવ્યું હતું.
ફિલ્મ રિલીઝ બાદ મમતાને સાઉથથી ઘણા ફેનમેલ આવતા હતા. જેવું તેને તેની જાણકારી મળી તો તેને કહ્યું હતું મને ક્યારેય તેની આશા ન હતી. જો ક્યારેય નેલ્લોરથી પસાર થઈ તો જરૂર તે મંદિર જઈશ. એક ઈન્ટરવ્યૂમાં મમતાએ આ વાતને કન્ફર્મ કરી ચે.
ટોપ લેસ પોઝ આપી ચર્ચામાં આવી હતી મમતા
1993માં આવેલી સ્ટારડસ્ટ મેગેઝીનના કવર પેજ માટે મમતાએ ટોપલેસ ફોટોશૂટ કરાવ્યું હતું. મેગેઝીન સામે આવતા જ મમતા વિવાદોમાં ફસાઈ. તેના માટે મમતાએ માફી માંગી અને સ્પષ્ટતા કરી. મમતાએ કહ્યું હતું હું જાણું છું કે મારાથી ભુલ થઈ ગઈ છે. મને લોકો ખૂબ સીધી-સાદી સમજે છે. જ્યારે પણ મારી પાસે ફેનલેટર્સ આવે છે તો તેમની મુલાકાત આદરણીય મમતા કુલકર્ણી સાથે થાય છે.
એવામાં મારા ફેન્સને આઘાત લાગ્યો છે. મને નથી ખબર કે તેનું રિઝલ્ટ આવું હશે. લોકોને વધારે આશ્ચર્ય એટલે થયો કે મારી ઈમેજ અલગ હતી. લોકો મને દેવીની જેમ પુજતા હતા. કહેવાય છે કે તે સમયે 20 રૂપિયાની આ મેગેઝીન 100-100 રૂપિયામાં વેચાઈ રહી હતી.
અંડરવર્લ્ડ ડોન સાથે કનેક્શન
ફિલ્મ ઘાતકના ગીત મારા રે માં મમતાનું સ્પેશિયલ અપીયરન્સ હતું. આ ફિલ્મને રાજકુમાર સંતોષીએ ડાયરેક્ટ કર્યું હતું. જ્યારે રાજકુમારે 1999ની ફિલ્મ ચાઈના ગેટ બનાવવાનો નિર્ણય કર્યો. તો તેમણે મમતાને જ સાઈન કરી લીધી. રાજકુમાર કાસ્ટિંગથી ખુશ ન હતા અને હીરોઈન બદલવા પર વિચાર કરી રહ્યા હતા.
જેવું રાજકુમારે તેને ફિલ્મમાંથી કાઢી મુકી તો તેમને સતત અંડરવર્લ્ડ ડોન છોટા રાજનને ધમકી ભરેલા કોલ આવવા લાગ્યા. છોટા રાજનની ધમકીઓ મળવા બાદ રાજકુમારે મમતાને જ ફિલ્મમાં રાખી.
ગ્લેમર વર્લ્ડ છોડી બની ગઈ હતી સાધવી
ફિલ્મ ઈન્ડસ્ટ્રી છોડ્યા બાદ મમતા વિક્કી ગોસ્વામી સાથે દુબઈ અને કેન્યામાં રહેવા લાગી. ત્યારબાદ અચાનક 2013માં મમતાની એક તસવીર સામે આવી, જે તેણે સોશિયલ મીડિયા પર પોસ્ટ કરી હતી. તસવીરમાં મમતા સાધ્વીના અવતારમાં જોવા મળી હતી. તે જ વર્ષે મમતા કુલકર્ણીએ બુક આટોબાયોગ્રાફી ઑફ અ યોગિની લૉન્ચ કરી.
આ તસવીર અને પુસ્તકથી મમતા ફરી ચર્ચામાં આવી. એક ટીવી ચેનલને આપેલા ઈન્ટરવ્યુમાં તેણે કહ્યું હતું કે, મેં વિક્કી સાથે લગ્ન કર્યા નથી. હું અત્યારે કોઈની પત્ની નથી. કેટલાક લોકો કામ માટે જન્મ્યા છે અને કેટલાક ભગવાન માટે. હું ભગવાન માટે જન્મી છું. મમતા સંપૂર્ણ રીતે સાધ્વી બની ગઈ હતી.
2000 કરોડના ઈન્ટરનેશનલ ડ્રગ રેકેટમાં નામ
2016માં મમતા કુલકર્ણી અને તેમના રૂમર્ડ પતિ વિક્કી ગોસ્વામીનું નામ 2000 કરોડના ડ્રગ રેકેટમાં સામે આવ્યું હતું. આરોપ હતો કે બન્ને કેન્યામાં એક મોટુ ડ્રગ રેકેટ ચલાવી રહ્યા છે.
નામ આવ્યા બાદ બન્નેની તલાશ શરૂ થઈ ગઈ. પરંતુ બન્ને ન મળ્યા. 2016માં ઠાણેની એક સ્પેશિયલ કોર્ટે બન્નેને ભાગેડુ જાહેર કર્યા હતા. 2017માં મમતા કુલકર્ણીની મુંબઈ સંપત્તિ જપ્ત કરી લીધી છે.
