iPhone 15 / હવે iphone પર મળશે ટાટાનો ભરોસો, લોન્ચ થશે પહેલો મેક ઈન ઈન્ડિયા ફોન, પાર્ટનરશિપનું એલાન

• Appleએ ભારતમાં Iphone15નું વર્ઝન બનાવવા કરી પાર્ટનરશીપ
• Tata group આ વખતે કરશે આઈફોનનું એસેમ્બિલિંગ
• અન્ય કંપનીઓ સાથેની ભાગેદારીમાં તૈયાર કરશે નવું વર્ઝન

ટાટા ગ્રુપે મીઠું, સોઈ, પ્લેન વગેરે બાદ હવે બેંગલૂરુમાં એપલનાં Iphone બનાવવાની શરૂઆત કરી દીધી છે. હવે દેશમાં થોડા જ સમયમાં પહેલો મેક ઈન ઈન્ડિયાનો ફોન લોન્ચ થવા જઈ રહ્યો છે. રિપોર્ટ અનુસાર Appleએ ભારતમાં Iphone 15નું વર્ઝન ફોન બનાવવા માટે Tata Groupની સાથે પાર્ટનરશિપ કરી લીધી છે. એટલું જ નહીં એપલની આ નવી સીરીઝનાં મેક ઈન ઈન્ડિયા ફોનને આ વર્ષનાં અંતમાં લોન્ચ કરવામાં આવી શકે છે. આ પહેલાં ફોક્સકોન, પેગાટ્રોન અને લક્સશેર જેવી કંપનીઓ ભારતમાં Iphone એસેમ્બલ કરતી હતી પરંતુ હવે ટાટા ગ્રુપ આ રેસમાં આગળ આવ્યું છે.

iPhone 15, 15 Plus to reportedly be made in India by Tata Group.
Tata’s share of assembly orders for various iPhone models is 5% for now.

Source: https://t.co/d5QqvgTzhL pic.twitter.com/UJ0vSrJSmv

— Mukul Sharma (@stufflistings) May 13, 2023

ટાટા ગ્રુપ Iphoneનું કરશે એસેમ્બલિંગ
ટાટા ગ્રુપ ઈન્ડિયામાં એપલનાં આઈફોન બનાવનારી ચોથી કંપની હશે. Tata Groupએ Wistronની ભારતીય પ્રોડક્શન લાઈનનું સંપાદન પૂરું કરી દીધું છે જ્યાં Iphone 15 વર્ઝનનાં ફોનને એસેમ્બલ કરવામાં આવશે.

ચીન પર નિર્ભરતા ઓછી કરવા માંગે છે કંપની
ટાટા ગ્રુપ ભારતમાં એપલ માટે આઈફોન 15 અને 15 પ્લસને એસેમ્બલ કરશે. જો કે Appleનાં 2023 Iphone મોડેલનાં માત્ર 5% ભાગને જ કંપની એસેમ્બલ કરશે. બાકીનો હિસ્સો ફોક્સકોન, લક્સશેર અને પેગાટ્રોનની તેમાં પ્રાથમિક ભાગેદારી જોવા મળશે. એપલે પહેલા જ સ્પષ્ટ કર્યું હતું કે તે ચીન પર પોતાની નિર્ભરતા ઓછી કરવા ઈચ્છે છે તેથી એપલ ભારતમાં આઈફોન બનાવવા પર ભાર આપી રહી છે.

થશે ડબલ ફાયદો
એપલે ચીનની જગ્યાએ ભારતને પસંદ કર્યું છે. તેનું કારણ છે કે ભારતમાં સ્માર્ટફોનનું એક ઘણું મોટું માર્કેટ છે. સાથે જ ભારત એક ટેક્નોલોજી સેક્ટરનાં રૂપમાં વિકસિત થઈ રહ્યું છે. તેવામાં આઈફોન 15નું ભારતમાં એસેંબલિંગ થવાથી ડબલ ફાયદો થઈ શકે છે.