રાજનીતિ / કર્ણાટક ભાજપમાં નવા-જૂનીના એંધાણ, અમિત શાહની ઉપસ્થિતિમાં જે.પી નડ્ડાના ઘરે યોજાઇ હાઇ લેવલ બેઠક

• કર્ણાટક ભાજપમાં મોટા ફેરફાર થવાના એંધાણ
• નડ્ડાના ઘરે અમિત શાહ-રાજનાથ સિંહ સહિતના નેતાઓએ કરી બેઠક
• બેઠક બાદ અમિત શાહ સોમવારે રાત્રે પહોંચ્યા હતાં બેંગલુરુ

સોમવારે રાત્રે બીજેપી રાષ્ટ્રીય અધ્યક્ષ જે.પી નડ્ડાના ઘરે પાર્ટીના વરિષ્ઠ પદાધિકારીઓની એક મહત્વપૂર્ણ બેઠક યોજાઇ. આ બેઠકમાં ગૃહમંત્રી અમિત શાહ ઉપરાંત રક્ષામંત્રી રાજનાથ સિંહ અને બીએલ સંતોષ પણ હાજર રહ્યાં હતા. આ બેઠકમાં કર્ણાટકની વર્તમાન રાજકીય સ્થિતિ પર ચર્ચા થઈ હોવાના અહેવાલ સામે આવ્યાં છે. કર્ણાટક ભાજપમાં મોટા ફેરફાર પર વિચાર કરી રહી છે. તમને જણાવી દઇએ કે, ભાજપના સંગઠન મહાસચિવ બીએલ સંતોષે મૈસૂરમાં નિવેદન આપ્યું હતું કે, 'બીજેપી કેન્દ્રીય નેતૃત્વ ટૂંક સમયમાં કર્ણાટક પર બોલ્ડ નિર્ણય લેશે.'

Karnataka | Union Home Minister Amit Shah arrived at HAL airport in Bengaluru. He was received by CM Basavaraj Bommai at the airport. pic.twitter.com/zY4N6b7ZEU

— ANI (@ANI) May 2, 2022

BL સંતોષે કર્ણાટકમાં આપ્યો કડક સંદેશ

ભાજપના રાષ્ટ્રીય સંગઠન મહાસચિવ બીએલ સંતોષ તાજેતરમાં કર્ણાટકની મુલાકાતે હતા. દરમ્યાન કર્ણાટકની સ્થિતિ અને તે દરમિયાન નેતાઓ વચ્ચેના નિવેદન વચ્ચે બીએલ સંતોષે પાર્ટીના નેતાઓને કોઈનું પણ નામ લીધા વિના કડક સંદેશ આપ્યો હતો. તેઓએ સ્પષ્ટપણે કહ્યું હતું કે, ભાજપ દરેકને અથવા કોઈ પણને બદલવા માટે સક્ષમ છે.

ગૃહમંત્રી અમિત શાહ પહોંચ્યા બેંગલુરુ, સીએમએ કર્યું સ્વાગત

સાથે આ બેઠક બાદ ગૃહ પ્રધાન અમિત શાહ સોમવારે રાત્રે બેંગલુરુ પહોંચ્યા હતાં. HAL એરપોર્ટ પર સીએમ બસવરાજ બોમ્મઇએ તેઓનું સ્વાગત કર્યું હતું. ગૃહમંત્રી મંગળવારે બેંગલુરુમાં ચાર કાર્યક્રમોમાં ભાગ લેશે.

- બસવ જયંતિ પર બસવેશ્વર સર્કલ ખાતે શ્રી બસવન્નાને શ્રદ્ધાંજલિ આપશે.
- નૃપથુંગા યુનિવર્સિટીનો શિલાન્યાસ, બેલ્લારીમાં ફોરેન્સિક સાયન્સ લેબોરેટરીનું ઈ-ઉદ્ઘાટન અને ઈ-બીટ એપ લોન્ચ કરશે.
- બેંગલુરુના સથાનુર ગામમાં NATGRID કેમ્પસનું ઉદ્ઘાટન કરશે.
- શ્રી કંથીરવ આઉટડોર સ્ટેડિયમ ખેલો ઈન્ડિયા યુનિવર્સિટી ગેમ્સ-2021 ના ​​સમાપન સમારોહને સંબોધિત કરશે.

150 બેઠકો જીતવાનો ટાર્ગેટ

2023ની વિધાનસભા ચૂંટણી માટે કર્ણાટક ભાજપે 225 વિધાનસભા બેઠકોમાંથી 150 બેઠકો જીતવાનો લક્ષ્ય રાખ્યો છે. અમિત શાહ છેલ્લી વખત 1 એપ્રિલે રાજ્ય ભાજપ કોર કમિટીની બેઠકમાં ભાગ લેવા માટે કર્ણાટક આવ્યા છે. તે દરમિયાન ચૂંટણી પહેલાં અન્ય રાજકીય પક્ષોના નેતાઓને પક્ષમાં સામેલ કરવા અને સંગઠનને મજબૂત કરવા અંગે ચર્ચા કરાઇ હતી.