ભાજપ પહેલી યાદી / સુષમા સ્વરાજના પુત્રી બાંસુરીનું લોકસભા ડેબ્યૂ, જાણો ભાજપે કેમ આપી ટિકિટ? ખૂબ નવાઈનું કારણ

ભાજપની 195 ઉમેદવારોને સમાવતી લોકસભાની પહેલી યાદીમાં દિલ્હીની 7માંથી 5 લોકસભા સીટ સામેલ છે અને સૌથી ચોંકાવનારું દિવંગત પૂર્વ કેન્દ્રીય મંત્રી સુષ્મા સ્વરાજની પુત્રી બાંસુરી સ્વરાજનું નામ છે. બાંસુરી સ્વરાજને નવી દિલ્હી બેઠક પરથી ટિકિટ આપવામાં આવી છે. પોતાના નામની જાહેરાત બાદ બાંસુરીએ પીએમ મોદી મોદી, ગૃહ પ્રધાન અમિત શાહ, પાર્ટી અધ્યક્ષ જે પી નડ્ડાનો આભાર માન્યો હતો. 

#WATCH | BJP fields former External Affairs Minister late Sushma Swaraj's daughter, Bansuri Swaraj from New Delhi seat, she says, "I feel grateful. I express gratitude towards PM Modi, HM Amit Shah ji, JP Nadda ji and every BJP worker for giving me this opportunity. With the… pic.twitter.com/szfg055rzf

— ANI (@ANI) March 2, 2024

કોણ છે બાંસુરી સ્વરાજ 

• 1984માં જન્મેલી બાંસુરી સુષ્મા સ્વરાજ અને તેમના પતિ સ્વરાજ કૌશલની એકની એક દીકરી છે.
• બાંસુરી સ્વરાજ સુપ્રીમ કોર્ટમાં પ્રેક્ટિસ કરતા વકીલ છે અને તેમણે સમયાંતરે કાયદાકીય બાબતોમાં ભાજપને મદદ કરી છે.
• સ્વરાજ 2007માં દિલ્હીની બાર કાઉન્સિલમાં જોડાયા હતા.
• બાંસુરી સ્વરાજને કાયદાકીય વ્યવસાયમાં 17 વર્ષનો અનુભવ છે.
• બાંસુરી સ્વરાજે યુનિવર્સિટી ઓફ વોરવિકમાંથી અંગ્રેજી સાહિત્યમાં બીએ (ઓનર્સ) સાથે સ્નાતક થયા પછી લંડનની બીપીપી લો સ્કૂલમાં કાયદાનો અભ્યાસ કર્યો હતો.
• બાંસુરી સ્વરાજે કાયદામાં બેરિસ્ટરની ડિગ્રી મેળવી હતી અને આ પછી તેમણે ઓક્સફર્ડ યુનિવર્સિટીની સેન્ટ કેથરિન કોલેજમાંથી માસ્ટર ઓફ સ્ટડીઝની પદવી પણ મેળવી હતી.

Lawyer and the daughter of late Mrs.Sushma Swaraj, Bansuri Swaraj, to make her Lok Sabha debut in the upcoming elections. BJP has announced Bansuri Swaraj’s name in its first list of candidates to contest from the New Delhi Lok Sabha seat! 👏 pic.twitter.com/Otd3YVMBdj

— Rupa Murthy (@rupamurthy1) March 2, 2024

नई दिल्ली से सांसद प्रत्याशी घोषित होने पर सुश्री @BansuriSwaraj को हार्दिक शुभकामनाएं। pic.twitter.com/EVQkmCuZYc

— BJP Delhi (@BJP4Delhi) March 2, 2024

સુષમા સ્વરાજનું એકમાત્ર સંતાન 
ગત વર્ષે બાંસુરી સ્વરાજ અરવિંદ કેજરીવાલ પર હુમલો કરવામાં અગ્રિમ હરોળમાં રહ્યાં હતા તેમણે કેજરીવાલ સરકારને નકામી સુદ્ધાં ગણાવી દીધી હતી. દિલ્હી ભાજપ ચૂંટણી સમિતિ દ્વારા તૈયાર કરવામાં આવેલી યાદીમાં બાંસુરીનું નામ પહેલું હતું. કેન્દ્રીય ચૂંટણી સમિતીએ પણ આ નામ પર મંજૂરીની મહોર લગાવી દીધી હતી. ઉલ્લેખનીય છે કે 6 ઓગસ્ટ 2019ના દિવસે પૂર્વ કેન્દ્રીય મંત્રી અને ભાજપના દિગ્ગજ નેતા સુષમા સ્વરાજનું અવસાન થયું હતું. તેમને સંતાનમાં એકમાત્ર પુત્રી બાંસુરી સ્વરાજ છે. 

દિલ્હીની 7માંથી 5 બેઠકોના ઉમેદવાર જાહેર 
ભાજપે દિલ્હીની 7માંથી 5 બેઠકોના ઉમેદવાર જાહેર કર્યાં છે જેમાં ચાંદની ચોકથી પ્રવીણ ખંડેલવાલ, ઉત્તર પૂર્વ દિલ્હીથી મનોજ તિવારી, પશ્ચિમ દિલ્હીથી કમલજીત સેહરાવત અને દક્ષિણ દિલ્હીથી રામવીર બિધુડીનો સમાવેશ થાય છે.