રેસ્ક્યૂ / વડોદરામાં યુવક-યુવતીએ આજવા નિમેટા કેનાલમાં ઝંપલાવ્યું, યુવતી બચી ગઈ, જાણો શું બન્યું

• કેનાલમાં ઝંપલાવી યુવકે કર્યો આપઘાત
• કેનાલમાં ડૂબી જવાથી યુવકનું મોત, યુવતીનો બચાવ
• સ્થાનિકોએ સમયસર કેનાલમાંથી યુવતીનું કર્યું રેસ્ક્યૂ

Vadodara news : રાજ્યમાંથી વધુ એક આપઘાતની ઘટના સામે આવી છે,  વડોદરાની આજવા નિમેટા કેનાલમાં ઝંપલાવી યુવકે આપઘાત કર્યો છે. યુવક અને યુવતી બંન્ને  આજવા નિમેટા કેનાલમાં ઝંપલાવ્યું હતું. જેમાં યુવતીને બચાવી લેવાઈ છે જ્યારે યુવકનું ડૂબવાથી મૃત્યું થયું છે. 

યુવકનું મોત, યુવતીનો બચાવ
સ્થાનિકોએ સમયસર કેનાલમાંથી યુવતીનું રેસ્ક્યૂ કર્યું હતું. ત્યારબાદ યુવતીને સાવરવાર માટે ખસેડવામાં આવી હતી. જ્યારે યુવકને કેનાલમાંથી બહાર નીકાળળ્યો ત્યારે તેનો મૃત્યું થઈ ગયો હતો. યુવકના મૃતદેહને પીએમ હોસ્પિટલ ખસેડાયો છે. પાપ્ત વિગતો મુજબ આજવા રોડ વિસ્તારમાં યુવતી રહેતી હોવાનું સામે આવ્યું છે. પાપ્ત વિગતો મુજબ આજવા રોડ ઉપર સરદાર એસ્ટેટ પાછળ આવેલી શુભ-લક્ષ્મી સોસાયટીમાં રહેતા  આશુ રાજેશભાઇ હરીજન અને તેના જ વિસ્તારમાં જ રહેતી રાખી (નામ બદલ્યું છે) જેઓ કોઈ કારણોસર કેનાલમાં ઝંપલાવ્યું હતું. કેનાલમાં પડતું મૂકી આપઘાતનો પ્રયાસ કર્યો હતો. જેમાં યુવકનું મૃત્યુ થયું હતુ. 

કારણ અકબંધ
સમગ્ર ઘટનાને પગલે પરિવાર પર આફતના વાદળો ઘેરાયા છે. આપઘાત કરવાનું કારણ હજુ સુધી જાણવા મળ્યું નથી, પરંતુ લોક મુખે ચર્ચા એવી છે કે, પ્રેમ સંબંધમાં આ પગલુ ભર્યું હોઈ શકે. જે સમગ્ર બાબતને લઈ પોલીસ તપાસ હાથ ધરી છે