ચકચાર / 'હું એકલો પડી ગયો છું.. મારા મોત પાછળ પત્ની અને..' ભરૂચમાં 52 વર્ષીય વ્યક્તિએ રડતાં રડતાં વીડિયો બનાવી કર્યો આપઘાત

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

• ભરૂચમાં 52 વર્ષીય વ્યક્તિએ આપઘાત કર્યો
• મોદીપાર્ક નજીક દેવ દર્શન એપાર્ટમેન્ટની ઘટના
• પત્ની-સાસરિયાઓના ત્રાસથી અશ્વિન ચૌહાણ નામના વ્યક્તિએ કર્યો આપઘાત

ભરૂચમાં આપઘાતનો ચોંકાવનારો મામલો સામે આવ્યો છે. જેમાં મોદીપાર્ક નજીક આવેલ દેવ દર્શન એપાર્ટમેન્ટમાં રહેતા 52 વર્ષીય આધેડે એકલવાયા જીવનથી કંટાળી જઈ આયખું ટૂંકાવી લેતા અરેરાટી મચી ગઈ છે. આધેડે અંતિમ પગલું ભરી લીધા પહેલા એક વીડિયો પણ બનાવ્યો હતો. જે હાલ સોશિયલ મીડિયામાં વાયરલ થઈ રહ્યો છે.

મોત પાછળ પત્ની અને સાસુ-સસરાને જવાબદાર ઠેરવ્યા

વીડિયોમાં મૃતકે પોતાની પત્ની અને સાસુ-સસરાના ત્રાસથી કંટાળી જઈ મોત વ્હાલું કરવાનો વિચાર કરતો હોવાનો દાવો કરવામાં આવી રહ્યો છે. સાથે સાથે તેમના મકાનમાં ભાગ તેમના ફઇ અને બહેનને આપવા પણ જણાવ્યું છે અને મોત પાછળ જવાબદાર સાસુ, સસરા અને પત્ની સામે કડકમાં કડક કાર્યવાહી કરવામાં આવે તેવી માંગ કરી છે.

ભરૂચમાં 52 વર્ષીય વ્યક્તિએ આપઘાત કર્યો

નોંધનિય છે કે મોદીપાર્ક નજીક દેવ દર્શન એપાર્ટમેન્ટમાં પત્ની-સાસરિયાઓના ત્રાસથી કંટાળી અશ્વિન ચૌહાણ નામના વ્યક્તિએ આપઘાત કરી લીધો હતો. મહત્વનું છે કે અશ્વિનભાઈ ચૌહાણ ની પત્ની ત્રણ વર્ષથી તેમને છોડી અને ચાલી ગઈ હતી જેને પગલે અશ્વિનભાઈ ચૌહાણ એકલવાયું જીવન જીવતા હતા. પત્ની તથા સાસરિયાઓ અશ્વિનભાઈનું ઘર હડપ કરી જવાના ઇરાદે અવારનવાર ત્રાસ આપતા હોવાનો વીડિયોમાં ઉલ્લેખ કરાયો છે. હાલ આ સમગ્ર મામલે સ્થાનિક પોલીસે દોડી જઈ તપાસના ચક્રો ગતિમાન કર્યા છે બીજી તરફ સાસૂ, સસરા અને પત્નીની ભૂમિકા જાણવા પોલીસ કાર્યવાહી હાથ ધરી રહી છે.