મનોરંજન / તારક મહેતા કા ઉલ્ટા ચશ્મા છોડ્યા બાદ હવે BIGG BOSS માં દેખાશે આ કલાકારો? કહ્યું- હા હું તૈયાર છું

• સલમાન ખાનના શો બિગ બોસ 17ની ચર્ચા શરૂ થઈ ગઈ છે
• શો માં ભાગ લેનાર સ્પર્ધકોના નામની ચર્ચા ચાલી રહી છે 
• 'તારક મહેતા..' શો ના આ કલાકારો બિગ બોસમાં જોવા મળશે!

Bigg Boss 17 News : બિગ બોસ ઓટીટી સીઝન 2 પછી હવે સલમાન ખાનના શો બિગ બોસ 17ની ચર્ચા શરૂ થઈ ગઈ છે. આ સાથે જ શો માં ભાગ લેનાર સ્પર્ધકોના નામની ચર્ચા પણ શરૂ થઈ ગઈ છે. સ્પર્ધકોથી લઈને બિગ બોસ 17ની થીમ સુધી શો સાથે જોડાયેલા દરરોજ નવા અહેવાલો સોશિયલ મીડિયા પર વાયરલ થઈ રહ્યા છે. 

'તારક મહેતા..' શો ના આ કલાકારો બિગ બોસમાં જોવા મળશે!
આ બધાની વચ્ચે એક નવા સમાચાર સામે આવ્યા છે કે તારક મહેતા કા ઉલ્ટા ચશ્માની જૂની 'તારક' એટલે કે શૈલેષ લોઢાએ શો માટે લગભગ કન્ફર્મ કરી દીધું છે. આ સાથે જ બીજા એક રિપોર્ટ્સ અનુસાર એમની સાથે સાથે 'બાવરી' એટલે કે મોનિકા ભદોરિયા પણ સલમાન ખાનના શોનો ભાગ બની શકે છે. નોંધનીય છે કે તારક મહેતા કા ઉલ્ટા ચશ્મામાં મોનિકા બાવરીનો રોલ કરતી હતી. પરંતુ હવે તે આ શોનો ભાગ નથી. 

મોનિકા ભદોરિયાએ બિગ બોસને લઈને કહી આ વાત 
મોનિકા ભદોરિયાના નામને લઈને ચર્ચા ચાલી રહી છે કે તે બિગ બોસ 17નો ભાગ બની શકે છે.  એવામાં હવે તેને પોતે અઅ અંગે મૌન તોડ્યું છે. એક ઈન્ટરવ્યુમાં તેણે કહ્યું હતું કે જો તેને ઓફર મળે તો તે બિગ બોસ 17 માટે તૈયાર છે. મોનિકાએ કહ્યું કે 'મને ઓફર મળશે તો હું બિગ બોસમાં જવા માટે તૈયાર છું'  જો કે હજુ સુધી તેને બિગ બોસ તરફથી કોઈ ઓફર મળી નથી. તારક મહેતાનું પાત્ર ભજવનાર શૈલેષ લોઢાનું નામ પણ ચર્ચામાં છે.  જોકે હજુ સુધી સ્પર્ધકોના નામ પર મહોર લગાવવામાં આવી નથી.

સલમાન ખાનના શોનો કોન્સેપ્ટ કેવો હશે? જાણો 
બિગ બોસ 16 ની અપાર સફળતા પછી, નિર્માતાઓ નવી સીઝન સાથે પાછા ફર્યા છે અને આ વખતે સલમાન ખાનના શોનો કોન્સેપ્ટ કપલ્સ વિરુદ્ધ સિંગલ હશે. તાજેતરની ચર્ચા એ છે કે તારક મહેતા કા ઉલ્ટા ચશ્મા ફેમ શૈલેષ લોઢા આ શોમાં સહભાગી બનવાની લગભગ પુષ્ટિ થઈ ગઈ છે અને ચાહકો તેને શોમાં જોવા માટે ખૂબ જ ઉત્સાહિત છે. તેના ઇન્સ્ટાગ્રામ પેજ પર આ સમાચાર શેર કરતા, બિગ બોસ ખબરીએ દાવો કર્યો કે ટીવી અભિનેતા માટે બિગ બોસ 17નો ભાગ બનવું લગભગ નિશ્ચિત છે.