જવાબદાર કોણ? / અમદાવાદની શેલબી હોસ્પિટલ પર આક્ષેપ, અનેક નિષ્ફળ સર્જરી પછી વૃદ્ધાનો પગ કાપવા જેવી સ્થિતિ

Shyam

Last Updated: 08:29 PM, 11 May 2021

FOLLOW ON

શેર કરો

અમદાવાદની શેલબી હોસ્પિટલમાં 62 વર્ષના વૃદ્ધાના પગની અનેક સર્જરી બાદ ડૉક્ટરોએ મોટું નુકસાન કરી નાખ્યાનો આક્ષેપ, વૃદ્ધાનો હાલ પગ કાપવો પડે તેવી સ્થિતિ

અમદાવાદની જાણીતી શેલબી હોસ્પિટલ પર આક્ષેપ
વૃદ્ધાના ની-રિપ્લેશમેન્ટ ઓપરેશનમાં બેદરકારીનો આક્ષેપ
અનેક સર્જરી બાદ ખરાબ પગને કાપવા સુધીની સ્થિતિ સર્જાઈ

અમદાવાદમાં SG હાઈ-વે પર આવેલી જાણીતી શેલબી હોસ્પિટલ પર ગંભીર આક્ષેપ લાગ્યા છે. 12મી એપ્રિલે માધવીબેન ઠક્કર નામના 62 વર્ષના વૃદ્ધાએ પગમાં ની-રિપ્લેશમેન્ટનું ઓપરેશન કરાવ્યું હતું. આ ઓપરેશનના 4-5 દિવસ પછીથી વૃદ્ધાને પગમાંથી સતત લોહી નીકળી રહ્યું હોવાથી હોસ્પિટલમાં ડોકટરને જાણ કરી હતી. જે બાદ ડોક્ટરો અનેક વાર વૃદ્ધાની સર્જરી કરી અને પગમાં મોટું નુકસાન કરી નાખ્યું હોવાનો આક્ષેપ છે. વૃદ્ધાને હાલ પગ કાપવો પડે તેવી સ્થિતિ સર્જાઈ છે.

સારવાર માટે હોસ્પિટલ દ્વારા અત્યાર સુધી અંદાજે 5 લાખ જેટલું બિલ દર્દી પાસેથી વસુલવામાં આવ્યું છે અને હવે દર્દીના પરિજનોને વધુ 9 લાખનું બિલ ભરવા અને દર્દીને ઘરે લઈ જવા માટે સતત દબાણ કરવામાં આવી રહ્યું છે. વૃદ્ધાની દીકરી સાથે લેબ ટેક્નિસીયને છેડતી કરી હોવાની પણ અરજી આનંદનગર પોલીસ સ્ટેશનમાં કરવામાં આવી છે. જેથી હોસ્પિટલ દ્વારા મામલો દબાવવા માટે વૃદ્ધાની દીકરીને દબાણ કરાઈ રહ્યું હોવાનો આક્ષેપ લાગી રહ્યો છે. યુવતિએ આ મામલે પોલીસની મદદ માંગી છે. અને માતાની સારવાર ન અટકે એ માટે સાયબર ક્રાઈમમાં પણ અરજી કરી છે.