કરૂણાંતિકા / લૉકડાઉન વચ્ચે બિહારમાં એક એવી તસવીર સામે આવી જે જોઈને હૈયુ કંપી ઉઠશે

અમે આવી તસ્વીરો બતાવવા નથી માંગતા પરંતુ તંત્રની હકીકત અને એક પરિવારની મજબૂરીનો ચિતાર સરકાર સામે આવે તો અન્ય કોઈ સાથે આવું ન બને તે માટે બતાવી રહ્યાં છીએ. 

બિહારના જહાનાબાદના સદર હોસ્પિટલમાં એક ત્રણ વર્ષીય માસૂમ બાળકની સમયસર સારવાર ન થવા પર મોત થયું છે. બાળકની તબિયત બહુ જ ખરાબ થઇ ગઇ અને તેને હોસ્પિટલ લઇ જવા માટે એમ્બ્યુલન્સ ન મળી શક્યું, જ્યારબાદ તેને અંતિમ શ્વાસ લીધા.    

સિસ્ટમની હેરાનગતી અહીં ન અટકી. સ્થાનિક અધિકારીઓએ આ બાળકના મૃતદેહને ગામ સુધી લાવવા માટે પણ એમ્બ્યુલન્સની વ્યવસ્થા ન કરાવી દીધી. મૃત બાળકના પિતા ગિરજેશ કુમારે જહાનાબાદ સદર હોસ્પિટલના કર્મચારીઓ પર ગંભીર આરોપ લગાવ્યા છે. તેમણે કહ્યું કે, સારવાર બાદ રેફર કરવા પર તેમને એમ્બ્યુલન્સ ઉપલબ્ધ ન કરાવવામાં આવી. બાળકને એમ્બ્યુલન્સથી સારવાર માટે પટના સુધી લઇ જવાનો હતો પરંતુ એમ્બ્યુલન્સ ન મળતા તેને દમ તોડ્યો હતો.

શું છે સમગ્ર મામલો

જોકે આ પરિવાર અરવલ જિલ્લાના કુર્થા પોલીસ સ્ટેશન વિસ્તારના લારી સહોપુર ગામમાં રહે છે. બાળકની તબિયત ખરાબ હોવાના કારણે પરિવારજનોએ તેના સારવાર માટે પહેલા પ્રાથમિક સ્વાસ્થ્ય કેન્દ્ર કુર્થામાં દાખલ કરાવ્યો, જ્યાંથી ડૉક્ટરોએ તેને ઉચ્ચ સારવાર માટે જહાનાબાદ રેફર કર્યો.

લોકડાઉનના કારણે પરિવારજનો કોઇ રીતે ઓટોથી જહાનાબાદ સદર હોસ્પિટલ પહોંચ્યા જ્યાં ડૉક્ટરોએ બાળકની ગંભીર સ્થિતિ જોતા પટના રેફર કરી દીધો, પરંતુ બાળકના પરિવારજનો એમ્બ્યુલન્સ માટે લગભગ બે કલાક સુધી આમથી આમ ભટકતા રહ્યા અને ત્યાં સુધીમાં બાળકે દમ તોડ્યો.

ત્યારબાદ હદ તો ત્યારે થઇ જ્યારે બાળકના મોત બાદ પણ તેને પોતાના ઘરે જવા માટે સરકારી સ્તરે કોઈ વાહન ન મળ્યું. થાકી હારીને તે બાળકની માં પોતાના બાળકને ગોદમાં લઇને પોતાના ઘર જહાનાબાદથી 25 કિલોમીટર દૂર લારી ગામ માટે નિકળી પડી.

સિવિલ સર્જન અને જહાનાબાદના ડીએમએ શું કહ્યું

જિલ્લામાં સ્વાસ્થ્ય સેવા માટે જવાબદાર સિવિલ સર્જને કહ્યું કે, જો એમ્બ્યુલન્સ કર્મી દોષી સાબિત થરશે તો કાર્યવાહી કરવામાં આવશે. અમે તપાસ કરી રહ્યા છીએ કે કોના દ્વારા બેદરકારી દાખવવામાં આવી રહી છે.

ત્યારે, જહાનાબાદના ડીએમ નવીનકુમારે સરકારના બે ડૉક્ટર, ચાર નર્સ વિરૂદ્ધ કાર્યવાહીની બાહેંધરી આપી. એક જહાનાબાદ સદર હોસ્પિટલના હેલ્થ મેનેજરને સસ્પેન્ડ કરી દીધા છે.