- ભાજપ અધ્યક્ષ જે.પી.નડ્ડા ત્રિપુરા પ્રવાસે
- અગરસલામાં ચૂંટણીને લઈને ઘોષણાપત્ર જાહેર
- મુખ્યમંત્રી માણિક સાહા પણ રહ્યાં હાજર
ભારતીય જનતા પાર્ટીએ ત્રિપુરા વિધાનસભા ચૂંટણીને લઈને ગુરૂવારે ઘોષણાપત્ર જાહેર કર્યો હતો. પાર્ટી અધ્યક્ષ જે.પી.નડ્ડાએ રાજધાની અગરસલામાં મુખ્યમંત્રી માણિક સાહાની સાથે જનતા માટે પોતાનો સંકલ્પ જનતા સમક્ષ રાખ્યો. નડ્ડાએ આ દરમિયાન કહ્યું કે ભાજપનાં સંકલ્પ પત્રની લોકો રાહ જોતા હોય છે.
સંકલ્પ પત્ર અને તેના મહત્વનો કર્યો ઉલ્લેખ
તેમણે કહ્યું કે 'સંકલ્પ પત્રની ચર્ચાની સાથે જ હું તેના મહત્વની પણ ચર્ચા કરૂં છું. બીજી પાર્ટી ઘોષણા પત્ર લાવે છે તો તેને તેમની પાર્ટીનાં લોકો જ મહત્વ આપતાં નથી પરંતુ ભાજપ કોઈ પ્રતિબદ્ધતા આપે છે તો તેને લોકો સમજે છે. દેશનાં લોકો તેના પર વાત કરે છે. '
કામનું 'રિપોર્ટ કાર્ડ' રજૂ કરીએ છીએ- નડ્ડા
ભાજપ અધ્યક્ષે અગરતલામાં એક સભાને સંબોધિત કરતાં કહ્યું કે અમારી પાર્ટીએ રાજનૈતિક સંસ્કૃતિ બદલી છે, અમે પોતાના કામનું 'રિપોર્ટ કાર્ડ' રજૂ કરીએ છીએ. અમે ત્રિપુરાને બંધ અને નાકાબંધીથી મુક્ત કરાવ્યું...તેમણે આગળ કહ્યું કે ત્રિપુરામાં છેલ્લાં પાંચ વર્ષોમાં પ્રધાનમંત્રી આવાસ યોજના અંતર્ગત 3.5 લાખ મકાન બનાવવામાં આવ્યાં છે. 2018માં ત્રિપુરામાં સુરક્ષિત પીવાનું પાણી માત્ર 3% હતું પરંતુ 'જળ જીવન મિશન' ની મદદથી હવે આંકડો વધીને 55% થયો છે.
'સૌ મંગલમય રહે...'
આ પહેલાં ભાજપનાં રાષ્ટ્રીય અધ્યક્ષે ઉદયપુર સ્થિત ગોમતીમાં ત્રિપુરા સુંદરી મંદિરનાં દર્શન કર્યાં અને પૂજા પણ કરી. આ દરમિયાન ત્રિપુરાનાં મુખ્યમંત્રી માણિક સાહા પણ તેમની સાથે જ હતાં. તેમણે કહ્યું કે 'જ્યારે હું ત્રિપુરા આવું છું તો અહીં જરૂરથી પહોંચું છું. આ 51 શક્તિપીઠોમાંનું એક છે. મારી કામના છે કે સૌ મંગલમય રહે...અહીં આવીને મને એક નવી ઊર્જા અને શક્તિ મળે છે.'
