હેલ્થ ન્યુઝ / પગમાં દેખાતી આ નસોને ભૂલથી પણ હળવાશમાં ન લેતા, નહીં તો સપડાઇ જશો ગંભીર બીમારીમાં

• વેરિકોઝ વેન્સની સમસ્યા શું હોય છે 
• જે લોકો ઓછું ચાલે છે તેમને આ બીમારી થવાની સંભાવના છે
• આ ઉપાય વેરિકોઝ વેન્સની સમસ્યામાં મદદરૂપ થઈ શકે છે 

મનુષ્ય શરીર ઘણી નસોથી બનેલું છે. સંપૂર્ણ શરીરમાં ફેલાયેલી આ લોહીની નસો રુધિરાભિસરણ તંત્રનો ભાગ છે. જે શરીરના દરેક ભાગમાં ઓક્સિજન અને ન્યુટ્રિશન પહોંચાડવાનું કામ કરે છે. તમે ઘણી વાર જોયું હશે કે કેટલાક લોકોની નસો વાદળી, લીલી અને જાંબલી રંગની દેખાતી હોય છે. આ કોઈ સામાન્ય બાબત નથી પરતું વેરિકોઝ વેન્સ નામની એક ઘાતક બીમારી છે. આ તમારા શરીરમાં ત્યારે દેખાય છે, જ્યારે નસોની દીવારો નબળી થઈ જાય છે.  વેરિકોઝ વેન્સ વધુ પડતી પગમાં જોવા મળે છે. તેનાથી નસોમાં સોજો આવી જાય છે અને તેનાથી નસ મોટી, વાદળી અને વળેલી દેખાય છે. જો સમયસર તેની સારવાર ન કરવામાં આવે તો ચાલવામાં સમસ્યા થઈ શકે છે. જાણો, વેરિકોઝ વેન્સનાં લક્ષણો કેવા હોય છે. 

આ વેરિકોઝ વેન્સનાં લક્ષણો છે 

• વાદળી નસો 
• ફુલેલી નસો 
• પગમાં સોજો 
• સ્નાયુઓમાં ખેચાણ 
• ત્વચા પર અલ્સર 

વેરિકોઝ વેન્સની સમસ્યા શું હોય છે 
જ્યારે તમારા શરીરમાં રક્ત પરિભ્રમણ યોગ્ય રીતે નથી થઈ શકતું ત્યારે વેરિકોઝ વેન્સની સમસ્યા સર્જાય છે. રક્ત પરિભ્રમણ ધીમી ગતિથી થવાના કારણે લોહી નસોમાં જમા થઈ જાય છે. જેના કારણે નસમાં સોજો આવી જાય છે અને તે વળવા લાગે છે. વેરિકોઝ વેન્સમાં વાદળી રંગની ગાંઠો ઘણી વાર લોકોમાં દુ:ખાવાનું કારણ બને છે. વેરિકોઝ વેન્સની સમસ્યા એવા લોકોને વધુ થાય છે, જે લોકો લાંબા સમય સુધી ઊભા અથવા બેઠા રહે છે. તેથી દુકાનદાર, શિક્ષક, ઓફિસમાં કામ કરતાં લોકો, ટ્રાફિક પોલીસ અને ચોકીદાર વેરિકોઝ વેન્સની સમસ્યાનાં શિકાર બને છે. જે લોકો ઓછું ચાલે છે તેમને આ બીમારી થવાની સંભાવના છે. 

વાંચવા જેવું: સવારે ઉઠતાંવેંત બ્રશ કર્યા વગર પાણી પીવાના 5 ગજબ ફાયદા: ત્વચા ખિલશે, પેટ સાફ રહેશે

આ કારણોથી પણ વેરિકોઝ વેન્સની સમસ્યા થઈ શકે છે 

• હોર્મોન્સનું સંતુલન બગડવું 
• વધતી જતી ઉંમર 
• વધુ પડતું વજન 
• લાંબા સમય સુધી ઊભા રહેવું 
• નસો પર દબાળ પડવું 

આ ઉપાય વેરિકોઝ વેન્સની સમસ્યામાં મદદરૂપ થઈ શકે છે 
તમારે તમારી જીવનશૈલીમાં સામાન્ય પરિવર્તન કરવું જોઈએ. જેનાથી તમને વેરિકોઝ વેન્સ જેવી બીમારીથી છુટકારો મળશે. દરરોજ લીલા શાકભાજી ખાવાથી નસો ખરાબ થવાનું જોખમ ઓછું થઈ જાય છે. લીલા શાકભાજી નસમાં ફેટ અને કેલ્શિયમ જામવા નથી દેતા. તેથી રક્ત પરિભ્રમણ યોગ્ય રીતે કામ કરી શકે છે. 

વેરિકોઝ વેન્સની સારવાર 
જો કોઈ પણ ઉપાયથી તમને રાહત ન મળે તો તમારે વેરિકોઝ વેન્સની સારવાર કરાવવી પડશે. જેમ કે, કપીંગ થેરાપી, લીચ થેરાપી, માટીનો લેપ જેવી થેરાપી વેરિકોઝ વેન્સ માટે અસરકારક છે.