- જાહ્નવી જુનિયર એનટીઆર સાથે તેલુગુ ફિલ્મ કરવા જઈ રહી છે
- આ ફિલ્મનું ટાઈટલ હજુ નક્કી થયું નથી
- જાહ્નવી કપૂર છેલ્લે ફિલ્મ 'મિલી'માં જોવા મળી હતી
બોલિવૂડ એક્ટ્રેસ જાહ્નવી કપૂર હવે સાઉથની ફિલ્મોમાં જોવા મળશે. બોલીવૂડમાં પોતાની શાનદાર એક્ટિંગથી ચાહકોના દિલ જીતનાર જાહ્નવી કપૂર સાઉથ ઈન્ડસ્ટ્રીમાં પોતાની પકડ જમાવવા માટે તૈયાર છે. શ્રીદેવી અને બોની કપૂરની પુત્રી જાહ્નવી કપૂર ઘણી હિટ ફિલ્મોમાં જોવા મળી છે, છેલ્લે તે ફિલ્મ 'મિલી'માં જોવા મળી હતી. હવે ચાહકો એક્ટ્રેસ જાહ્નવીના સાઉથ ડેબ્યૂને લઈને સોશિયલ મીડિયા પર પોતાની પ્રતિક્રિયા આપી રહ્યા છે. જાહ્નવી કપૂર સાઉથના સુપરસ્ટાર જુનિયર એનટીઆર સાથે તેલુગુ ફિલ્મ કરવા જઈ રહી છે, આ ફિલ્મનું ટાઈટલ હજુ નક્કી થયું નથી. કોરાતલા શિવા ફિલ્મનું નિર્દેશન કરશે. 'જનતા ગેરેજ' પછી જુનિયર એનટીઆર અને કોરાતલા શિવા ફરી એકવાર ફિલ્મ 'એનટીઆર 30'માં સાથે કામ કરી રહ્યા છે.
જાહ્નવી કપૂરને સાઈન કરી!
ફિલ્મના યુનિટના એક સૂત્રએ પુષ્ટિ કરી છે કે મેકર્સે તાજેતરમાં જ જાહ્નવી કપૂરને સાઈન કરી છે. તે ટૂંક સમયમાં જુનિયર એનટીઆર સાથે ફોટોશૂટ માટે ટીમમાં જોડાશે. સૂત્રોએ કહ્યું કે, એક્ટ્રેસ જાહ્નવી કપૂરને સાઈન કરવામાં આવી છે. નિર્માતાઓ પાસે થોડા વિકલ્પો હતા, પરંતુ આખરે બોલીવૂડ એક્ટ્રેસ જાહ્નવી કપૂરે સાઈન કરવામાં આવી છે. થોડા અઠવાડિયામાં ટીમ ફિલ્મના મુખ્ય કલાકારો સાથે ફોટોશૂટ કરવાની યોજના બનાવી રહ્યું છે. આ પ્રોજેક્ટ આવતા મહિને શરુ થશે. જ્યારે ફિલ્મની સત્તાવાર જાહેરાત કરવામાં આવી ત્યારે ચાહકો સતત તેના અપડેટની માંગ કરી રહ્યા હતા.
જુનિયર એનટીઆરએ ચાહકોને આ અપીલ કરી હતી
હાલમાં જ જુનિયર એનટીઆરએ ચાહકોને અપીલ કરી હતી કે તે દરેક સમયે અપડેટ્સ ન માંગે કારણ કે તેનાથી લોકો પર દબાણ પડે છે. તેમના ભાઈ કલ્યાણ રામની ફિલ્મ 'એમિગોસ'ના પ્રી-રિલીઝ ઈવેન્ટમાં બોલતા NTRએ તેમના ચાહકોને આ અપીલ કરી હતી. તેણે કહ્યું હતું કે, કેટલીકવાર જ્યારે અમે કોઈ ફિલ્મ પર કામ કરતા હોઈએ છીએ ત્યારે કહેવા માટે વધુ માહિતી હોતી નથી. અમે દરરોજ અથવા કલાકદીઠ અપડેટ્સ આપી શકતા નથી. જેટલુ હું તમારી એક્સાઈટમેન્ટને સમજું છું, તેનાથી ક્યારેક નિર્માતાઓ અને અમારા પર દબાણ પડે છે.
એક્ટ્રેસ જાહ્નવી કપૂરે ફિલ્મ ધડકથી બોલીવૂડમાં એન્ટ્રી કરી હતી. એક્ટ્રેસના ચાહકો તેની એક્ટિંગને ખૂબ જ પસંદ કરે છે. જાહ્નવી કપૂર પોતાની ફિટનેસને લઈને પણ સતત ચર્ચામાં રહે છે. એક્ટ્રેસ ફિટ રહેવા માટે જિમ અને યોગા કરે છે.
