રિયલ એસ્ટેટ / અમદાવાદમાં ડાયરી-રોકડ વ્યવવહારથી બિલ્ડરોની શાખ દાવ પર, રોકાણકારો ટેન્શનમાં

• બિલ્ડરો ની શાખ પર ઊભું થયું છે જોખમ
• રિયલ એસ્ટેટમાં હજુ પણ રોકડ વ્યવહારોની બોલબાલા
• મસમોટી રોકડ રકમ ચૂકવી હોવાથી રોકાણકારો પણ કાયદાકીય કાર્યવાહી કરી શકે તેમ નથી

ડાયરીઓ દ્વારા થતાં વ્યવહારોમાં રોકાણકારોની સલામતી કેટલી?

ગુજરાતના મોટા શહેર અમદાવાદમાં રિયલ એસ્ટેટનો દબદબો છે ત્યારે હજુ પણ બિલ્ડરોના વ્યવહારોમાં ડાયરીઓની બોલબાલા હોવાનું સામે આવ્યું છે. રોકાણકારોના લાખો અને કરોડો રૂપિયા બિલ્ડરો ડાયરીઓન આધારે બ્રોકરોમાં ફેરવી રહ્યા હોવાનું સામે આવ્યું છે જે બાદ રોકાણકારો પણ સ્તબ્ધ થઈ ગયા છે. 

ડાયરીઓની બોલબાલા : બિલ્ડરોની શાખ દાવ પર 

અમદાવાદ શહેરના જાણીતા બિલ્ડરના પ્રોજેક્ટમાં રોકાણકારોના નાણાં ફસાયા હોવાની માહિતી સામે આવતા બિલ્ડરોની શાખ પર જોખમ ઊભું થયું છે. એસ્ટેટ શેર બ્રોકર અશેષ ગુમ થયા હોવાની ફરિયાદ સામે આવતા તે વાત પણ સામે આવી છે કે ગુજરાતના બિલ્ડરો નાણાકીય બ્રોકરોને નાણાકીય વ્યવહાર કરવાની છૂટ આપે છે. રોકાણકારોના મનમાં હવે સવાલ ઊભા થયા છે કે બિલ્ડરો ડાયરીઓના આધારે રોકાણકારોના નાણાં રોકડમાં વ્યવહાર કરવા આપી રહ્યા છે તો તે કેટલા સલામત છે? રિયલ એસ્ટેટમાં આજે પણ રોકડ વ્યવહારોની બોલબાલા છે અને મસમોટી રોકડ રકમોનો વ્યવહાર બિલ્ડરો તથા બ્રોકર દ્વારા કરવામાં આવી રહી છે જેના કારણે જૉ કોઈ બ્રોકર અથવા બિલ્ડર ફુલેકું કરી જાય તો કોઈ પણ પ્રકારની કાયદાકીય કાર્યવાહી શકે તેમ નથી. 

શું છે અશેષ અગ્રવાલ કેસ?

અમદાવાદના બોપલમાં એસ્ટેટ શેર બ્રોકર અશેષ અગ્રવાલ ગુમ થવાની પરિવારજનો એ પોલીસમાં ફરિયાદ નોંધાવી છે, છેલ્લા કેટલાક સમયથી અશેષનો કોઈ પત્તો ન મળતા પરિવાજનોજ સેટેલાઈટ પોલીસ મથકે પહોંચ્યા હતા અને અશેષ ગુમ થયાની પોલીસમાં ફરિયાદ નોંધાવી હતી. અમદાવાદના બોપલ વિસ્તારમાં રહેલા એસ્ટેટ શેર બ્રોકર અશેષ અગ્રવાલ ગુમ થયા હોવાની ફરિયાદ નોંધાઈ હતી જેને આધારે પોલીસ તપાસનો દોર શરૂ કર્યો છે બ્રોકર અશેષ અગ્રવાલનું છેલ્લું લોકેશન વસ્ત્રાપુરમાંથી મળી આવ્યું છે, બ્રોકર અશેષ અગ્રવાલના 2 મોબાઈલ અને કાર રહસ્યમય રીતે ગુમ થયા હતા પરતું પોલીસ કોલ લોકેશન ટ્રેસના આધારે ડિટેઈલ્સ મેળવી તપાસ શરૂ કરી હતી જેમાં અશેષ અગ્રવાલનું છેલ્લું લોકેશન વસ્ત્રાપુરમાંથી મળી આવ્યું છે મહત્વનું છે કે અશેષ અગ્રવાલના પરિવારજનો દ્વારા બ્રોકર અશેષ ગુમ થયાની પોલીસમાં ફરિયાદ નોંધાવામાં આવી હતી. 

પોલીસ તપાસમાં અશેષના શેરબજારમાં કરોડો ડૂબ્યા હોવાથી શંકા સેવાઈ રહી છે તથા અશેષ કરોડોનું ફુલેકુ ફેરવ્યુ હોવાની માહિતી ચર્ચાઈ રહી છે હાલ તો અશેષના પરિવારે આ મામલે નિષ્પક્ષ તપાસની માગ કરી છે તથા પરિવારે અશેષના ભાગીદાર રિપલ પટેલ આ મામલે જાણતો હોવાનો પરિવાર દ્વારા આક્ષેપ કરવામાં આવ્યો છે.પરિવાર દ્વારા મીડિયા મારફતે અશેષ સહી સલામત ઘરે પરત ફરે તેવી અપીલ કરવામાં આવી છે પરંતું હજુ સુધી અશેષનો કોઈ પત્તો લાગ્યો નથી ત્યારે સેટેલાઈટ પોલીસે પરિવાર,મિત્રો તથા રોકાણકારોની તપાસ શરૂ કરી છે.