VIDEO / આધેડે ઠપકો આપ્યો તો કાર ચાલક બોનેટ પર લટકાવીને ફર્યો, Video વાયરલ થતા જનતા ભડકી

અમદાવાદ શહેરના નિકોલ વિસ્તારમાં કાર ચાલકે અકસ્માત સર્જાયો હતો. જે બાદ અકસ્માત સર્જનાર કાર ચાલકને એક વૃદ્ધ સમજાવવા જતા કાર ચાલકે વૃદ્ધને કારના બોનેટ પર બેસાડી કાર દોડાવી હોવાનો વીડિયો પણ સોશિયલ મીડિયામાં વાયરલ થયો છે. વીડિયોમાં વૃદ્ધ કાર ચાલકને કહે છે કે હું કેસ કરવાનો નથી. તેમ છતાં કાર ચાલક પોતાની કાર ઉભી રાખવાની જગ્યાએ પુરપાટ દોડાવતો વીડિયોમાં જોઈ શકાય છે. આ મામલે હજુ વૃદ્ધે પોલીસ મથકે કોઈ ફરિયાદ નોંધાવી નથી. પરંતું સોશિયલ મીડિયામાં વાયરલ થયેલ વીડિયોના આધારે પોલીસે કાર ચાલકની તપાસ શરૂ કરી છે.

કાર ચાલકે કાર ઉભી રાખવાની જગ્યાએ પુરપાટ દોડાવી

મળતી માહિતી મુજબ નિકોલમાં ખોડિયાર મંદિર પાસે તા. 13 માર્ચે રાત્રીના સમયે 10.30 વાગ્યાના સમયગાળા દરમ્યાન જીજે 13 CB 2908 નંબરની i-10 કારના ચાલકે અકસ્માત સર્જ્યો હતો. અકસ્માત સર્જ્યા બાગ એક વૃદ્ધ વ્યક્તિ કાર ચાલકને સમજાવવા ગયા હતા. તે દરમ્યાન કાર ચાલકે વૃદ્ધ ઉપર ગાડી ચડાવી ભાગવાનો પ્રયત્ન કર્યો હતો. જેથી વૃદ્ધ કારના બોનેટ પર ચડી ગયા હતા. જે બાદ વૃદ્ધ દ્વારા કાર ચાલકને કાર ઉભી રાખવાનું કહેતા કાર ચાલકે કાર પુરપાટ દોડાવી હતી. જેનો વીડિયો સોશિયલ મીડિયામાં વાયરલ થયો હતો.

View this post on Instagram

A post shared by Sambhaav Nascent LLP (@vtv_gujarati_news)

આ પણ વાંચોઃ અમદાવાદ શહેરમાં વધુ એક આગની ઘટના, આગ વધુ પ્રસરતા રહીશોમાં નાસભાગ

પોલીસે કાર ચાલકની શોધખોળ શરૂ કરી

સોશિયલ મીડિયામાં વાયરલ થયેલ વીડિયોના આધારે પોલીસ દ્વારા કાર ચાલકની તપાસ શરૂ કરી છે. તેમજ આ બાબતે નિકોલ પોલીસ સ્ટેશનના પીઆઈ બી.એસ. વાઘેલાએ જણાવ્યું હતું કે, હાલ પોલીસ મથકે કોઈ પણ વ્યક્તિએ ફરિયાદ નોંધાવી નથી. પરંતું ઘટનાની ગંભીરતા જોતા પોલીસે કારના નંબરના આધારે કાર ચાલકની શોધખોળ શરૂ કરી છે. ટ્રાફિક પોલીસ કાર ચાલકની તપાસ કરી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ