બોલિવૂડ / 15 મહિનાના પુત્રને બેડરુમની ફર્શ પર પટકી પટકીને ઘાયલ કર્યો, ટીવી એક્ટ્રેસ પતિ સામે દાખલ કરી પોલીસ ફરિયાદ

• એક્ટ્રેસ ચંદ્રિકા સાહાએ તેના પતિ વિરૂદ્ધ ફરિયાદ નોંધાવી
• 15 મહિનાના પુત્રને બેડરૂમના ફર્શ પર પટકી પટકી ઈજા પહોંચાડી
•  માસૂમ બાળકને ખાનગી હોસ્પિટલમાં દાખલ કર્યો

 6 મેના રોજ ટીવી એક્ટ્રેસ ચંદ્રિકા સાહાએ તેના 21 વર્ષીય પતિ અમન મિશ્રા વિરુદ્ધ પોલીસ ફરિયાદ નોંધાવી. અભિનેત્રીએ તેના પતિ પર આરોપ લગાવ્યો છે કે, તેણે તેના 15 મહિનાના પુત્રને તેમના બેડરૂમના ફર્શ પર પટકી ઇજા પહોંચાડી છે. બાંગુર નગર પોલીસ સ્ટેશનમાં ફરિયાદ નોંધાવ્યા બાદ અભિનેત્રીએ તેના માસૂમ બાળકને ખાનગી હોસ્પિટલમાં દાખલ કર્યો  હતો. 

બાળકને હોસ્પિટલમાં દાખલ કર્યો
ચંદ્રિકા દ્વારા દાખલ કરવામાં આવેલી એફઆઈઆર મુજબ અભિનેત્રીની મુલાકાતા 2020માં એક શેયર ટ્રેડર અમનથી થઈ હતી અને ગયા વર્ષની શરૂઆતમાં તેમને એક બાળક થયો હતો. તેની ફરિયાદમાં ચંદ્રિકાએ પોલીસને જણાવ્યું કે, અમન આ બાળકના જન્મથી ખુશ ન હતો અને શુક્રવારે તેણે બાળકીને બેડરૂમમાં ઈજાએના નિશાન સાથે રડતી જોઈ હતી. બાળકને હોસ્પિટલમાં દાખલ કર્યા પછી ચંદ્રિકાએ સીસીટીવી ફૂટેજ જોયા હતા અને તે જોઈ તે પણ ચોંકી ઉઠી હતી કે, અમને બાળકનું માથું ફ્લોર સાથે ત્રણ વાર અથડાવ્યું હતું.

સમગ્ર મામલે તપાસ ચાલી રહી છે
બાંગુર નગર પોલીસ સ્ટેશનના સીનિયર પોલીસ ઈસ્પેક્ટર પ્રમોદ તાવડેએ જણાવ્યું હતું કે, ટીવી અભિનેત્રી ચંદ્રિકા સાહા દ્વારા નોંધાવવામાં આવેલી ફરિયાદના આધારે અમે અમન મિશ્રા વિરુદ્ધ જુવેનાઈલ જસ્ટિસ (બાળકોની સંભાળ અને સંરક્ષણ) અધિનિયમાં 2015ની કલમ 75 હેઠળ કેસ નોંધ્યો છે અને તેની ધરપકડ કરી નથી તેમજ જે સમગ્ર મામલે તપાસ ચાલી રહી છે.
TOIના રિપોર્ટ મુજબ જ્યારે ચંદ્રિકાનો સંપર્ક કરવાનો પ્રયાસ કરવામાં આવ્યો ત્યારે તેણે આ મામલે કંઈપણ બોલવાનો ઈન્કાર કરી દીધો હતો. સાવધાન ઈન્ડિયા, અદાલત, સપને સુહાને તેમજ લડકેપન અને ક્રાઈમ એલર્ટ, સીઆઈડી જેવા શોમાં કામ કરી ચુકેલી અભિનેત્રીએ પાછળથી મેસેજ કર્યો અને કહ્યું હતું કે, હું તેના વિશે વાત કરવા માંગતી નથી, વિનંતી કરીને હું દરેકને વિનંતી કરીશ કે મને એકલી છોડી દો.