- 5G ના નામે કોઈપણ ફોન ના ખરીદશો.
- ફોન હીટ ડિસીપેશન અને વેપર કૂલિંગ જેવા ફીચર્સ હોવા જોઈએ.
- વેપર કૂલિંગથી ફોનનું પરફોર્મન્સ જળવાઈ રહે છે.
જિયો, એરટેલ અને વોડાફોન-આઈડિયાએ ભારતમાં 5G સર્વિસ માટે જાહેરાત કરી છે. જાણકારી અનુસાર એરટેલ પાસે 900 MHz (n8), 1800 MHz (n3), 2100 MHz (n1), 3300 MHz (n78) અને 26 GHz (n258) બેન્ડ છે.
5G ના નામે કોઈપણ ફોન લેવો તે મૂર્ખામી
ફોન હીટ ડિસીપેશન અને વેપર કૂલિંગ ચેમ્બર જેવા ફિચર્સથી સજ્જ હોવો જોઈએ. ઓછામાં ઓછા 8GB રેમ ધરાવતો 5G સ્માર્ટફોન પસંદ કરો.
બેસ્ટ 5G સ્માર્ટફોન: ભારતમાં 5G લોન્ચ થયા બાદ અનેક યૂઝર્સ નવો સ્માર્ટફોન ખરીદતા સમયે ચેક કરે છે કે, ફોન 5G છે કે નહીં. 5G ના નામે કોઈપણ ફોન ખરીદવો તે મૂર્ખામી છે કારણ કે, ફોનના ફ્ક્ત 5G હોવાથી કામ નહીં ચાલે. ઘણા અન્ય પરિબળો પણ છે, જે તમારે ધ્યાનમાં રાખવા જોઈએ. અહીં અમે કેટલાક એવા પરિબળો વિશે જાણકારી આપી છે, જે કોઈપણ 5G સ્માર્ટફોનને બેસ્ટ બનાવે છે.
5G સ્માર્ટફોનમાં શું-શું હોવું જોઈએ?
હીટ ડિસીપેશન સિસ્ટમ: સ્માર્ટફોનમાં હીટ ડિસીપેશન અને વેપર કૂલિંગ ચેમ્બર ફીચર્સ હોવા જોઈએ. આ કારણે ઈન્ટરનેટના ઉપયોગ સમયે અથવા ઓનલાઈન ગેમિંગ દરમિયાન હીટ ડિસીપેશન અને વેપર કૂલિંગ ચેમ્બર જેવા ફિચર્સ તાપમાનને મેઈન્ટેન રાખે છે. જેના કારણે ફોનનું પરફોર્મન્સ જળવાઈ રહે છે.
ફોનની રેમ: જો તમે ઇચ્છો છો કે, તમારો 5G ફોન લાંબા સમય સુધી સારી રીતે કામ કરે તો ઓછામાં ઓછા 8GB રેમ ધરાવતો 5G સ્માર્ટફોન પસંદ કરો. ઝડપી નેટવર્ક સ્પીડ પર પ્રક્રિયા કરવા માટે વધુ મેમરીનો ઉપયોગ થતો હોવાને કારણે 5G ફોનમાં 4GB અને 6GB સાથે હોય તો અનેક વાર સમસ્યાઓનો સામનો કરવો પડી શકે છે.
5G બેન્ડ સપોર્ટ: ભારતમાં 5G સર્વિસ માટે જિયો, એરટેલ અને વોડાફોન-આઈડિયાએ જાહેરાત કરી છે. જાણકારી અનુસાર એરટેલ પાસે 900 MHz (n8), 1800 MHz (n3), 2100 MHz (n1), 3300 MHz (n78) અને 26 GHz (n258) બેન્ડ છે. જો કે હાલમાં કંપની N8 અને N3 બેન્ડનો ઉપયોગ કરી રહી છે. Jio પાસે 700 MHz (n28), 3300 MHz (n78) અને 26 GHz (n58) બેન્ડ છે અને હાલમાં કંપની N28 અને N78 બેન્ડનો ઉપયોગ કરી રહી છે. જ્યારે, Vodafone-Idea પાસે 3300 MHz (n78) અને 26 GHz (n258) બેન્ડ છે. આ સ્થિતિમાં જ્યારે તમે 5G ફોન ખરીદો તો આ બેન્ડ્સ પર નજર રાખો. એ જ ફોન પસંદ કરો, જેમાં મહત્તમ 5G બેન્ડ સપોર્ટ હોય.
બેટરી: જો તમે 5G ફોન ખરીદો તો ધ્યાન રાખવું જરૂરી છે કે, તેમાં બેટરી વધારે વપરાય છે. એવામાં 5000 mAh અથવા તેનાથી વધુ બેટરી ધરાવતો ફોન પસંદ કરો. ઉપરાંત ઝડપી ચાર્જિંગ તપાસો. જો 44W અથવા તેનાથી ઉપરનો ચાર્જિંગ સપોર્ટ હોય તો તે વધુ સારું રહેશે.
હાઈ રિઝોલ્યુશન સ્ક્રીન: સ્ક્રીનના ફીચર્સ જોતા સમયે ધ્યાનમાં રાખો કે ફોન હાઈ રિઝોલ્યુશન હોવું જોઈએ. તમે એમોલેડ અથવા ઓએલઈડી સ્ક્રીન પેનલ તરફ જાઓ. ઓછામાં ઓછા 90 Hz સ્ક્રીન રિફ્રેશ રેટવાળા ફોનને પસંદ કરો. જ્યારે 120 અથવા 144Hz વધુ સારું કહેવાય છે.
ડોલ્બી ઈન્ટીગ્રેશન: ડોલ્બી ખાસ કરીને સાઉન્ડ માટે જાણીતી છે. જો તમે મનોરંજન કે ગેમિંગ માટે5G ફોન ખરીદવાનું વિચારો છો તો ડોલ્બી ઈન્ટીગ્રેશન પર ધ્યાન આપવું જરૂરી છે.
Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.
