VIDEO / હિટવેવના સમાચાર વાંચતાં વાંચતાં બેહોશ થઈ ગઈ એન્કર, સ્ટુડિયોમાં અફરાતફરી

ઉનાળો આકરો બની રહ્યો છે. દેશમાં તાપમાન ઝડપથી વધી રહ્યું છે, જેના કારણે હવે ગરમી લોકો માટે પરેશાનીનું કારણ બની રહી છે. વધતા તાપમાન અને હીટવેવના સમાચાર સંભળાવતી વખતે લાઈવ ટીવી પર દૂરદર્શનના એક એન્કર અચાનક બેહોશ થઈ ગયા જેના કારણે સ્ટુડિયોમાં અફરાતફરી મચી ગઇ હતી.

દૂરદર્શનની એન્કરનું નામ લોપામુદ્રા સિન્હા છે, જે દૂરદર્શન પર લાઈવ ટીવી પર હીટવેવ સંબંધિત સમાચાર વાંચી રહી હતી અને આ દરમિયાન તે બેહોશ થઈ ગઈ. બાદમાં તેમણે તેમના સ્વાસ્થ્ય વિશે માહિતી આપી હતી. તમને જણાવી દઈએ કે લોપામુદ્રા પશ્ચિમ બંગાળ દૂરદર્શનની કોલકાતા શાખામાં કામ કરે છે. લોપામુદ્રા સિન્હા એ ફેસબુક પર પોતાની તબિયત અંગે અપડેટ આપી હતી. તેણે કહ્યું કે લાઈવ ન્યૂઝ દરમિયાન મારું બીપી નોંધપાત્ર રીતે ઘટી ગયું અને હું બેહોશ થઈ ગઈ હતી. હું બીમારી અનુભવતી હતી. મેં વિચાર્યું કે થોડું પાણી પીવાથી તે ઠીક થઈ જશે પણ તે વખતે ઠીક થઇ શકી ન હતી.

બીપીની સમસ્યાને કારણે બેહોશ થઈ ગયા

તેણીએ કહ્યું કે હું ક્યારેય સમાચાર વાંચવા પાણી સાથે નથી બેસતી, પછી ભલે તે 10 મિનિટના સમાચાર હોય કે અડધા કલાકના સમાચાર. મેં ફ્લોર મેનેજર તરફ ઈશારો કર્યો અને પાણીની બોટલ માંગી, પરંતુ જ્યારે હું બેહોશ થઈ ત્યારે સમાચાર ચાલી રહ્યા હતા તેથી હું પાણી પી શકી ન હતી. સ્ટુડિયોમાં બેહોસ થઇ જવા પર તેણીએ વધુમાં કહ્યું કે મેં વિચાર્યું કે હું બાકીની ચાર સમાચાર વાર્તાઓ પૂરી કરી શકીશ. મેં કોઈક રીતે બે પૂર્ણ કર્યા હતા.

આ પણ વાંચોઃ રાહુલ ગાંધીની તબિયત બગડી, રાંચીમાં ઈન્ડી એલાયન્સ રેલીમાં નહીં થાય સામેલ, મધ્યપ્રદેશ પ્રવાસ પણ રદ

હીટવેવના સમાચાર વાંચતા બેહોશ થઈ ગયા

લોપામુદ્રાએ કહ્યું કે હું સમાચાર વાચી રહી હતી. ત્રીજી સમાચાર હીટવેવ વિશે હતા અને તે વાંચતી વખતે મને ધીમે ધીમે ચક્કર આવવા લાગ્યા. મેં વિચાર્યું કે હું તેને વાચી પુરા કરી શકીશ મારી શરીરને નિયંત્રિત કરવાનો પ્રયાસ કર્યો, પરંતુ અચાનક હું કંઈ જોઇ શકતી ન હતી. ટેલિપ્રોમ્પ્ટર ઝાંખું થઈ ગયું અને મારી આંખો અંધારા આવી ગયા હતા. ઉલ્લેખનીય છે કે એપ્રિલની શરૂઆતથી પશ્ચિમ બંગાળમાં પારો વધી રહ્યો છે. અહીંના બર્દવાન જિલ્લાના પનાગઢમાં રાજ્યનું સૌથી વધુ તાપમાન (42.5 ડિગ્રી સેલ્સિયસ) નોંધાયું છે, જ્યારે IMD એ આગાહી કરી છે કે દક્ષિણ બંગાળના અન્ય વિસ્તારોમાં આગામી બેથી ત્રણ દિવસમાં વધુ ગરમી જોવા મળશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો