રાજકારણ / 'ભાજપ દરેક ચૂંટણીને ગંભીરતાથી લે છે', મંત્રીઓ-સાંસદોને ટિકિટ આપવા મુદ્દે શું બોલ્યા અનુરાગ ઠાકુર

• મહારાષ્ટ્રમાં કેન્દ્રીય મંત્રી અનુરાગ ઠાકુરનું નિવેદન 
• દરેક વિધાનસભા અને લોકસભાની ચૂંટણી પાર્ટી માટે મહત્વની હોય
• પાર્ટી જીતવા માટે ચૂંટણી લડે છે: અનુરાગ ઠાકુર

Assembly Election 2023 : લોકસભા ચૂંટણીની પહેલા હવે દેશના 5 રાજ્યોમાં વિધાનસભા ચૂંટણીનું બ્યૂગલ ફૂંકાઈ ચૂક્યું છે. મહત્વનું છે કે, ભાજપ દરેક ચૂંટણીને ગંભીરતાથી લે છે. દરેક વિધાનસભા અને લોકસભાની ચૂંટણી પાર્ટી માટે મહત્વની હોય છે. ભાજપના વરિષ્ઠ નેતા અને કેન્દ્રીય મંત્રી અનુરાગ ઠાકુરે વિધાનસભા ચૂંટણીમાં કેન્દ્રીય મંત્રીઓ અને સાંસદોને ઉમેદવાર બનાવવાના પ્રશ્ન પર કહ્યું કે,  પાર્ટી જીતવા માટે ચૂંટણી લડે છે. 

મહારાષ્ટ્રમાં અનુરાગ ઠાકુરનું નિવેદન 
મહત્વનું છે કે, આગામી લોકસભા ચૂંટણી માટે વ્યૂહરચના ઘડવાની યોજનાના ભાગરૂપે ભાજપના નેતાઓ સાથે બેઠકની અધ્યક્ષતા કરવા હાલ અનુરાગ ઠાકુર મહારાષ્ટ્રના પ્રવાસે છે. આ દરમિયાન તેમણે કહ્યું કે, દરેક ચૂંટણી એ લોકોની સેવા કરવા માટે ફરીથી ચૂંટાવાની તક છે. આગામી ચૂંટણીને ધ્યાનમાં રાખીને આપણે પક્ષને પાયાના સ્તરે મજબૂત કરવાની જરૂર છે. અમે NDAને પણ મજબૂત કરવા માંગીએ છીએ. ભાજપ સંગઠનાત્મક બેઠકો યોજી રહી છે અને 2024ની ચૂંટણી માટે રણનીતિ તૈયાર કરી રહી છે.

#WATCH | Mumbai: Union Minister and BJP MP Anurag Thakur says, "BJP has become strong by its workers' support... We will make the party stronger for the upcoming elections in April 2024... Not just one election, every Vidhan Sabha and Lok Sabha election is important for us...… pic.twitter.com/JSunvNHua0

— ANI (@ANI) October 13, 2023

અમે જીતવા માટે ચૂંટણી લડીએ છીએ: અનુરાગ ઠાકુર 
આ સાથે અનુરાગ ઠાકુરે કહ્યું કે, અમે પૂરી તાકાતથી ચૂંટણી લડીએ છીએ. જો તમે મધ્યપ્રદેશ, છત્તીસગઢ અને રાજસ્થાન પર નજર નાખો તો ઘણા સાંસદો અને કેન્દ્રીય મંત્રીઓ ચૂંટણી લડી રહ્યા છે. આ દર્શાવે છે કે, અમે કેટલી ગંભીરતા સાથે ચૂંટણી લડીએ છીએ. ઉલ્લેખનીય છે કે, વિધાનસભા ચૂંટણી માટે અત્યાર સુધી જાહેર કરાયેલા ઉમેદવારોમાં ભાજપે ચાર કેન્દ્રીય મંત્રીઓ સહિત 18 સાંસદોને મેદાનમાં ઉતાર્યા છે. જેમાં મધ્યપ્રદેશ અને રાજસ્થાનના સાત-સાત ઉમેદવારો અને છત્તીસગઢના ચાર ઉમેદવારોનો સમાવેશ થાય છે.  વિધાનસભા ચૂંટણીના તાજેતરના રાઉન્ડ માટે અત્યાર સુધી જાહેર કરાયેલ ઉમેદવારોની યાદીમાં ભાજપે ચાર કેન્દ્રીય મંત્રીઓ સહિત 18 સાંસદોને નોમિનેટ કર્યા છે, જેમાં મધ્યપ્રદેશ અને રાજસ્થાનના સાત-સાત અને છત્તીસગઢના ચાર સાંસદોનો સમાવેશ થાય છે. 

વિપક્ષના ગઠબંધન INDIAના આરોપોને ફગાવ્યાં 
જ્યારે સબકા સાથ અને સબકા વિકાસનું પાલન કરવામાં આવી રહ્યું છે, ત્યારે મંત્રી ઠાકુરે ભાજપની ભેદભાવપૂર્ણ નીતિઓ અપનાવવાના વિપક્ષના ગઠબંધન INDIAના આરોપોને ફગાવી દીધા છે. તેમણે કહ્યું કે મોદી સબકા સાથ, સબકા વિકાસના સિદ્ધાંતને અનુસરી રહ્યા છે. છેલ્લા સાડા નવ વર્ષમાં તેમની સાથે ભેદભાવ થયો હોવાનો દાવો કોઈ કરી શકે નહીં. નરેન્દ્ર મોદી સરકારમાં ગરીબો અને જરૂરિયાતમંદોને ઘણી યોજનાઓનો લાભ મળ્યો છે.