કાર્યવાહી / પહેલા ફ્રેન્ડ બનાવી, પછી કહ્યું બિઝનેસ માટે પૈસાની હેલ્પ કરીશ..? અમદાવાદમાં 19 વર્ષની યુવતી સાથે છેતરપિંડીનો ચોંકવાનારો કેસ

• યુવાનો માટે લાલબત્તી સમાન કિસ્સો 
• મિત્રતા કેળવી કરી 4.76 લાખની ઠગાઈ 
• CTM વિસ્તારમાં યુવતી સાથે છેતરપિંડી

આજકાલ શહેરમાં યુવકો યુવતી સાથે મિત્રતા કેળવીને રૂપિયા પડાવીને છેતરપિંડી આચરતા હોવાના ભૂતકાળમાં અનેક કિસ્સાઓ સામે આવી ચૂક્યા છે. ત્યારે અમદાવાદમાં એક ઘટનાં બની છે જેમાંથી દરેક યુવાને શીખ લેવા જેવી છે. શહેરમાં CTM વિસ્તારમાં યુવતી સાથે મિત્રતા કેળવીને 4.76 લાખની ઠગાઈ કરી હતી. જે મામલો પોલીસ મથકે પહોંચતા ખોખરા પોલીસે આરોપીની ધરપકડ કરી કાર્યવાહી આગળ ધપાવી છે.

પૈસા આપવાનો ઈન્કાર કરતા મામલો પોલીસ મથકે પહોંચ્યો
આકાશ વાણદે યુવતી સાથે મિત્રતા કેળવીને પોતે ધંધો કરવા માંગે છે. પરંતુ રૂપિયા નથી તેવું કહીને યુવતી પાસેથી સોનાની ચેઇન સહિત અને રોકડ સહિત રૂ. 4.76 લાખ રૂપિયા લીધા હતા.થોડા સમય બાદ યુવતીએ રૂપિયા અને દાગીના પરત માંગતા યુવક પૈસા આપવાનો ઈન્કાર કરતા સમગ્ર કિસ્સો પોલીસ મથકે પહોંચ્યો હતો.

4.76 લાખ પડાવી લીધા

ખોખરામાં રહેતા 19 વર્ષીય નંદીનીબેન ભાવસાર પરિવાર સાથે રહી કોલેજમાં અભ્યાસ કરે છે. જૂન 2022માં તે બરોડા એક્સપ્રેસ હાઇવે સામે પાર્કિંગમા ઉભી હતી. ત્યારે આકાશ વાંળદ નામનો યુવક તેની પાસે આવ્યો હતો.અને યુવતી સાથે વાતચીત કરવા લાગ્યો હતો.તે બાદ બંને વચ્ચે મિત્રતા થઇ હતી,બાદ બંને જોડે ફરવા પણ જતા હતા.થોડાક દિવસો બાદ આકાશે ધંધો કરવા માટે નંદીની પાસે રૂપિયા માંગ્યા હતા.અને થોડા સમયમાં પાછા આપી દઈશ તેવું કહ્યુ હતુ.જેથી યુવતીએ ઘરમાંથી સોનાની ચેઇન અને રોકડ સહિત કુલ રૂ. 4.76 લાખ આકાશને આપ્યા હતા. હાલ આ મામલે ખોખરા પોલીસ સ્ટેશનમાં ઠગાઇની ફરિયાદ નોધાવી હતી. ખોખરા પોલીસે આરોપી આકાશની ધરપકડ કરીને કયા ધંધા માટે રૂપિયા લીધા હતા અને ક્યા રોકાણ કર્યા હતા તે અંગે વધુ પૂછપરછ કરવામાં આવી રહી છે..