વન બેલ્ડ વન રોડ પ્રોજેક્ટથી ચીન એશિયા અને યુરોપને જોડવા માગે છે જોકે આ પછળના તેના બદઈરાદા ભારત ખુબ સારી રીતે જાણે છે.ચીનની વિસ્તારવાદી નીતિથી પરિચિત ભારત પહેલા જ આ પ્રોજેક્ટ સામે વિરોધ નોંધાવી દીધો છે.ત્યારે ભારતે ચીનના આ પ્રોજેક્ટ માટે નવો જ માસ્ટર પ્લાન બનાવી રાખ્યો છે. જે લગભગ તૈયાર થઈ ગયો છે.ચીનના આ પ્રોજેક્ટ સામે ભારત અમેરિકા ઓસ્ટ્રેલિયા અને જાપાને હાથ મિલાવ્યો છે.ચારેય દેશો ભેગા મળીને એક એવું માળખું તૈયાર કરશે જે ચીનના OBOR પ્રોજેક્ટનો જવાબ હશે.
ઉલ્લેખનીય છે કે ઓસ્ટ્રેલિયા જે ભારતનું પાર્ટનર છે તેણે પણ ભારતના આ પ્રયાસોમાં ભાગીદારી દર્શાવી છે. જોકે ઓસ્ટ્રેલિયન અધિકારીઓના જણાવ્યા અનુસાર હજી આ પ્લાન સંપૂર્ણ રીતે તૈયાર થયો નથી. આમ છતાં ઓસ્ટ્રેલિયન પીએમ મેક્લમ ટર્નબુલ તેમની અમેરિકા મુલાકાત દરમિયાન ડોનાલ્ડ ટ્રમ્પ સાથે આ મુદ્દે ચર્ચા કરશે.
આ નવો પ્રોજેક્ટ વન બેલ્ટ વન રોડને ટક્કર આપવાને બદલે તેનો ઉતકૃષ્ટ વિકલ્પ બનશે.તો આ તરફ જાપાન પણ OBORનો મુકાલબો કરવા માટે તૈયાર છે.જાપાન તેની ફ્રી એન્ડ ઓપન ઇન્ડો પેસેફિક યોજનાને પ્રમોટ કરવા માટે ડેવલપમેન્ટ ફંડનો ઉપયોગ કરી શકે છે. જાપાનનો આ પ્રોજેક્ટ ચીનના OBOR પ્રોજેક્ટને સીધી ટક્કર આપશે.
મહત્વનું છે કે વન બેલ્ટ વન રોડ પ્રોજેક્ટ એશિયા આફ્રિકા મધ્ય પૂર્વ અને યુરોપના દેશોને રોડ દ્વારા જોડે છે.આ પ્રોજેક્ટ દ્વારા ચીન વિશ્વના 60થી વધુ દેશો સાથે વેપારી સંબંધો કેળવી શકશે.પ્રોજેક્ટ પાકિસ્તાન હસ્તક કશ્મીરમાંથી પણ પસાર થાય છે જેને લઈને ભારતે વિરોધ નોંધાવ્યો છે.જે બાદ ભારત પણ વિવિધ દેશો સાથે મળીને OBORના વિકલ્પ તરીકે વિવિધ પરિયોજનાઓ પર કામ કરી રહ્યું છે.
