વિવાદ / શરમજનક: દહેજના કારણે કદરૂપી છોકરીઓના થઈ જાય છે લગ્ન, Bscના સિલેબસમાં ગણાવ્યા દહેજના 4 ફાયદા

• નર્સિંગના સિલેબસને લઈને વિવાદ ઉભો થયો
• દહેજ પ્રથાના ફાયદા ગણાવ્યા
• સિલેબસને તાત્કાલિક ધોરણે હટાવાની માગ

સ્કૂલ કોલેજમાં ભણાવામાં આવતા પાઠ્યપુસ્તકોની સામગ્રીને લઈને નવો વિવાદ સામે આવ્યો છે. જે બીએસસી નર્સિંગના એક પાઠ્યપુસ્તકને લઈને વિવાદ થયો છે. આ બુકમાં દહેજ પ્રથાના ફાયદા ગણાવામાં આવ્યા છે. આ બુકનું નામ 'ટેક્સ્ટબુક ઓફ સોશિયલોજી ફોર નર્સિસ' જેને લખ્યું છે ટીકે ઈંદ્રાણીએ, જે ખુદ એક મહિલા છે. શિવસેનાના રાજ્યસભા સાંસદ પ્રિયંકા ચતુર્વેદીએ તેના વિરુદ્ધ શિક્ષણમંત્રી ધર્મેન્દ્ર પ્રધાનને ફરિયાદ પણ કરી છે. તેમણે આ ટેક્સ્ટને મહિલાઓનું અપમાન અને સમાજ માટે શરમજનક ગણાવતા તેને સિલેબસમાંથી હટાવાની માગ કરી છે. તો વળી ભારતીય નર્સિંગ કાઉંસિલ તરફથી આ મામલે સ્પષ્ટીકરણ પણ આપવામાં આવ્યું છે. 

પાઠ્યપુસ્તકમાં ગણાવ્યા ફાયદા

 

1. દહેજ નવી ગૃહસ્થી વસાવવામાં મદદરૂપ થાય છે. બેડ, ગાદલા, ટીવી, પંખા, ફ્રીઝ, વાણસ, કપડા અને ત્યાં સુધી કે, ગાડી આપવાની પ્રથા ભારતના કેટલાય ભાગોમાં દહેજ તરીકે જોવા મળે છે. 
2. દહેજ તરીકે છોકરીને પોતાના માતા-પિતાની સંપત્તિનો એક ભાગ મળે છે 
3. દહેજના કારણે છોકરીઓમાં શિક્ષણનો પ્રસાર થાય છે કારણ કે, દહેજના બોઝથી બચવા માટે કેટલાય વાલીઓ પોતાની દિકરીઓને ભણાવાનું શરૂ કર્યું છે, જેથી છોકરીઓ ભણે ગણે અને નોકરી કરશે, ત્યારે દહેજની માગ ઓછી થશે. એટલા માટે તેનો એક અપ્રત્યક્ષ રીતે ફાયદો છે. 
4. કદરૂપી દેખાતી છોકરીના લગ્ન આકર્ષક દહેજની સાથે એક સારા અથવા કદરૂપા છોકરા સાથે થઈ શકે છે. 

દેશ અને સંવિધાન માટે શરમજનક

બીએસસી નર્સિંગના સેકંડ ઈયરમાં ચાલી રહેલી આ બુકમાં આપવામાં આવેલા કંટેટ વિરુદ્ધ ફરિયાદ કરતા શિવસેના સાંસદ પ્રિયંકા ચતુર્વેદીએ શિક્ષણમંત્રી ધર્મેન્દ્ર પ્રધાનને પત્ર લખ્યો છે. તેમણે કહ્યું કે, આ મહિલાઓ વિરુદ્ધ અપમાનજનક ટિપ્પણીઓ છે. અહીં હેરાન કરનારી વાત એ છે કે, આ પ્રકારના વાહિયાત ટેક્સ્ટને ભણાવામાં આવી રહ્યા છે. દહેજના ફાયદા બતાવતી પુસ્તક આપણા સિલેબસમાં છે, તે દેશ અને તેના સંવિધાન માટે શરમજનક બાબત છે. 

તેમણે આગળ લખ્યું છે કે, આ દુર્ભાગ્યપૂર્ણ છે કે, જ્યાં દહેજ એક અપરાધ છે, ત્યાં આ પ્રકારની જૂની વિચારધારા પ્રસારિત કરવામા આવી રહી છે. સ્ટૂડેંટ્સને આવી રીતે વિરોધાભાસી વસ્તુઓ ભણાવામાં આવી રહી છે, તે અત્યંત ચિંતાજનક છે. અત્યાર સુધીમાં તેના પર કોઈ કાર્યવાહી થઈ નથી. આ પ્રકારની પુસ્તકો તાત્કાલિક ધોરણે બંધ થવી જોઈએ. તેને સિલેબસમાંથી બહાર કાઢી નાખવી જોઈએ. સાથે તેના વિરુધ્ કડક કાર્યવાહી કરવી જોઈએ, જેથી ભવિષ્યમાં આ પ્રકારના મહિલા વિરોધી કંટેટને ભણાવામાં ન આવે. તેને પ્રોત્સાહન ન આપવું જોઈએ.

Indian Nursing Council has issued a notification on the viral image of a page from the Textbook of Sociology for Nurses by TK Indrani (Pic-2), listing the "merits and advantages" of the dowry system. pic.twitter.com/cS7YmG5sW9

— ANI (@ANI) April 5, 2022

નર્સિંગ કાઉંસિલની સ્પષ્ટતા

આ મામલા પર ઈંડિયન નર્સિંગ કાઉંસિલે પણ સ્પષ્ટતા કરી છે અને એક નોટિફિકેશન જાહેર કર્યું છે. તેમાં લખ્યું છે કે, આઈએનસી આ પ્રકારના કોઈ પણ જાતના અપમાનજનક કંટેટની બિલ્કુલ વિરુધ્ધમાં છે. જે દેશના કાયદા વિરુદ્ધ છે. આ સ્પષ્ટ કરવામા આવે છે કે, નર્સિંગ કાઉંસિલ ફક્ત તે સિલેબસ જ નક્કી કરે છે, જે આઈએનસીની વેબસાઈટ પર છે.