ટ્રાવેલ / ચાર ધામ યાત્રા શરૂ કરતા પહેલા જાણી લો આ રસપ્રદ વાતો, તમે ભાગ્યે જ જાણતા હશો!

તમે લોકોને કહેતા સાંભળ્યા હશે કે જીવનમાં એકવાર ચાર ધામની મુલાકાત લેવી જોઈએ. ચાર ધામ યાત્રામાં ચાર પવિત્ર સ્થળો ગંગોત્રી, યમનોત્રી, કેદારનાથ અને બદ્રીનાથની મુલાકાતનો સમાવેશ થાય છે.

એ તો જાણીતું જ છે કે હિંદુ ધર્મમાં ચાર ધામ યાત્રા ખૂબ જ મહત્વપૂર્ણ માનવામાં આવે છે અને દરેક વ્યક્તિ જીવનમાં એક વખત ચારધામની મુલાકાત લેવા ઈચ્છે છે. જો તમે પણ ચારધામ યાત્રા કરવાનું વિચારી રહ્યા છો તો એ પહેલા તેના ધાર્મિક મહત્વ વિશે જાણી લો.

લોકો બે પ્રકારની ચાર ધામ યાત્રા કરે છે. એક છે બદ્રીનાથ, કેદારનાથ, ગંગોત્રી અને યમુનોત્રીની યાત્રા અને બીજી બદ્રીનાથ, જગન્નાથ, રામેશ્વર અને દ્વારકા ધામની યાત્રા. એવું કહેવાય છે કે ચારધામના દર્શન કરવાથી વ્યક્તિના તમામ પાપોનો નાશ થાય છે અને જન્મ-મરણના ચક્રમાંથી મુક્ત થઈ જાય છે.

એવું પણ કહેવાય છે કે જો કોઈ વ્યક્તિ કેદારનાથ જ્યોતિર્લિંગના દર્શન કરી લે તો તેઓ પૃથ્વી પર ફરી જન્મ લેતો નથી. કેદારનાથની સાથે બદ્રીનાથનું પણ એટલું જ મહત્વ છે. કેદારનાથ ધામ ભગવાન શિવને સમર્પિત છે તો બદ્રીનાથ ધામ ભગવાન વિષ્ણુને સમર્પિત છે.

વધુ વાંચો: Dev Darshan:- ભુમાપુરામાં સ્વયંભૂ પ્રગટ થઈ હનુમાનદાદાની મૂર્તિ, 50 વર્ષથી પ્રગટી રહ્યો છે અખંડ દીવો

એવું માનવામાં આવે છે કે કેદારનાથ ધામમાં બે પર્વતો છે જે નર અને નારાયણ તરીકે ઓળખાય છે. કેદારનાથ દર્શન કર્યા પછી જ બદ્રીનાથ જવામાં આવે તો જ યાત્રાનો સંપૂર્ણ લાભ મળે છે.