ISROથી નવો ટાસ્ક / ચંદ્રયાન 3ની સફળતા બાદ PM મોદીએ દેશના યુવાનોને આપ્યો નવો ટાસ્ક: કહ્યું ગુલામીના કાળખંડમાં વિજ્ઞાનનો ખજાનો દબાઈ ગયો છે

• PM મોદી વિદેશયાત્રા પૂર્ણ કર્યા બાદ સીધા જ ISRO પહોંચ્યા
• ISROથી PM મોદીએ યુવાનોને આપ્યો નવો ટાસ્ક
• વિજ્ઞાનનો ખજાનો છે એ ગુલામીના કાળમાં છુપાઈ ગયો: PM મોદી
• શાસ્ત્રોના ખગોળીય સૂત્રના અધ્યયન કરવા માટે યુવાનો આગળ આવે: PM મોદી

ચંદ્રયાન 3ની સફળતા બાદ PM મોદી વિદેશયાત્રા પૂર્ણ કર્યા બાદ સીધા જ ISRO પહોંચ્યા હતા. આ દરમિયાન PM મોદીએ વૈજ્ઞાનિકોની સાથે સાથે દેશના યુવાઓને પણ સંબોધિત કર્યા હતા. PM મોદીએ કહ્યું કે, ભારત એ દેશ છે જેણે હજારો વર્ષ પહેલા જ અંતરીક્ષમાં જોવાનું શરૂ કરી દીધું હતું. PM મોદીએ કહ્યું કે, ભારત પાસે જે વિજ્ઞાનનો ખજાનો છે એ ગુલામીના કાળમાં છુપાઈ ગયો છે, હવે આપણે તે દુનિયાને બતાવવાનું છે. 

ISROથી PM મોદીએ યુવાનોને આપ્યો નવો ટાસ્ક
બેંગલુરુમાં ISRO ખાતેથી PM મોદીએ દેશના યુવાનો અને વૈજ્ઞાનિકોને સંબોધિત કર્યા હતા. આ દરમિયાન PM મોદીએ વૈજ્ઞાનિકોને અભિનંદન આપવાની સાથે યુવાઓને નવો ટાસ્ક આપ્યો હતો. PM મોદીએ કહ્યું કે, ભારતના શાસ્ત્રોમાં જે ખગોળીય સૂત્ર છે, તેના અધ્યયન તથા તેને વૈજ્ઞાનિક રીતે સાબિત કરવા માટે યુવાનો આગળ આવે. 

PM મોદીએ દેશના યુવાનોને આપ્યો નવો ટાસ્ક #PMModi #Chandryaan3 #ISROChandrayaan3 pic.twitter.com/BK6CS3L6kU

— VTV Gujarati News and Beyond (@VtvGujarati) August 26, 2023

આર્યભટ્ટ, બ્રહ્મગુપ્ત અને ભાસ્કરાચાર્ય યાદ કરી શું કહ્યું ? 
PM મોદીએ ISRO થી સંબોધન દરમિયાન કહ્યું કે, ભારત એ દેશ છે જેણે હજારો વર્ષ પહેલા જ અંતરીક્ષમાં જોવાનું શરૂ કરી દીધું હતું. આપણે ત્યાં સદીઓ પહેલા જ આર્યભટ્ટ, બ્રહ્મગુપ્ત અને ભાસ્કરાચાર્ય થઈ ગયા. ધરતીના આકારને લઈને ભ્રમ હતો તે સમયે જ આર્યભટ્ટે પૃથ્વીની ગોળાકારને લઈને વિસ્તારથી માહિતી આપી હતી. 

ગ્રહણની જાણકારી આપણાં કેટલાય ગ્રંથોમાં 
PM મોદીએ કહ્યું કે, સૂર્ય સિદ્ધાંત જેવા ગ્રંથોમાં પણ પૃથ્વી ગોળ હોવાનો શ્લોક છે. સૂર્ય, ચંદ્ર અને પૃથ્વી એકબીજાની વચ્ચે આવવાના કારણે ગ્રહણની જાણકારી આપણાં કેટલાય ગ્રંથોમાં આપેલી છે. આ સાથે કહ્યું કે, અન્ય ગ્રહોની માહિતી પણ આપના પ્રાચીન ગ્રંથોમાં મળે છે. ગ્રહોની મદદથી આપણાં ત્યાં સેંકડો વર્ષ આગળના પંચાંગ બનાવવામાં આવ્યા છે, અને એટલે જ નવો ટાસ્ક નવી પેઢીને આપવા માંગુ છું કે, ભારતના શાસ્ત્રોમાં જે ખગોળીય સૂત્ર છે, તેના અધ્યયન તથા તેને વૈજ્ઞાનિક રીતે સાબિત કરવા માટે યુવાનો આગળ આવે. ભારત પાસે કે વિજ્ઞાનનો ખજાનો છે એ ગુલામીના કાળમાં છુપાઈ ગયો છે, હવે આપણે તે દુનિયાને બતાવવાનું છે.