આસ્થા / શુક્રવારના રોજ આ વ્રત કરવાથી પૂર્ણ થશે તમામ મનોકામના, જાણો પૂજા વિધિને લઇ શુભ-અશુભ મૂહુર્ત

Arohi

Last Updated: 11:13 AM, 13 October 2023

FOLLOW ON

શેર કરો

Aaj Nu Panchang 2023: આજે આશો મહિનાના કૃષ્ણ પક્ષની ચૌદસ તિથિ, ઉત્તરાફાલ્ગુની નક્ષત્ર અને દિવસ શુક્રવારનો છે. હિંદૂ ધર્મ અનુસાર, શુક્રવારના દિવસે માતા લક્ષ્મીની પૂજા કરવામાં આવે છે.

શુક્રવારના વ્રતથી મનોકામના થશે પૂરી
શુક્રવારના દિવસે કરો આ રીતે પૂજા
જાણો પૂજા વિધિને લઇ શુભ-અશુભ મૂહુર્ત

આજે આશો મહિનાના કૃષ્ણ પક્ષની ચૌદશ છે. કરણ વિષ્ટિ, નક્ષત્ર ઉત્તરાફાલુની અને દિવસ શુક્રવારનો છે. આજનો દિવસ ધનની દેવી માતા લક્ષ્મીને સમર્પિત છે. લક્ષ્મીજીની પૂજા કરવાથી ઘરની દરિદ્રતા, પૈસાની તંગી દૂર થઈ શકે છે. સાથે જ પિતૃ પક્ષ પણ ચાલી રહ્યો છે અને આજના દિવસે ચૌદસ શ્રાદ્ધ પણ છે.

પંચાગ અનુસાર ચૌદસ તિથિને જ ચતુર્દશી શ્રાદ્ધ કરવામાં આવે છે. તેમાં અકાળ મૃત્યુ જેવી દુર્ઘટના, આત્મહત્યા અથવા તો કોઈ ચૌદસે મૃત્યુ પામ્યું હોય તેમનો શ્રાદ્ધ કરવામાં આવે છે. સ્વાભાવિક રીતે જેમનું મોત થયું છે તેમનું શ્રાદ્ધ ભૂલથી પણ આજે ન કરવું જોઈએ.

શુક્રવારના વ્રત માટેના નિયમ
તમે શુક્રવારે વ્રત કરો છો તો સવારે બ્રહ્મ મુહૂર્તમાં ઉઠીને સ્નાન કરો. સાફ કપડા પહેરો. માચા લક્ષ્મીની મૂર્તિ સામે વ્રતનો સંકલ્પ લો. મંદિરમાં લક્ષ્મીજીની મૂર્તિના સામે ધૂપ, દિવો, અગરબત્તી કરો. કમળનું ફૂલ, કોડી, ફળ, લાલ વસ્ત વગેરે ચડાવો. સાકર, ખીરનો ભોગ લગાવો.

આરતી કરો અને માતા લક્ષ્મીના મંત્રનો જાપ અને શ્રીસૂક્તનો પાઠ કરો. દર શુક્રવારે લક્ષ્મીજીની પૂજા-આરાધના અને વ્રત કરવાથી મહત્વપૂર્ણ કાર્ય જલ્દી પૂરા થઈ જાય છે. ઘર-પરિવારમાં સુખ-શાંતિ, સમૃદ્ધિ બની રહે છે. દાંપત્યજીવન સુખમાં રહે છે. જીવનના કષ્ટ અને આર્થિક તંગી દૂર થઈ શકે છે.