સાઉથ ઈન્ડસ્ટ્રી / બાબા નિરાલા બનશે ઔરંગજેબ, સાઉથની આ કહાનીનુ કોહિનૂર સાથે છે રોચક કનેક્શન

• બોબી દેઓેલે સાઉથમાં ડેબ્યુ કરવામાં સફળતા મેળવી
• પહેલી ફિલ્મ સાઉથના સુપરસ્ટાર પવન કલ્યાણની સાથે થશે
• ઐતિહાસિક ફિલ્મમાં બૉબી મુઘલ બાદશાહ ઔરંગજેબના રોલમાં દેખાશે 

બૉબી દેઓલ મુઘલ બાદશાહ ઔરંગજેબના રોલમાં દેખાશે 

બૉલીવુડની ડૂબતી ફિલ્મો વચ્ચે અહીંના અભિનેતા સાઉથમાં જગ્યા તપાસી રહ્યાં છે. અહીં હીરોથી નાનો રોલ નહીં સ્વીકાર કરનારા અભિનેતા સાઉથની ફિલ્મોમાં સાઈડ રોલ અથવા કેરેક્ટર રોલ કરવા માટે રાજી છે. હાલમાં વેબસીરીઝ આશ્રમમાં બાબા નિરાલાનુ પાત્ર ભજવીને કમબેક કરીને લોકપ્રિય બનેલા બૉબી દેઓલ પણ સાઉથના રસ્તે આગળ વધ્યાં છે. તેઓ આવતા વર્ષે તેલુગુ પીરિયડ ડ્રામા હરિ હર વીર મલ્લૂમાં મુઘલ બાદશાહ ઔરંગજેબની ભૂમિકા નિભાવતા દેખાશે. નિર્માતાએ શનિવારે તેની જાહેરાત કરી. પહેલા આ રોલ બોલીવુડ અભિનેતા અર્જુન રામપાલ નિભાવવાના હતા. પરંતુ તેમની જગ્યાએ હવે બોબી દેઓલ આવી ગયા છે. 

આ તકની તલાશ હતી  

નિર્દેશક કૃષની આ ફિલ્મમાં તેલુગુ સ્ટાર પવન કલ્યાણ મુખ્ય રોલમાં છે. તેમની હીરોઈન તરીકે નિધિ અગ્રવાલ દેખાશે. ફિલ્મનુ શૂટિંગ હૈદ્રાબાદમાં શરૂ થયુ છે અને બૉબી ઓરંગજેબની ભૂમિકા નિભાવવા માટે ત્યાં પહોંચી ગયા છે. ફિલ્મની ટીમે સોશિયલ મીડિયામાં એક વીડિયો જાહેર કર્યો છે, જેમાં તેઓ બૉબીનુ સ્વાગત કરતા દેખાય છે. બૉબીનુ સાઉથ સિનેમામાં આ પહેલુ પગલુ છે અને આ પેન-ઈન્ડિયા ફિલ્મ હશે. 53 વર્ષના બૉબીએ કહ્યું કે તેઓ સાઉથમાં કામ કરવાની તક તપાસી રહ્યાં હતા અને સુપરસ્ટાર પવન કલ્યાણની સાથે ઓરંગજેબની ભૂમિકા કરતા વધુ ઉત્સાહિત છે. આ ફિલ્મ 2023માં તેલુગુ, તામિલ, કન્નડ, મલયાલમ અને હિન્દીમાં રીલીઝ થશે. 

 

 

 

 

View this post on Instagram

 

 

 

 

 

 

 

 

 

 

 

A post shared by Krish Jagarlamudi (@dirkrish)

ડાયરેક્ટરનુ બોલીવુડ કનેક્શન 

હરી હર વીર મલ્લૂ 17મી સદીમાં મુઘલ કાળની કહાની છે. આ કહાની બાગી વીર મલ્લૂની છે, જે ઔરંગજેબની પાસે સુરક્ષિત દુનિયાનો સૌથી કિમતી હીરો કોહિનૂરને ચોરવા માટે નિકળે છે. ફિલ્મમાં પહેલા મુઘલ બાદશાહ ઔરંગજેબની બહેન રોશન આરાના રોલ માટે જેકલીન ફર્નાન્ડીસને સાઈન કરવામાં આવી હતી. પરંતુ પોતાની વ્યસ્તતાના કારણે તે ફિલ્મથી અલગ થઇ. અહેવાલ છે કે તેમની જગ્યા હવે નર્ગિસ ફખરીએ લીધી છે.