ક્રુરતા / અમરેલીનું તરવડા ગુરુકુળ સપડાયું વિવાદમાં: વિદ્યાર્થીને ઢોર માર માર્યાનો ગંભીર આક્ષેપ લાગતા શિક્ષક વિરૂદ્ધ કરાઇ આ કાર્યવાહી

તરવડા સ્વામીનારાયણ ગુરુકુળમાં વિદ્યાર્થીને ઢોર માર માર્યાનો આક્ષેપ
ગુરુકુળમાં અભ્યાસ કરતા વિદ્યાર્થીને શિક્ષકે ઢોર માર માર્યાનો આક્ષેપ 
ધો 12 સાયન્સના વિદ્યાર્થીને ચપલ અને ધોકા વડે માર માર્યા

અમરેલી વરવાડા સ્વામીનારાયણ ગુરૂકુળમાં વિદ્યાર્થીને ઢોર માર માર્યાની ઘટના સામે આવી છે. ગુરુકુળમાં અભ્યાસ કરતા વિદ્યાર્થીને શિક્ષકે ઢોર માર માર્યાનો આક્ષેપ કરવામાં આવ્યો છે. આક્ષેપ કરવામાં આવ્યો છે કે, ધોરણ-12માં ભણતા વિદ્યાર્થીને ચપલ અને ધોકા વડે ઢોર માર મારવામાં આવ્યો છે.

તરવડા સ્વામીનારાયણ ગુરુકુળમાં વિદ્યાર્થીને ઢોર માર 
તરવાડા ગુરૂકુળમાં વિદ્યાર્થીને ઢાર માર માર્યાનો આક્ષેપ કરવામાં આવ્યો છે, ધોરણ-12 સાયન્સના વિદ્યાર્થીને ચેપલ અને ધોકા વડે માર મારવામાં આવ્યો છે જેનાથી તે વિદ્યાર્થીને પગ અને કમરના ભાગે ગંભીર ઈજાઓ પહોંચી છે. વિદ્યાર્થીને ગંભીર ઈજાઓ પહોંચતા ખાંભા ખાતે હોસ્પિટલમાં સારવાર માટે ખસેડવામાં આવ્યો છે. 

શિક્ષક પિયુષ સાવલિયા વિરૂદ્ધ નોંધાવી પોલીસ ફરયાદ
વિદ્યાર્થીને ઢોર માર મારતા વિદ્યાર્થીની વાલીએ શિક્ષક પિયુષ સાવલિયા વિરૂદ્ધ પોલીસ ફરિયાદ નોંધાવી છે. ખાંભા પોલીસે જીરોથી ફરીયાદ નોંધીને અમરેલી તાલુકા પોલીસમાં ફોરર્વડ કરી છે. શિક્ષકે માર મારવાની ઘટનાથી તરવડા સ્વામી નારાયણ ગુરુકુળ ફરી એકવાર વિવાદમાં ઘેરાઈ છે

પાટણમાં બે દિવસ અગાઉની ઘટના
પાટણમાં ધોરણ 8માં ભણતા વિદ્યાર્થીને શિક્ષકે તાલિબાની સજા કર્યાનો પરિજનો દ્વારા આક્ષેપ કરવામાં આવ્યો હતો. જેને લઈ સમગ્ર પંથકમાં ચકચાર મચી જવા પામ્યું હતી. શાળામાં બાળક મસ્તી કરતા વિદ્યાર્થીને સજા અપાયાના પરિવારના આક્ષેપ હતો. મયંક પટેલ નામનાં શિક્ષકે વિદ્યાર્થીને માર્યો માર અને હાઇસ્કુલનાં બીજા માળેથી ઊંધો લટકાવી લાફા માર્યાના પણ આક્ષેપ કરવામાં આવ્યો હતો.