VTV IMPACT / VIDEO :TRB જવાન માટે રેડ એલર્ટ.! અમદાવાદમાં તોડ કરતા TRB જવાન ફરજ મુક્ત, 200 રૂપિયા ખંખેર્યા હતા

• અમદાવાદમાં તોડ કરતા TRB જવાન સામે કાર્યવાહી
• VTV NEWSના અહેવાલ બાદ 2 TRB જવાનને કરાયા ફરજ મુક્ત
• માનદ સેવા દરમિયાન શિસ્ત વિરુદ્ધનું કૃત્ય કરવા મામલે કાર્યવાહી

રાજ્યમાં ફરી એકવાર TRB જવાનનો તોડ કરતો વિડીયો સામે આવ્યો હતો. અમદાવાદમાં TRB જવાન વાહનચાલકો પાસેથી પૈસાનો તોડ કરતો હોય તેવો વીડિયો વાયરલ થયો છે. જે વિડીયોમાં TRB જવાન વાહન ચાલક પાસેથી 2000થી 2500નો દંડ આપવાનું કહી 200 રૂપિયાનો તોડ કરતો હોવાનું દેખાઈ રહ્યું હતુ. જો કે, તોડ કરતા TRB જવાન સામે કાર્યવાહી કરાઈ છે. VTVના અહેવાલ બાદ 2 TRB જવાનને ફરજ મુક્ત કરાયા છે.  

શિસ્ત વિરુદ્ધનું કૃત્ય કરવા મામલે કાર્યવાહી
માનદ સેવા દરમિયાન શિસ્ત વિરુદ્ધનું કૃત્ય કરવા મામલે બંન્ને તોડ બાજ TRB જવાન વિરૂદ્ધ કાર્યવાહી કરવામાં આવી છે. ભદ્ર કોર્ટથી વિક્ટોરિયા ગાર્ડન નજીક TRB જવાનોએ તોડ કર્યો હતો. વાહન ચાલકને 2 હજારનો દંડ આપવાનું કહીને 200 રૂપિયા ખંખેર્યા હોવાનું સામે આવ્યું હતું. વાયરલ વીડિયોના આધારે TRB જવાનને ફરજ મુક્ત કરાયા છે. 

તોડ કરતા TRB જવાન કેમેરામાં કેદ થયા હતા
વાયરલ થયેલા વીડિયોમાં જોઇ શકાય છે કે, શરૂઆતમાં વાહનચાલક કહી રહ્યો છે કે, પેલું જોઇ લ્યો ને એક પણ મેમો પેન્ડિંગ છે ખરી ? આ તરફ TRB જવાન જવાબ આપે છે કે, ના નથી. આ પછી વાહનચાલક કહે છે કે, અત્યારે 200નો મેમો આપશો તમે ? એટલે TRB જવાન કહે છે 200નો મેમો ના આવે. એટલે વાહન ચાલક કહે છે કે, તો એમને એમ 200 રૂપિયા આપું ? એટલે TRB જવાન કહે છે કે, તમારે ઇન્સ્યુરન્સ નથી તેનો 2000નો મેમો હોય. આ દરમિયાન વાહનચાલક કહે છે કે, તમે 200 કીધું એટલે મને એમ કે, મેમો આપતા હતા. જે બાદમાં TRB જવાન વાહન ચાલક પાસેથી 200 રૂપિયા લેતા વીડિયોમાં જોઇ શકાય છે.

સમગ્ર મામલો
અમદાવાદમાં TRB જવાનનો તોડ કરતો વીડિયો વાયરલ થતાં ચકચાર મચી ગઈ હતી. ભદ્ર કોર્ટથી વિક્ટોરિયા ગાર્ડન નજીક એક વાહન ચાલકને TRB જવાને રોક્યો હતો. જે બાદમાં TRB જવાને કથિત રીતે 2000થી 2500નો દંડ આપવાનું કહી 200 રૂપિયાનો તોડ કર્યો હોવાનો વીડિયો વાયરલ થઈ રહ્યો છે. જોકે વાહનચાલકે આ સમગ્ર ઘટના રેકોર્ડ કરી લેતા આ વીડિયો સોશિયલ મીડિયા પર વાયરલ થઈ રહ્યો છે. જો કે, ત્યારબાદ બંન્ને તોડબાજ TRB જવાનને ફરજ મુક્ત કરાયા છે.