AMC ડ્રાફ્ટ બજેટ / 5 આઈકોનિક રોડ, 100 ઇ-રીક્ષા, રિવરફ્રન્ટ ફેઝ..., AMCનું રૂ. 10,801 કરોડનું ડ્રાફ્ટ બજેટ રજૂ

• અમદાવાદ મનપાનું 10,801 કરોડનું ડ્રાફ્ટ બજેટ રજૂ
• ઈન્દિરા બ્રિજથી નર્મદા કેનાલ રોડ સુધીનું કામ કરાશે
• લૉ ગાર્ડનની આજુબાજુના રોડ ડેવલપમેન્ટનું 75 કરોડના ખર્ચે આયોજન

અમદાવાદ મ્યુનિસિપલ કોર્પોરેશન દ્વારા વર્ષ 2024-25 નું ડ્રાફ્ટ બજેટ મ્યુનિસિપલ કોર્પોરેશનના કમિશ્નર એમ. થેન્નારસન દ્વારા રજૂ કરવામાં આવ્યું હતું.  15.65 કિમી લાંબી ખારીકટ કેનાલનું ડેવલપમેન્ટ કરાશે. તેમજ 1230 કરોડના ખર્ચે ખારીકટ કેનાલ ફેઝ-2 નું કામ કરાશે. 

100 કિમીના ડસ્ટ ફ્રી રોડ મળી 400 કિમી રોડ 790 કરોડના ખર્ચે બનાવાશે
ઈન્દિરા બ્રિજથી નર્મદા કેનાલ રોડ સુધીનું કામ કરાશે. તેમજ 1 હજાર કરોડના ખર્ચે રિવરફ્રન્ટ ફેઝ-3 નું કામ કરાશે.  જ્યારે 250 કિમીના રસ્તા રીગ્રેડ કરાશે. જ્યાર 40 કિમીના માઈક્રો રિસરફેસિંગ કરાશે. તેમજ 100 કિમીના ડસ્ટ ફ્રી રોડ મળી 400 કિમી રોડ 790 કરોડના ખર્ચે બનાવાશે. 135 કરોડના ખર્ચે 5 આઈકોનિક રોડ બનાવાશે. 

શહેરમાં પ્રવેશવાના માર્ગ પર એન્ટ્રીગેટ બનાવાશે
આઈકોનિક રોડમાં પાર્કિગ, ગ્રીન બેલ્ટ સાથેનાં વોક-વે બનાવાશે. તેમજ સીટિંગ એરેજમેન્ટ, ઈવી ચાર્જિંગ સ્ટેશન સાથેની સુવિધા રખાશે. તેમજ લો ગાર્ડનની આજુબાજુના રોડ ડેવલપમેન્ટનું 75 કરોડનાં કરવાનું નક્કી કરવામાં આવ્યું છે. તો શહેરમાં પ્રવેશવાના ચારે તરફના રોડ પર 15 કરોડના ખર્ચે એન્ટ્રીગેટ બનાવાશે. 

સરખેજ, કઠવાડા, કમોડ, નિકોલ સાથેના નવા વિસ્તારનો સમાવેશ
તેમજ ઓલિમ્પિક-2026 ને ધ્યાને લઈ 5 કરોડના ખર્ચે સિટી માસ્ટર પ્લાન બનાવાશે. તેમજ 45 કરોડના ખર્ચે વર્ષ દરમિયાન ટીપી સ્કીમમાં રોડ બનાવાશે. વિવિધ ટીપીમાં 67 કિમીના રોડ ખોલવાનું અને રસ્તા બનાવવાનું આયોજન કરવામાં આવ્યું છે. ટીપી સ્કીમમાં હંસપુરા, ચિલોડા, ભાડજ, મકરબા સહિત સરખેજ, કઠવાડા, કમોડ, નિકોલ સાથેના નવા વિસ્તારનો સમાવેશ કરવામાં આવ્યો છે. 

વધુ વાંચોઃ ગિફ્ટ સિટીમાં ગુજરાતી સ્ટારે પીધો: કહ્યું બિયર અને વેજ-નોનવેજ ટોપ હતું... જુઓ ફોટોઝ

જુદી જુદી જગ્યાએ 21 વેજિટેબલ માર્કેટ બનાવવા 21 કરોડની જોગવાઈ
4 ફૂટ ઓરવબ્રિજ પાછળ 10 કરોડની જોગવાઈ કરવામાં આવી છે. શહેરના 18 તળાવ બ્યુટીફિકેશન માટે 100 કરોડની જોગવાઈ કરવામાં આવી છે. તેમજ શહેરમાં 7 ફ્રૂડ પાર્ડ બનાવવા માટે 7 કરોડની જોગવાઈ કરવામાં આવી છે. તો જુદી જુદી જગ્યાએ 21 વેજીટેબલ માર્કેટ બનાવવા 21 કરોડની જોગવાઈ છે.