બંગાળ ચૂંટણી / ભાજપની ફજેતી થઈ : ન પાર્ટી જોઈન કરી, ન ટિકિટ માંગી છતાં ઉમેદવાર જાહેર, TMCએ ઉડાવી મજાક

• ટીએમસીના 2 નેતાઓએ ભાજપની ટિકિટ પર ચૂંટણી લડવાનો ઈનકાર 
• ભાજપને ફજેતી થઈ, અમિત શાહને હોમવર્ક કરવાની ટીએમસી નેતાની શિખામણ 
• ભાજપે બન્નેને ટિકિટ આપી હતી

ચૌરિંગ બેઠકના ઉમેદવાર શિખા મિત્રાએ જણાવ્યું કે તેમને ટિકિટ માગી જ નથી. આ મુદ્દે ભાજપ પર કટાક્ષ કરતા ટીએમસી સાંસદ મહુઆ મોઈત્રાએ ગૃહમંત્રી અમિત શાહને હોમવર્ક કરવાની શિખામણ આપી

ભાજપે ચૌરિંગી બેઠક પર કોંગ્રેસના પૂર્વ દિવંગત નેતા સોમન  મિત્રાની પત્ની શિખા મિત્રાને ટિકિટ આપી હતી પરંતુ તેમણે ચૂંટણી લડવાનો જ ઈન્કાર કરી દીધો. 

હું કોંગ્રેસ સાથે છું અને રહીશ-શિખા મિત્રા
શિખા મિત્રાએ પત્રકારોને જણાવ્યું કે હું ક્યાંયથી ચૂંટણી લડી રહી નથી. મારી મરજી વગર મારા નામની જાહેરાત કરવામાં આવી. હું ભાજપમાં સામેલ થવાની નથી. મને તો એ જ ખબર પડતી નથી કે ભાજપે મને ઉમેદવાર કેવી રીતે બનાવી. તેમણે કહ્યું કે હું તો કોંગ્રેસ સાથે છું અને તેની સાથે જ રહેવાની છે. ભાજપમાં સામેલ થવાનો કોઈ ઈરાદો નથી. હું રાજનીતિમાં આવવા જ માગતી નથી. ભાજપે ટીએમસી ધારાસભ્ય માલા સાહાના પતિ તરુણ સાહાને પણ કાશીપુર બેલગછિયાથી ટિકિટ આપી હતી. પરંતુ તેમણે પણ ચૂંટણી લડવાની ધરાર ના પાડી દીધી છે. તરુણે કહ્યું કે મેં પહેલેથી ભાજપને જાણ કરી દીધી હતી. જોકે ભાજપ તરફથી સાહાને મનાવવાની કોશિશ ચાલુ છે.

Khaki chaddis in a twist, knees revealed
BJP finally announce WB candidates after 2 weeks & those on list say they’re not in the BJP & they are not running on a BJP ticket.

Time for some homework, Mr. Shah!

— Mahua Moitra (@MahuaMoitra) March 18, 2021

અમિત શાહે હોમવર્ક કરવાની જરુર છે-મોઈત્રા
ભાજપ ઉમેદવારો દ્વારા ચૂંટણી લડવાના ઈન્કાર બાદ ટીએમસી સાંસદ મહુઆ મોઈત્રાએ કટાક્ષ કરતા ટ્વિટ કર્યું કે ખાખીના નિકરમાં પણ ગૂંગળામણ થઈ રહી છે. ભાજપે છેવટે 2 અઠવાડિયા બાદ બંગાળ ઉમેદવારોના નામની જાહેરાત કરી અને જેમના નામ લિસ્ટમાં છે તેમનું કહેવું છે કે તેઓ ભાજપની ટિકિટ પર ચૂંટણી લડવાના નથી અને ભાજપની ટિકિટ પણ લેવા માગતા નથી. મિસ્ટર શાહ, તમારે થોડું હોમવર્ક કરવાની જરુર છે.