નિવેદન / 'ધોનીની જગ્યાએ જેણે પસંદ કર્યો, તે અન્ય ખેલાડીને પાણી પીવડાવે છે'

આશિષ નહેરાએ પોતાની દિલ્હીના સાથી ખેલાડી પૂર્વ ભારતીય ઑપનર આકાશ ચોપરા સાથે વાત કરતા જણાવ્યુ કે, જે ખેલાડીને ટીમ મેનેજમેન્ટે મહેન્દ્ર સિંહ ધોનીની જગ્યા વિકલ્પ ગણાવ્યો અને તૈયાર કરવામાં આવી રહ્યો તે ટીમની બહાર છે. 12માં ખેલાડી તો બાકીના ખેલાડીઓને પાણી પીવડાવવાનું કામ કરે છે.

પૂર્વ ભારતીય બૉલરે જણાવ્યુ કે, ''આમ તો સારા ટેલેન્ટેડ ખેલાડીઓ છે, તમામને લાંબા સમય સુધી સમર્થન આપવાની જરૂર છે. આજે અમે ભારતીય ટીમના નંબર 5 અને 6 ની વાત કરી રહ્યા છે. એક વાત એ પણ છે કે, અમને એ વાતની ખબર નથી કે કે એલ રાહુલ નંબર 5 પર રમશે કે નહી. તો બીજી તરફ રિષભ પંત જેણે આપણે મહેન્દ્ર સિંહ ધોની વિલ્કપ તરીકે પસંદ કર્યો હતો તે આજે ટીમની બહાર છે અન્ય ખેલાડીઓને પાણી પીવડાવી રહ્યો છે.'' 

આશિષ નહેરા અનુસાર, ''જે અન્ય ખેલાડીઓ ટીમ મેનેજમેન્ટે સમર્થન કર્યુ તેમ પંતને પણ કરવુ જોઇતુ હતુ. હું માનું છે કે, તેણે તક ગુમાવી છે પરંતુ તેમાં કોઇ શક નથી કે તેમણે ટીમમાં રાખ્યો છે એનો મતલબ તમારામાં કોઇ પ્રતિભા જરૂર છે. તે માત્ર 23 વર્ષનો છે.''

ન્યૂઝીલેન્ડના પ્રવાસ પર કેપ્ટન વિરાટ કોહલીએ કે એલ રાહુલને T20 અને વનડે સીરિઝમાં વિકેટકીપર તરીકે બેટ્સમેન તરીકે જગ્યા આપી. રિષભ પંતને ટેસ્ટમાં તક આપી. આ સમયે કે એલ રાહુલને ટીમમાં મુખ્ય વિકેટકીપર જણાવવામાં આવ્યો જ્યારે તે બેટ્સમેન તરીકે ટીમનો ભાગ હતો.