અંતરિક્ષમાં 'ગેસ સ્ટેશન' / અમેરિકન કંપની નવો આવિષ્કાર રચવાની તૈયારીમાં: હવે અવકાશમાં જ ખુલશે 'ગેસ સ્ટેશન', સ્પેસમાં જ સેટેલાઇટ્સને કરાશે રિફ્યુલ

• અમેરિકન કંપની અંતરિક્ષમાં ખોલશે  'ગેસ સ્ટેશન'
• જમીની પેટ્રોલ પંપથી અલગ હશે ઓર્બિટ ફેબ કંપનીનો પંપ
• વાહનની માફક ઉપગ્રહોને રિફ્યુઅલ કરવાની હશે સુવિધા

અમેરિકન સ્ટાર્ટઅપ કંપની ઓર્બિટ ફેબ અંતરિક્ષમાં પેટ્રોલ પંપ ખોલવા જઈ રહી છે. ઉલ્લેખનીય છે કે અમેરિકામાં પેટ્રોલ પંપને ગેસ સ્ટેશન કહેવામાં આવે છે. ત્યારે અંતરિક્ષમાં નિર્માણ પામનાર પેટ્રોલ પંપ જમીન પર હોય તેવો પંપ નહિ હોય ! પરંતુ તે વિવિધતા સભર ખાસ પ્રકારનું ગેસ સ્ટેશન હશે. આ મામલે કંપનીના સીઈઓ ડેનિયલ ફેબરએ કહ્યું હતું ઉપગ્રહોને રિફ્યુઅલ કરવા માટે ઉપયોગમાં લઈ શકાય તેવા ટેન્કર ઉપગ્રહોને અવકાશમાં મોકલવામાં આવશે. જેનો સીધો ફાયદો એ થશે કે આગામી સમયમાં જ્યારે લાંબા અંતરની અવકાશ યાત્રા કરતા વાહનો અને ઉપગ્રહોનએ જ્યારે જરૂર જણાય ત્યારે રસ્તામાં ઈંધણ પુરી શકાશે.આમ તે ધરતી પરના પંપથી અલગ તરી આવશે.

US company Orbit Fab is aiming to produce "gas stations" in space.

Its CEO tells @AFP the company hopes its refueling technology will make the surging satellite industry more sustainable -- and profitablehttps://t.co/6n4MugtBs2 pic.twitter.com/5yzrVxNtza

— AFP News Agency (@AFP) April 27, 2023

નવા ગ્રહ મોકલવાનો ખર્ચ પણ બચી જશે
બીજી બાજુ વચ્ચે રસ્તામાં ચાર્જની સુવિધા મળતાઇંધણ સમાપ્ત થવાને કારણે ઉપગ્રહો કામ કરવાનું બંધ કરશે નહીં. બીજી બાજુ આ સુવિધાના અમલની સાથ જ અંતરિક્ષમાં વાહનોને  ચંદ્ર અથવા મંગળની મુસાફરી કરવી સામાન્ય બનશે. કારણ કે અંતરિક્ષમાં જ રિફ્યુઅલ કરવાની સુવિધા ઉપલબ્ધ થશે.ઓર્બિટ ફેબ કંપનીના આ રિફ્યુલિંગ તેનઝિંગ ટેન્કર-001 રાખવામાં આવ્યું છે.જેનો મોટો ફાયદો એ છે કે જે દેશોના ઉપગ્રહોનું ઇંધન પૂરું થયું છે જેમાં ફરી ઇંધણ ભરી તેને કાર્યશીલ કરી શકાશે. બીજી બાજુ નવા ગ્રહ મોકલવાનો ખર્ચ પણ બચી જશે. ઉપગ્રહોને રિફ્યુઅલ કરવાની સાથે તે પૃથ્વીની તસવીરો પણ લઇ શકશે.

હવામાનશાસ્ત્રની માહિતી અને ઉપગ્રહોને રિફ્યુઅલ કરવાનું મુખ્ય કાર્ય

માઇક્રોવેવ આકારના આ તેનઝિંગ ટેન્કર-001 હાલ પૃથ્વી અવલોકન, હવામાનશાસ્ત્રની માહિતી અને ઉપગ્રહોને રિફ્યુઅલ કરવાનું મુખ્ય કાર્ય કરશે.  સેટેલાઇટને રિફ્યુઅલ કરનાર દેશ કે કંપનીએ પૈસા ચૂકવવા પડશે.અગાઉ જ્યારે ઈંધણ ખતમ થઈ જાય છે ત્યારે ઉપગ્રહો નકામા થતા અને નવા ઉપગ્રહો મોકલવા પડતા હતા. ડેનિયલે કહ્યું કે હવે આ ખર્ચાળ પદ્ધતિનો અંત આવશે અને સેટેલાઇટને જ રિચાર્જ કરી શકાશે. પ્રોટોટાઇપ રિફ્યુઅલિંગ સ્ટેશનમાં સફળતા બાદ મોટું સેટેલાઇટ રિફ્યુઅલિંગ સ્ટેશન લોન્ચ કરીશું, જેમાં ઘણા ઉપગ્રહોને રિફ્યુઅલ કરવાની ક્ષમતા હશે.