તમારા કામનું / શિયાળામાં ચાની ચૂસકી વધારે મારતા હોય તો ચેતી જજો! નહીંતર પેટ ભરીને પસ્તાશો, જાણો કેટલી વખત ચા પીવી ફાયદાકારક

• ઝેર સમાન બની જાય છે વધુ ઉકાળેલી ચા
• શિયાળામાં આદુવાળી ચા થી રહો દુર
•  આદુ, લવિંગ અને એલચી વાળી ચા વધુ  ઉકાળવાથી બહાર આવે છે ટેનીન 

ચા એવું પીણું છે જેનો ચાહક વર્ગ અલગ જ છે. તેમાં પણ ચા એટલે ગુજરાતીઓની પહેલી પસંદ. એવા ઘણા લોકો છે જેમની સવાર ચા વગર થતી નથી. એમાં પણ એવુ કહેવામાં આવે કે શિયાળાની ઋતુમાં એક કપ ગરમ ચા ઠંડી ઉડાવી દે છે. પણ ચાનું સેવન પણ બરાબર માત્રામાં કરવું જોઈએ. જો શિયાળામાં તમે હદ કરતા વધારે ચા પીવો છો તે તમારા શરીરને નુકસાન કરે છે. હેલ્થ એક્સપર્ટ શિયાળામાં વધુ ચા પીવાની ના પાડે છે. તેમનું કહેવુ છે કે ઠંડીની ઋતુમાં ચાની સાઈડ ઈફેક્ટ વધી જાય છે. જે શરીરને નુકસાન પહોંચાડે છે. ત્યારે આવો જાણીએ કેમ ચા ઓછી પીવી જોઈએ.

આદુવાળી ચા પીવાનું ટાળો
શિયાળામાં આદુની ચા પીવાથી આપણને શાંતિ મળે છે. આદુવાળી ચા પીવાથી શરદી-ઉધરસમાં રાહત મળે છે. પણ વધુ માત્રામાં પીવાથી  વારંવાર પેશાબ આવવાની સમસ્યા વધી જાય છે. જેથી નિષ્ણાંતો પણ આદુવાળી ચા ન પીવાની સલાહ આપે છે. એકસ્પર્ટનું કહેવુ છે કે ચામાં આદુ, લવિંગ અને એલચી ઉમેરીને વધુ ઉકાળવાથી તેમાં રહેલા ટેનીન બહાર આવી જાય છે. જે શરીરમાં એસિડિટી બનાવે છે. જેથી ચાને વધુ માત્રામાં ઉકાળવી નહીં.

વધુ વાંચો:આ લાલ શાકના જ્યુસથી વધશે ચહેરાની ચમક, પેટ રહેશે સાફ અને પથરીનો ખતરો થશે ઓછો

ચામાં ટેનીન શું હોય છે
ટેનીન એક પ્રકારનું એન્ટીઓક્સીડેન્ટ છે. જે ચાના પાંદડામાં જોવા મળે છે. જ્યારે આપણા શરીરમાં ટેનિન વધી જાય છે ત્યારે પેટમાં ગેસ બને છે.  જો ચા પીધા પછી લાંબા વધારે સમય સુધી ગેસ થતો હોય તો પેટમાં સોજો પણ આવી શકે છે. જે આપણા આતરડાને નુકસાન પહોંચાડે છે. જે લોકોને પેટ સંબંધિત સમસ્યા છે તેમને ચાથી દુર રહેવુ જોઈએ.

એક દિવસમાં કેટલી ચા પીવી જોઈએ?
નિષ્ણાંતોના મતે ચા દિવસમાં બેથી ત્રણ વખત જ પીવી જોઈએ. જો ચા 3 વખત કરતા વધારે પીવામાં આવે તો તે શરીરને નુકસાન પહોંચાડે છે. શિયાળાની ઋતુમાં ચા માટે સારી માનવામા આવે છે. પણ દિવસમાં 3થી4 વખત જ પીવી જોઈએ. નહીં તો તે નુકસાન પહોંચાડે છે.