મનોરંજન / હવે બોબી દેઓલનો પુત્ર કરશે બોલિવુડમાં એન્ટ્રી, ફિલ્મ Animalના એક્ટરે કર્યું કન્ફર્મ, જુઓ શું કહ્યું

• ફિલ્મ 'એનિમલ' બોક્સ ઓફિસ પર ધમાલ મચાવી રહી છે
• બોબી દેઓલના દીકરાની બોલીવુડમાં એન્ટ્રી !
• બંને દીકરાને બોબી દેઓલની પલબ્ધિ પર ગર્વ

રણબીર કપૂરની ફિલ્મ 'એનિમલ' બોક્સ ઓફિસ પર ધમાલ મચાવી રહી છે. સંદીપ રેડ્ડી વાંગાની આ વાયલેન્ટ ફિલ્મમાં રણબીરની સાથે-સાથે બોબી દેઓલની એક્ટિંગનાં પણ ખૂબ વખાણ કરવામાં આવી રહ્યાં છે. મૂવી રિલીઝ પહેલાં મેકર્સે બોબી દેઓલનાં પાત્રને લઈને ગજબ હાઈપ ક્રિએટ કર્યો હતો પણ ફિલ્મમાં બોબીનો સ્ક્રીન ટાઈમ ઘણો ઓછો જોવા મળી રહ્યો છે. બોબી દેઓલે તાજેતરમાં ખુલાસો કર્યો છે કે, તેમના બંને દીકરા આર્યમન દેઓલ અને ધરમ દેઓલને તેમની ઉપલબ્ધિ પર ગર્વ છે. બોબી દેઓલે તેમના દીકરાની બોલીવુડમાં એન્ટ્રી થવા બાબતે જણાવ્યું છે. 

બંને દીકરાને બોબી દેઓલની સક્સેસ પર ગર્વ
બોબી દેઓલે જણાવ્યું છે કે, ‘બંને દીકરાને મારી સફળતા પર ગર્વ છે. તેમને મારા પર ગર્વ છે, જે હું તેમની આંખોમાં જોઈ શકું છું. આર્યમન દેઓલ અને ધરમ દેઓલ સતત ફિલ્મ ‘એનિમલ’ની ખબરને ટ્રેક કરી રહ્યા છે. પ્રિવ્યૂઝ, બોક્સઓફિસના આંકડા પર ધ્યાન આપી રહ્યા છે.’ બંને દીકરા ટીઝર રિલીઝથી લઈને ટ્રેલર લોન્ચ અને લેટેસ્ટ અપડેટ જાણવા માટે ટીવી જોતા રહે છે. બોબી દેઓલે વધુમાં જણાવ્યું કે, ‘બંને દીકરાએ મને મુશ્કેલ સમયમાંથી પસાર થતો જોયો છે. મને જાણીને ખુશી થઈ કે, મેં બેસ્ટ પર્ફોર્મન્સ આપ્યું છે અને આભારી છું.’

શું બોબી દેઓલના દીકરા બોલીવુડમાં એન્ટ્રી કરશે?
બોબી દેઓલે જણાવ્યું છે કે, ‘આર્યમન અને ધરમ ફિલ્મ ઈન્ડસ્ટ્રીમાં એન્ટ્રી કરવાનું પ્લાનિંગ કરી રહ્યા છે. જેમાં 3-4 વર્ષ લાગી શકે છે. આર્યમને ન્યુયોર્ક યુનિવર્સિટીમાંથી ગ્રેજ્યુએશન કર્યું છે અને તેણે ટ્રેનિંગ અને ખુદ પર મહેનત કરવાની જરૂર છે. બંને દીકરા ક્ષમતા ધરાવે છે. નાના દીકરા ધરમે કોરોનાકાળ દરમિયાન ફિલ્મ મેકિંગ શીખ્યો છે. ઈન્સ્ટાગ્રામ પર પોસ્ટ કરેલ તમામ ફોટોઝ નાના દીકરા ધરમે ક્લિક કર્યા છે.’

ફિલ્મ 'એનિમલ'ની રેકોર્ડબ્રેક કમાણી
ફિલ્મ 'એનિમલ'એ બોક્સઓફિસ પર ધૂમ મચાવી દીધી છે. ફિલ્મ રિલીઝ થયાના એક સપ્તાહમાં 350 કરોડથી વધુનું કલેક્શન કર્યું છે અને વૈશ્વિક સ્તરે 500 કરોડથી વધુની કમાણીનો આંકડો પાર કરવા માટે તૈયાર છે. આ ફિલ્મમાં રણબીર કપૂર, બોબી દેઓલ, રશ્મિકા મંદાના અને અનિલ કપૂરે મુખ્ય ભૂમિકા ભજવી છે.