- પાટીદાર અને OBC સમાજને આપી ટિકીટ
- હાર્દિક પટેલને પણ આપ્યો છે મોકો
- 13 પૂર્વ વિધાયકોને આપી ટિકીટ
ગુજરાત વિધાનસભાની ચૂંટણીમાં ભારતીય જનતા પાર્ટીએ ઓબીસી અને પાટીદાર ઉમેદવારો પર વધુ વિશ્વાસ દર્શાવ્યો છે. પાર્ટીએ આ વખતે 58 ઓબીસીનાં ઉમેદવારોને ચૂંટણીનાં મેદાનમાં ઊતાર્યાં છે. તે સિવાય કુલ 45 જેટલા પાટીદાર ઉમેદવારોને ભાજપની ટિકીટ આપવામાં આવી છે. આ ચૂંટણીમાં અનુસૂચિત જનજાતિ અને 15 અનુસૂચિત જાતિનાં ઉમેદવારોને ટિકીટ આપવામાં આવી છે.
45 પાટીદારોને ટિકીટ
બીજેપીનાં ઉમેદવારોની યાદીમાં 45 પાટીદારોને સ્થાન આપવામાં આવ્યું છે. તેમાંથી 25 લેઉઆ પટેલ અને 20 કડવા પટેલ છે. 2015નાં પાટીદાર આંદોલને 2017ની વિધાનસભાની ચૂંટણીમાં ભાજપને ઘણું નુક્સાન પહોંચાડ્યું હતું. આ વખતે પાટીદાર આંદોલન શાંત છે. ભાજપે પાટીદાર આંદોલનનો મોટો ચહેરો હાર્દિક પટેલને પણ વીરમગામની સીટ આપી છે. તો ગાંધીનગર દક્ષિણથી અલ્પેશ ઠાકોર બીજેપીની ટિકીટથી ચૂંટણી લડશે.
આ સમુદાયનાં વોટરોને આપી ટિકીટ
બીજેપીએ જે ઓબીસી ઉમેદવારોને ચૂંટણીનાં મેદાનમાં ઊતાર્યાં છે તે કોલી, આહીર, ઠાકોર, કરદિયા, ચૌધરી, વધેર, મેર, ખારવા, રાણાગોલા, માડી, પંચાલ, બારોટ, મોદી, મિસ્ત્રી, રબારી અને સતવારા સમુદાય સાથે સંકળાયેલા છે. બીજેપીએ કેવળ 16 મહિલા ઉમેદવારોને આ વખતે ટિકીટ આપી છે. બીજેપીનાં 13 ઉમેદવારોની ઉંમર 40 વર્ષથી ઓછી છે.
13 પૂર્વ વિધાયકોને આપી ટિકીટ
પાર્ટીએ 2022ની વિધાનસભાની ચૂંટણીમાં 13 પૂર્વ વિધાયકોને મેદાવમાં ઊતાર્યાં છે જેને 2017માં ટિકીટ આપવામાં આવી નહોતી. તેમાં પૂર્વ વિધાયક કાંતિલાલ અમૃતિયા પણ સમાવિષ્ટ છે. તેમણે મોરબી પુલની દુર્ઘટનામાં મચ્છૂ નદીમાં કૂદીને લોકોનો જીવ બચાવ્યો હતો. પાર્ટીએ આ વખતે તેમને મોરબીની ટિકીટ આપી છે.
બીજેપીનાં આ ચહેરાઓ કરશે ચૂંટણી પ્રચાર
આ વખતે ચૂંટણી જીતવા માટે બીજેપી જોરદાર તૈયારીઓ કરી રહી છે. પાર્ટીનાં કેટલાય દિગ્ગજ નેતા પ્રદેશમાં અલગ-અલગ જનસભાઓ અને રેલીઓ કરવાનાં છે. આ નેતાઓમાં મહારાષ્ટ્રનાં ઉપમુખ્યમંત્રી દેવેન્દ્ર ફડણવીસ, કેન્દ્રીય મંત્રી વી કે સિંહ, ઉત્તરપ્રદેશનાં ઉપમુખ્યમંત્રી બ્રિજેશ પાઠક અને પશ્ચિમ બંગાળમાં વિપક્ષ નેતા શુભેંદુ અધિકારી સમાવિષ્ટ છે.
