અમદાવાદ / અમદાવાદીઓ પાણીપુરી ખાવા જતા પેલા આ રિપોર્ટ વાંચી લેજો, થયો ચોંકાવનારો ખુલાસો

• નવરંગપૂરા,સેટેલાઈટ,પ્રેરણાતીર્થમાં ચેતજો 
• સ્વાદના ચટકા નોતરી શકે છે બીમારી 
• મહાનગરપાલિકાના સેમ્પલ સર્વેનું તારણ  

અમદાવાદમાં  પાણીજન્ય રોગચાળાએ માથું ઉચક્યું છે.તેવામાં એક ચિંતાજનક સમાચાર સામે આવ્યા છે. પાણીપુરીનું  કે પીવાનું પાણી ખરીદતા પહેલા સો વાર વિચારી લેજો.કારણકે, અમદાવાદ મહાનગરપાલિકા દ્વારા લેવામાં આવેલા પાણીપુરીના સેમ્પલમાં પ્રદૂષિત પાણી હોવાનું સામે આવ્યુ છે તો પેકેજડ ડ્રિંકિંગ વોટર માં પણ શુદ્ધ પાણી ને બદલે બેક્ટેરિયા વાળુપાણી.હોવાનું સામે આવ્યું છે.

નવરંગ પૂરા સેટેલાઈટ,પ્રેરણાતીર્થનાં સેમ્પલ દુષિત   
 અમદાવાદના ખૂણે-ખાંચરે પાણીપુરીના ખુમચા વાળાઓ ઉભા હોય છે.અને ગૃહિણીઓના ટોળા લહેજતથી પાણીપુરી આરોગવાના દૃશ્યો હવે સરળતાથી જોઈ શકાય છે. એક તો કોરોનાનો ભય ઓસરી ગયો છે,બીજું તહેવારોમાં ખરીદી કરવા સાથે થોલું હળવું આરોગવાની માનસિકતા પણ હોય શકે. પરંતુ,આ લહેજત પાછળથી તમને બીમાર પણ પાડી શકે છે.અમદાવાદ મહા નગરપાલિકાએ છેલ્લા બે મહિનામાં એક સેમ્પલ સર્વે કર્યો. આ સર્વેમાં મહાપાલિકાએ જુદી-જુદી વસ્તુઓના મળીને લગભગ 460 સેમ્પલ્સ એકત્રિત કર્યા. જેમાંથી 421ના પરિણામ મળ્યા હતા. આ પરિણામમાં  જે તથ્ય સામે આવ્યું એ પણ ચોકાવનારું હતું. 421 સેમ્પ્લમાંથી 10 તો મિસ બ્રાંડ આવ્યા .જ્યારે પાંચને અસુરક્ષિત જાહેર કર્યા છે. આ પાંચમાં 3 નમૂના પાણીપુરીના છે. સેટેલાઈટ વિસ્તારમા જગદીશ શાહ પકોડી સેન્ટર તેમજ નવરંગપુરાની આર કીશનની પાણીપુરીનુ  પાણી પ્રદુષિત એટલેકે બેક્ટેરિયા વાળું હતું.તો પ્રેરણાતીર્થ દેરાસર પાસે આવેલા ભાવનાબહેનનની પાણીપુરીની  ચટણીમાં કલર હતો

જીભના ચટકા પર રાખો કાબૂ 

હવે તહેવારોની મોસમ સાથે અમદાવાદના નાગરીકો બહાર ખરીદી માટે નિકળ્યાં છે.એક તરફ વકરતો રોગચાળો અને બીજી તરફ તમારા સ્વાદના ચટકાને કાબુમાં નહિ રાખો તો તમને બીમાર થતા કોઈ નહિ બચાવી શકે.