ક્રિમિનલ લો / શું પુરુષો સાથે બળાત્કાર નથી થતો? તમને ખબર જ નથી…: ઓવૈસીએ નવા કાયદાઓ પર જુઓ કેમ ઉઠાવ્યા સવાલ

• લોકસભામાં ક્રિમિનલ લો સાથે જોડાયેલ ત્રણ બિલ બુધવારે પાસ થયા
• ઓવૈસીએ બિલ પર ચર્ચા દરમિયાન ઘણા મુદ્દા ઉઠાવીને દલીલો કરી 
• શું બળાત્કાર માત્ર મહિલાઓ સાથે જ થાય છે? પુરુષો પર બળાત્કાર નથી થતો?

લોકસભામાં ક્રિમિનલ લો સાથે જોડાયેલ ત્રણ બિલ બુધવારે પાસ થયા હતા અને આ ત્રણ બિલો પરની ચર્ચા સમયે ઘણી દલીલો થઈ હતી. એવામાં ઓલ ઈન્ડિયા મજલિસ-એ-ઇત્તેહાદુલ મુસ્લીમીન એટલે કે AIMIMના પ્રમુખ અને હૈદરાબાદ સાંસદ અસદુદ્દીન ઓવૈસીએ બિલ પર ચર્ચા દરમિયાન ઘણા મુદ્દા ઉઠાવીને દલીલો કરી હતી. 

ઓવૈસીએ આ દલીલો દરમિયાન કેટલાક પુરુષો સામે થતી શારીરિક સતામણી વિશે મુદ્દાઓ ઉઠાવ્યા હતા પણ જ્યારે તેમણે આ કહ્યું તો કેટલાક સંસદના સભ્યો હસવા લાગ્યા, જેના પર ઓવૈસીએ કહ્યું કે કદાચ તમને ખબર નથી પણ આવું થાય છે અને આ માટે કાયદાને તટસ્થ બનાવવાની જરૂર છે.   

Barrister @asadowaisi ने Adultery, Sedition, Love Jihad जैसे मुद्दों पर अपनी बात रखी#AIMIM #AsaduddinOwaisi #Parliament #Adultery #Rape #Sedition #LoveJihad #LokSabha #India #CriminalLawBills #ParliamentWinterSession #WinterSession2023 pic.twitter.com/j2jHHao8Qq

— AIMIM (@aimim_national) December 20, 2023

ગઇકાલે લોકસભામાં જે ત્રણ બિલ પસાર કરવામાં આવ્યા છે તેમાં ભારતીય ન્યાય (સેકન્ડ) કોડ 2023, ઇન્ડિયન સિવિલ ડિફેન્સ (સેકન્ડ) કોડ 2023 અને ઇન્ડિયન એવિડન્સ (સેકન્ડ) બિલ 2023નો સમાવેશ થાય છે. ગૃહમંત્રી અમિત શાહના વિગતવાર જવાબ બાદ તેને વોઇસ વોટથી મંજૂર કરવામાં આવ્યો હતો. આ ત્રણ બિલ ભારતીય દંડ સંહિતા (IPC), 1860, કોડ ઓફ ક્રિમિનલ પ્રોસિજર (CrPC), 1898 અને ભારતીય પુરાવા અધિનિયમ, 1872 ને બદલવા માટે લાવવામાં આવ્યા છે.

બિલ ઓવૈસીએ શું દલીલ કરી? જાણો 
લોકસભા સાંસદ અસદુદ્દીન ઓવૈસીએ બિલ પર ચર્ચા દરમિયાન કહ્યું, 'શું બળાત્કાર માત્ર મહિલાઓ સાથે જ થાય છે? શું પુરુષો પર બળાત્કાર નથી થતો? બિલમાં આ અંગે કોઈ જોગવાઈ નથી. હવે થયું એવું કે જ્યારે ઓવૈસીએ આ કહ્યું તો કેટલાક સભ્યો હસવા લાગ્યા હતા, આ જોઇને ઓવૈસીએ કહ્યું, 'તમે હસી રહ્યા છો. કદાચ તમને ખબર નથી પણ આવું થાય છે. જો કે તમારું હાસ્ય એવું બતાવી રહ્યું છે કે તમે જાણો છો કે આવું કોની સાથે થયું છે.' આ દલીલમાં સાથ પૂરતા જસ્ટિસ જેએસ વર્માએ કહ્યું કે બિલને લિંગ તટસ્થ એટલે કે જેન્ડર ન્યૂટ્રલ બનાવવું જોઈએ.'

बैरिस्टर @asadowaisi ने आज सदन में आपराधिक कानूनों से जुड़े तीनों विधेयकों पर अपनी बात रखी।

• भारतीय न्याय (द्वितीय) संहिता विधेयक-2023
• भारतीय नागरिक सुरक्षा (द्वितीय) संहिता विधेयक-2023
• भारतीय साक्ष्य (द्वितीय) विधेयक 2023

Barrister Asaduddin Owaisi today spoke in Lok… pic.twitter.com/oBABdx1s1V

— AIMIM (@aimim_national) December 20, 2023

આ સાથે જ ઓવૈસીએ વધુમાં કહ્યું કે, કલમ 69માં લવ જેહાદનો ઉલ્લેખ કરવામાં આવ્યો છે. તમે તેને સાબિત કરી શકશો નહીં. આમાં તમારે જણાવવું પડશે કે ઓળખ છુપાવીને સંબંધ બનાવવામાં આવ્યા છે. એટલે કે જો કોઈ સ્ત્રી મોનુ માનેસર કે ચોમુ ચંડીગઢના પ્રેમમાં હોય. પછીથી, જો તેને ખબર પડે કે તે ચંદીગઢ કે માનેસરનો નથી, તો શું કલમ 69 અમલમાં આવશે? જો કોઈનું નામ મુસ્લિમોના નામની જેમ સામાન્ય હોય, તો શું આ કલમ લાગુ પડશે?'