સુરક્ષિત કેટલું ? / ઇ-વ્હીકલવાળા ચિંતામાં : ભરૂચમાં રોડ પર જ ભડભડ સળગી ઉઠી ઇલેક્ટ્રિક બાઇક, જાણો EV બેટરી શા માટે પકડે છે આગ?

• ભરૂચમાં ઇ-બાઇકમાં લાગી આગ
• ફાયર બ્રિગેડે આગ પર મેળવ્યો કાબૂ
• ઇ-વાહનચાલકો સુરક્ષિત કેટલા ?

મોંઘવારી વચ્ચે પ્રજાએ હવે કરવું શું ? કારણ કે પેટ્રોલ ડીઝલના ભાવમાં વધારો થઇ ગયો છે.  લોકો હવે સીએનજી તરફ વળ્યા તો તેમાં પણ ભાવ વધી રહ્યા છે.  ત્યારે બીજો એક ઓપ્શન મળ્યો છે ઇલેક્ટ્રીક વ્હિકલનો .  ચાર્જિંગ કરીને ચાલતા આવા વાહનોમાં પેટ્રોલની કોઇ જ ઝંઝટ નહીં. એક વાર ચાર્જ કરો એટલે ગાડી ચાલી સમજો.  પણ હવે ઇ-વ્હિકલ પણ આગ પકડી રહ્યા છે જેને લઇને વાહનચાલકો વધુ એકવાર મૂંઝાયા છે. 

ઇ-વ્હિકલના વેચાણમાં વધારો

પેટ્રોલ અને ડીઝલના વધતા ભાવ વચ્ચે તેમના વિકલ્પરૂપે ઇ-બાઈક આવ્યા.જેનાથી પ્રદુષણ પણ ઓછું થાય છે.અને પેટ્રોલ-ડીઝલની સરખામણીમાં ખર્ચ પણ ઓછો આવે છે.આથી તેના વેચાણમાં ઘણો વધારો જોવા મળી રહ્યો છે. મોટા ભાગના શહેરોમાં ઇલેક્ટ્રિક બાઈક વેચાય રહ્યા છે પરંતુ ઇલેક્ટ્રિક બાઈકમાં ઘણા સમયથી આગની ઘટના સામે આવી રહી છે જેના લીધે હવે આ ઇલેક્ટ્રિક બાઈક પર પણ સુરક્ષાને લઇને સવાલ ઉઠી રહ્યા છે. 

ભરુચમાં ઇ-બાઇક ભડકે બળ્યું

છેલ્લા કેટલાક મહિનામાં એવી ઘણી ઘટનાઓ બની છે જ્યારે ઇલેક્ટ્રિક વાહનોમાં આગ લાગી હોય. ત્યારે ભરૂચમાં આવી જ એક ઘટના સામે આવી છે જેમાં ઇલેક્ટ્રીક બાઇકમાં આગ લાગતા ફાયર બ્રિગેડની મદદથી આગ પર કાબૂ મેળવાયો. ઉલ્લેખનીય છે કે એક તરફ પેટ્રોલ-ડીઝલના વધતા ભાવથી ત્રાહિમામ થયેલી જનતા ઇલેક્ટ્રીક વાહનો તરફ ઉમ્મીદની નજરે જોતા હતા...પરંતુ છાશવારે બનતી ઇલેક્ટ્રીક વાહનોમાં આગની ઘટનાથી જનતાના મનમાં અનેક સવાલો ઉઠી રહ્યા છે...ત્યારે તંત્રએ પણ જો ઇલેક્ટ્રીક વાહનોનું ચલણ વધારવા માગતુ હોય તો તેમને પણ જનતાના સવાલોનું યોગ્ય નિરાકરણ લાવી આ ઇલેક્ટ્રીક વાહનોમાં વધુ સુરક્ષિત ટેક્નોલોજીનો ઉપયોગ કરવા તરફ વિચારવુ જોઇએ.

EV બેટરી શા માટે આગ પકડે છે? 

• લિથિયમ-આયન બેટરી મુખ્યત્વે બે અલગ-અલગ કારણોસર નિષ્ફળ જાય છે
• બેટરીના ઉત્પાદનમાં કોઈ ખામી હોય તો તે નિષ્ફળ જાય છે
• બેટરીની નિષ્ફળતા સામાન્ય રીતે સંખ્યાબંધ પરિબળોનું પરિણામ છે
• બેટરી પર તણાવ આવવાથી તેમાં આગ લાગી શકે છે
• બેટરીમાં વાઇબ્રેશન,ઇલેક્ટ્રિક શોર્ટ,મેન્યુફેક્ચરિંગ ખામીથી આગ લાગી શકે છે
• વધુ પડતું સ્પંદન લિથિયમ-આયન બેટરીની હેન્ડલિંગ ક્ષમતાની બહાર હોવાથી તે પણ એક કારણ છે
• લિથિયમ-આયન અને લિથિયમ-મેટલ કોષો નિષ્ફળતાની સ્થિતિમાં થર્મલ રન-વેમાંથી પસાર થાય છે
• થર્મલ રન-વે જ્વલનશીલ ગેસના પ્રકાશન સાથે બેટરી સેલ તાપમાન અને દબાણમાં ઝડપથી વધારો કરે છે
• બેટરીના ઊંચા તાપમાને આ જ્વલનશીલ વાયુઓના સંપર્કમાં આવવાથી આગ લાગે છે
• બેટરીમાં એક જગ્યાએ મોટી માત્રામાં સૂક્ષ્મ ધાતુના કણો એકઠા થાય છે,ત્યારે તે ઇલેક્ટ્રિક શોર્ટનું કારણ બને છે
• હકારાત્મક અને નકારાત્મક પ્લેટો વચ્ચે મોટા પ્રમાણમાં વિદ્યુત દોડના કારણથી આગ લાગે છે
• બેટરી કેસની અંદરનું તાપમાન ઝડપથી 500 C સુધી પહોંચે તો કોષ વિસ્ફોટ થાય અને આગ લાગે છે