સેવા / વિદેશથી BAPS અને વિશ્વ ઉમિયા ફાઉન્ડેશન ભારતની મદદે, જુઓ શું આવ્યું દાનમાં

• કોરોના વાયરસના સંકટ સામે લડી રહ્યું છે ભારત 
• વિદેશમાં રહેતા ગુજરાતીઓ તથા ધાર્મિક સંસ્થાઓ સંકટના સમયમાં મદદે આવી 
• BAPS, વિશ્વ ઉમિયા ફાઉન્ડેશન દ્વારા કરવામાં આવી રહી છે મદદ 

ગુજરાત સહિત આખા ભારતમાં કોરોના વાયરસની બીજી ઘાતક લહેર ચાલી રહી છે. દરરોજ હજારોની સંખ્યામાં લોકો મોતને ભેટી રહ્યા છે તથા લાખોની સંખ્યામાં નવા કેસ સામે આવી રહ્યા છે. દેશભરમાં ઑક્સીજનથી લઈને બેડની અછત ઊભી થઈ ગઈ છે, અને દર્દીઓ સુવિધાના અભાવે મોતને ભેટી રહ્યા છે. ગુજરાતમાં પણ પરિસ્થિતિ ગંભીર છે ત્યારે હવે વિદેશોથી ગુજરાત માટે આવી રહી છે. વિદેશોમાં રહેતા ગુજરાતીઓ તથા ધાર્મિક સંસ્થાઓ દ્વારા કોરોના સંકટ સામે લડવા માટે મદદ આપવામાં આવી રહી છે. 

Cycle Challenge Raises Over £600,000 in Six Days for India’s Covid-19 Relief Work, UK & Europe https://t.co/dLmdXenEVE pic.twitter.com/HpL4jKoxlG

— BAPS (@BAPS) May 5, 2021

BAPS Hindu Mandir Sends First Shipment of Liquid Oxygen, Abu Dhabi, UAE https://t.co/4TEVWMph37 pic.twitter.com/dkL2syvKnE

— BAPS (@BAPS) May 2, 2021

UK અને યુરોપની સ્વામીનારાયણ સંસ્થા દ્વારા મદદ 

યુકે અને યુરોપની BAPS સ્વામિનારાયણ સંસ્થા એટલે કે લંડનમાં આવેલા સ્વામિનારાયણ મંદિર દ્વારા કેમ્પેન કરવામાં આવ્યું હતું જેમાં સાયકલ ચેલેન્જનું આયોજન કરવામાં આવ્યું હતું. આ સાયકલ ચેલેન્જની મદદથી 6,00,000 યુરોની મદદ એકઠી કરવામાં આવી છે. 

Covid 19 Relief – Initial Batch of Concentrators Received from UAE, Ahmedabad, India https://t.co/FIrmcV9Te2 pic.twitter.com/0tLMFmVrh2

— BAPS (@BAPS) May 1, 2021

આબુ ધાબીના BAPS મંદિર દ્વારા કરવામાં આવી મદદ 

પહેલી મેના રોજ આબુ ધાબીના સ્વામિનારાયણ મંદિર દ્વારા બે ક્રાયોજેનિક ટેન્ક ઑક્સીજનથી ભરીને મોકલવામાં આવ્યા છે. નોંધનીય છે કે આ પહેલા અમદાવાદના શાહીબાગ મંદિર ખાતે પણ UAEથી ઑક્સીજન સિલેન્ડર, ટેન્કર મોકલવામાં આવતા હતા. 

COVID 19 Relief - BAPS Hindu Mandir Sends Oxygen & Medical Equipment to India, Abu Dhabi, UAE https://t.co/Ceyogs4FaO pic.twitter.com/qkPUgtceOp

— BAPS (@BAPS) April 29, 2021

ઉમિયા ફાઉન્ડેશનના ટ્રસ્ટીઓ-દાતાઓની મદદ 

આ સાથે જ અમેરિકામાં રહેતા ગુજરાતીઓ પણ કોરોના સામે લડવા માટે ગુજરાતીઓની મદદે આવ્યા છે. વિશ્વ ઉમિયા ફાઉન્ડેશનના USAના ટ્રસ્ટી તથા દાતાઓએ 100 ઑક્સીજન કંસન્ટ્રેટર્સ, પાંચ વેન્ટિલેટર  તથા મેડિકલ સાધનો આપવાનો નિર્ણય કર્યો છે. આ કામ કરવા માટે 9 કરોડ રૂપિયાનો ખર્ચ કરવામાં આવશે તથા આ મદદનો પહેલો જથ્થો આ સપ્તાહના અંત પહેલા આવી જાય તેવી આશા છે.