હેલ્થ ટિપ્સ / નખમાં થોડા પણ ફેરફાર થાય તો ચેતી જજો, હોઈ શકે છે આ ગંભીર બીમારીઓના સંકેત

• નખમાં સહેજ પણ ફેરફાર થાય તો ચેતી જજો
• નખમાં ફેરફાર ઘણી ગંભીર બીમારીઓના સંકેત હોઈ શકે
• નખ મુખ્યત્વે કેરોટિન નામના પ્રોટીન સાથે મળીને બને 

આપણા હાથ અને પગના નખ એ આપણા આરોગ્યનો અરીસો છે એમ કહીએ તો પણ ચાલે. નખ મુખ્યત્વે કેરોટિન નામના પ્રોટીન સાથે મળીને બનેલા હોય છે. ગરમીની તુલનામાં ઠંડીમાં તથા મહિલાઓની તુલનામાં પુરુષોના નખ વધારે ઝડપથી વધે છે. હોર્મોનલ અસંતુલન, બીમારી અને વધતી ઉંમરના કારણે નખ ધીરે ધીરે વિકસિત થાય છે. નખ પર નજર આવનારાં સફેદ ધબ્બાં, ડાઘ, નીલાશ સહિત ઘણા પ્રકારના ફેરફાર ઘણી ગંભીર બીમારીઓના સંકેત હોઈ શકે છે. નખમાં નજર આવનારા ફેરફારને સમયાંતરે જોઈને ઓળખવાથી ઘણી બીમારીઓ સામે રક્ષણ મેળવી શકાય છે.

વ્હાઇટ સ્પોટ:
કોઈ ચિંતાના કારણે નખ પર વ્હાઇટ સ્પોટ (સફેદ ધબ્બાં) જોવા મળે છે. આ સ્પોટ ઇન્ફેક્શન, લિવર અથવા કિડનીની બીમારીના કારણે પણ થઈ શકે છે.

ડાર્ક સ્પોટ: 
ઘાટા રંગનાં ધબ્બાં હોય તો ત્વચા રોગ વિશેષજ્ઞો પાસે તપાસ કરાવવી જોઈએ. આ નખની અંદર એક સામાન્ય તલ ત્વચાના કેન્સરનું ગંભીર રૂપ પણ હોઈ શકે છે. 

પીળો: 
નખનો રંગ ફિક્કો પીળો થવો એ લોહીમાં હિમોગ્લોબિનનું પ્રમાણ ઓછું હોવાનો અથવા કિડનીની બીમારી હોવાનો સંકેત છે. ક્યારેક પીળા નખનું કારણ કમળો હોઈ શકે છે.

બ્લૂ: 
નખનું નીલા રંગનું દેખાવું એ ફેફસાં અને હૃદય સંબંધી રોગોનો સંકેત છે.

ઈનગ્રોન ટોનેલ: 
જ્યારે પગના અંગૂઠાના નખ આગળ તરફ વધવાના બદલે ત્વચામાં જ સાઇડમાં વધવા લાગે છે ત્યારે તેને ઇનગ્રોન ટોનેલ કહે છે. 

નખનું વારંવાર તૂટવું : 
કેલ્શિયમની ઊણપ, વિટામિન-બીની ઊણપથી આ સમસ્યા થઈ શકે.

ફંગલ ઇન્ફેક્શન: 
નખની અસામાન્ય વૃદ્ધિ તથા વારંવાર નખના તૂટવાના કારણે ફંગલ ઇન્ફેક્શનની સમસ્યા થઈ શકે છે. પાણીમાં વધારે કામ કરવાથી, વધારે પરસેવો આવવાથી તેમજ વારંવાર વાગવાના કારણે આ સમસ્યા થઈ શકે છે.

નખની રાખો સારસંભાળ
- નખને સાફ અને સૂકા રાખીને ઇન્ફેક્શનથી બચી શકાય છે.
- હંમેશાં યોગ્ય ફિટિંગનાં જૂતાં જ પહેરો.
- હંમેશાં નખ પર નેલ પો‌લિશ લગાવી ન રાખશો. ક્યારેક ક્યારેક નખને નેલ પો‌િલશ વગરના પણ રાખવા જોઈએ.
- ગરમ પાણીમાં મીઠું મેળવીને તેમાં પગને પાંચથી દસ મિનિટ માટે રાખવા જોઈએ, તેનાથી નખ-પગની ત્વચા સારી થાય છે.