આંધ્રપ્રદેશ / ચૂંટણી લડવા અંગે સાઉથના દિગ્ગજ એક્ટરનું મોટું એલાન, કહ્યું હું ચંદ્રબાબુ નાયડુ વિરૂદ્ધ...., જુઓ શું નિવેદન આપ્યું

• આંધ્રપ્રદેશમાં આવનારી ચુંટણીને લઈને તૈયારીઓ
• અભિનેતા વિશાલે ચુંટણીને લઈને અભિપ્રાય આપ્યો
• ચંદ્રબાબુ નાયડુ સામે ચૂંટણી લડવાની શક્યતા નકારી

દક્ષિણ ભારતના લોકપ્રિય અભિનેતા વિશાલે આંધ્ર પ્રદેશની કુપ્પમ વિધાનસભા બેઠક પરથી તેલુગુ દેશમ પાર્ટીના વડા એન ચંદ્રબાબુ નાયડુ સામે ચૂંટણી લડવાની શક્યતા નકારી કાઢી હતી. તેણે કહ્યું કે તે કુપ્પમ મતવિસ્તાર બેઠક પરથી ચૂંટણી લડશે નહીં. દરમિયાન, લોકપ્રિય અભિનેતા અને તમિલ ફિલ્મ નિર્માતા વિશાલે મંગળવારે કહ્યું હતું કે તેઓ નાયડુ કરતાં મુખ્ય પ્રધાન વાયએસ જગન મોહન રેડ્ડીને વધુ પસંદ કરે છે.

લોકોની સેવા કરવા રાજકારણમાં આવવની જરૂર નથી
તેમણે કહ્યું, 'હું ચંદ્રબાબુ નાયડુના પ્રતિસ્પર્ધી તરીકે કુપ્પમ બેઠક પરથી ચૂંટણી લડી રહ્યો નથી. જોકે કુપ્પમ મતવિસ્તારમાં અમારો ઘણો વ્યવસાય છે. વિશાલે કહ્યું કે લોકોની સેવા કરવા માટે તેને રાજકારણમાં આવવાની કોઈ જરૂર નથી. આ દરમિયાન વિશાલે કહ્યું કે 'પ્રજાની સેવા કરનાર દરેક વ્યક્તિ રાજકારણી છે.

ચુંટણીમાં ભાગ લેશે નહી
જ્યારે અભિનેતા વિશાલને પૂછવામાં આવ્યું કે શું તે નજીકના ભવિષ્યમાં રાજકારણમાં જોડાશે તો તેણે કહ્યું, 'હું ચૂંટણીમાં ભાગ નહીં લઈશ. મને કુપ્પમ મતવિસ્તાર વિશે બધું જ ખબર છે. હું ધારાસભ્યો કરતાં અભિનેતા તરીકે વધુ કમાણી કરું છું. વિશાલે કહ્યું કે જે લોકો લોકોની સેવા કરે છે તે રાજકારણી છે.

2024 માં વિધાનસભા ચુંટણી
તમને જણાવી દઈએ કે આંધ્ર પ્રદેશમાં 2024માં વિધાનસભા ચૂંટણી યોજાવાની છે. 175 બેઠકો સાથે આંધ્રપ્રદેશમાં 2019ની વિધાનસભા ચૂંટણીમાં, YSRCP એ સંપૂર્ણ બહુમતી સાથે સરકાર બનાવી, ત્યારબાદ જગન મોહન રેડ્ડી રાજ્યના મુખ્ય પ્રધાન બન્યા. તમામ પક્ષોએ 2024ની ચૂંટણીની તૈયારીઓ શરૂ કરી દીધી છે.