ક્રાઈમ / અમદાવાદમાં બિહારવાળી: મણિનગરમાં જ્વેલર્સની દુકાનમાં ફાયરિંગ વિથ લૂંટનો પ્રયાસ, આરોપીએ સરેઆમ લહેરાવી બંદૂક, જુઓ વીડિયો

 

અમદાવાદના મણિનગરમાં LG હોસ્પિટલ નજીક લૂંટના ઈરાદે ફાયરિંગ, જ્વેલર્સની દુકાનમાં લૂંટનો કર્યો પ્રયાસ, સદનસીબે ગોળી રોડ પર વાગતા મોટી જાનહાનિ ટળી, આરોપીની થઈ અટકાયત#AhmedabadFiring #MAninagarFiring #vtvgujarati pic.twitter.com/b9cZrqq1eK

— VTV Gujarati News and Beyond (@VtvGujarati) August 15, 2023

• અમદાવાદનાં મણિનગરમાં LG હોસ્પિટલ નજીક લૂંટનાં ઈરાદે ફાયરિંગ
• લૂંટારૂ દ્વારા જ્વેલર્સની દુકાનમાં કર્યો લૂંટનો પ્રયાસ
• પોલીસે ઘટનાં સ્થળે પહોંચી લૂંટારૂની અટકાયત કરી

 અમદાવાદનાં મણિનગરમાં એલજી હોસ્પિટલ નજીક લૂંટનાં ઈરાદે જ્વેલર્સની દુકાનાં ફાયરિંગ કરી લૂંટનો પ્રયાસ કરતા નાસભાગ મચી જવા પામી હતી. સમગ્ર લૂંટનાં પ્રયાસની સમગ્ર ઘટના સીસીટીવીમાં કેદ થવા પામી હતી. ત્યારે પોલીસે એક આરોપીની અટકાયત કરી હતી. જ્વેલર્સની દુકાનમાં આરોપીએ લૂંટ કરવાનાં ઈરાદે ફાયરિંગ કર્યું હતું. ત્યારે સદનસીબે ગોળી રોડ પર વાગતા મોટી જાનહાનિ ટળી હતી.

લૂંટારૂને લોકોએ જીવનાં જોખમે પકડી પાડ્યો
મણિનગરમાં જ્વેલર્સની દુકાનમાં લૂંટ થઈ હોવાની જાણ આજુબાજુનાં દુકાનદારોને થતા લોકો લૂંટારૂને પકડવા દોડ્યા હતા. તે દરમ્યાન લૂંટારૂ યુવક દ્વારા તેઓ પર ફાયરિંગ કરતા ગોળી રોડ પર વાગતા સદનસીબે કોઈ જાનહાનિ થવા પામી ન હતી. ત્યારે લૂંટ કરીને ભાગી રહેલા યુવકને રસ્તા પરથી પસાર થતા લોકોએ જીવનાં જોખમે યુવકને પકડી પાડ્યો હતો.

પોલીસે ઘટનાં સ્થળે પહોંચી યુવકની અટકાયત કરી

જ્વેલર્સની દુકાનમાં ફાયરીંગ કરી લૂંટ થઈ હોવાની જાણ પોલીસને થતા પોલીસ તાત્કાલિક ઘટનાં સ્થળે પહોંચી લૂંટારૂ યુવકની અટકાયત કરી હતી. હાલ પોલીસે લૂંટારૂ યુવક સામે ગુનો નોંધી તેની પૂછપરછ હાથ ધરી છે.