દુર્ઘટના / અમદાવાદ-વડોદરા એક્સપ્રેસ વે પર અકસ્માત: રોંગ સાઇડથી આવતી કારની ST સાથે ટક્કર, 2ના મોત, 10 ઘાયલ

Malay

Last Updated: 12:41 PM, 11 July 2023

FOLLOW ON

શેર કરો

Accident News: અમદાવાદ-વડોદરા એક્સપ્રેસ વે પર નડિયાદ પાસે કાર અને એસ.ટી બસ વચ્ચે ભયાનક અકસ્માત થયો છે. જેમાં 2 વ્યક્તિના ઘટના સ્થળે જ મૃત્યુ નિપજ્યાં છે.

અમદાવાદ-વડોદરા એક્સપ્રેસ વે પર અકસ્માત
કાર અને એસ.ટી બસ વચ્ચે ગમખ્વાર અકસ્માત
2ના ઘટનાસ્થળે મૃત્યુ, 10 વ્યક્તિ ઇજાગ્રસ્ત

અમદાવાદ-વડોદરા એક્સપ્રેસ વે પર ગમખ્વાર અકસ્માત સર્જાયો છે. આ અકસ્માતમાં 2 લોકોના ઘટના સ્થળે જ મૃત્યુ નીપજ્યાં છે. જ્યારે 10 લોકો ઈજાગ્રસ્ત થયા છે. ઈજાગ્રસ્તોને સારવાર અર્થે હોસ્પિટલમાં ખસેડવામાં આવ્યા છે.

10 લોકો ઈજાગ્રસ્ત, 2ની હાલત ગંભીર
મળતી માહિતી અનુસાર, અમદાવાદ-વડોદરા એક્સપ્રેસ વે પર નડિયાદ પાસે કાર અને એસ.ટી બસ વચ્ચે અકસ્માત સર્જાતા 2 લોકોના ઘટના સ્થળે મૃત્યુ નિપજ્યાં છે. જ્યારે બસમાં સવાર 10 જેટલા લોકો ઈજાગ્રસ્ત થયા છે. જેમાંથી 2 લોકોની હાલત ગંભીર હોવાનું જણાવવામાં આવી રહ્યું છે. બસના ડ્રાઈવર અને કંડકટરને પણ માથાના ભાગે ઈજા થઈ છે. રાહદારીઓના જણાવ્યા અનુસાર, કાર અચાનક રોંગ સાઈડ પર આવી જતાં અકસ્માત સર્જાયો હતો.

જાણ થતાં જ દોડી આવી હતી પોલીસની ટીમ
આ અકસ્માતને પગલે રાહદારીઓના ટોળે ટોળા એકઠા થઈ ગયા હતા. આ અંગેની જાણ પોલીસને કરાતા પોલીસની ટીમ પણ ઘટનાસ્થળે દોડી આવી હતી. પોલીસ દ્વારા હાઈવે પર ટ્રાફિક ક્લિયર કરાવવામાં આવ્યો હતો અને ઈજાગ્રસ્તોને તાત્કાલિક સારવાર અર્થે હોસ્પિટલમાં ખસેડવાની તજવીજ હાથ ધરવામાં આવી હતી. હાલ પોલીસ દ્વારા મૃતકોના મૃતદેહને પોસ્ટમોર્ટમ માટે હોસ્પિટલમાં ખસેડવામાં આવ્યા છે. તો આ મામલે ગુનો નોંધીને પોલીસે વધુ તપાસ હાથ ધરી છે.

સંકળાયેલા મુદ્દાઓ

Ahmedabad news Ahmedabad-Vadodara Expressway accident કાર અને ST બસ ગમખ્વાર અકસ્માત નડિયાદ પાસે અકસ્માત ભયાનક અકસ્માત હાઈવે પર અકસ્માત Accident News