Asia cup 2023 / વિરાટ કોહલી, રોહિત શર્મા સહિત ટીમ ઈન્ડિયાની જર્સી પર હશે પાકિસ્તાનનું નામ, મોટો વિવાદ થાય તેવી શક્યતા

• 2 સપ્ટેમ્બરે છે ભારત પાકિસ્તાનની પહેલી મેચ 
• ટીમ ઈન્ડિયાની જર્સી પર હશે પાકિસ્તાનનું નામ? 
• ટીમ ઈન્ડિયાની જર્સીને લઈને વિવાદ થાય તેવી શક્યતા 

Asia Cup 2023ની શરૂઆત આ મહિને 30 ઓગસ્ટે થવા જઈ રહી છે. પાકિસ્તાનની મેજબાનીમાં ટૂર્નામેન્ટને હાઈબ્રિડ મોડલ પર રાખવામાં આવશે. એટલે કે અમુક મેચ પાકિસ્તાનમાં આયોજીત કરવામાં આવશે. જેમાં ટીમ ઈન્ડિયા ભાગ નહીં લે અને અમુક મેચ શ્રીલંકા રમાશે જ્યાં ભારત રમશે. આ વચ્ચે એક એવી ખબર સામે આવી છે જેનાથી વિવાદ ઉભો થઈ શકે છે. હકીકતે એશિયા કપમાં ટીમ ઈન્ડિયાની જર્સી પર પાકિસ્તાનનું નામ હશે.

ટીમ ઈન્ડિયાની જર્સી પર હશે પાકિસ્તાનનું નામ
રિપોર્ટ અનુસાર આવું પહેલી વખત થશે જ્યારે ટીમ ઈન્ડિયાની જર્સી પર પાકિસ્તાનનું નામ લખેલું હશે. જેના પાછળનું મોટું કારણ એ છે કે એશિયા કપની યજમાની પાકિસ્તાનની પાસે છે. એવામાં જર્સી પર એશિયા કપના લોગોની નીચે પાકિસ્તાન લખેલું હશે. કારણ કે એશિયા કપ કે પછી આઈસીસી ઈવેન્ટમાં યજમાન દેશનું નામ જર્સી પર લખવામાં આવે છે. 

પાકિસ્તાનમાં ફક્ત 4 મેચ 
એશિયા કપ 2023ને લઈને ભારત અને પાકિસ્તાન ક્રિકેટ બોર્ડની વચ્ચે લાંબા સમય સુધી વાદ-વિવાદ ચાલ્યો. BCCIએ સ્પષ્ટ રીતે પાકિસ્તાનની યાત્રા કરવાનો ઈનકાર કરી દીધો હતો. એવામાં ટૂર્નામેન્ટને કોઈ ન્યૂટ્રલ વેન્યૂ પર કરવામાં આવે તેવી માંગ ઉઠી રહી છે. જોકે પાકિસ્તાન તેના માટે તૈયાર ન થયું પરંતુ એશિયન ક્રિકેટ કાઉન્સિલના હસ્તક્ષેપ બાદ હાઈબ્રિડ મોડલ નક્કી કરવામાં આવ્યું. 

એવામાં પાકિસ્તાનમાં એશિયા કપની ફક્ત ચાર મેચ જ રમવામાં આવશે. જ્યારે 13 મેચ શ્રીલંકામાં રમાશે. પાકિસ્તાનને પણ હાઈબ્રિડ મોડલને માનવું પડ્યું. કારણ કે જો આવું ન થાત તો ટીમ ઈન્ડિયા આ ટૂર્નામેન્ટથી બહાર થઈ શકતી હતી. 

2 સપ્ટેમ્બર ભારત-પાકિસ્તાનની ટક્કર
એશિયા કપની શરૂઆત 30 ઓગસ્ટથી પાકિસ્તાન અને નેપાળની વચ્ચે મેચથી થશે. જ્યાં જ ભારત અને પાકિસ્તાનની ટક્કર 2 સપ્ટેમ્બરે થવા જઈ રહી છે. બન્ને ટીમો શ્રીલંકાના કેન્ડીમાં આ મેચ માટે મેદાન પર ઉતરશે.