- પશ્ચિમ બંગાળમાં મોટી દુર્ઘટના સહેજમાં ટળી
- આત્મહત્યાના ઇરાદે આવેલ મુસાફરનો આરપીએફની મહિલાએ જીવ બચાવ્યો
- આરપીએફ ઇન્ડિયાના ટ્વીટર પર વીડિયો પોસ્ટ
પશ્ચિમ બંગાળના મેદીનીપૂરું રેલવે સ્ટેશન પર મોટી દુર્ઘટના સહેજમાં ટળી હતી. જેમાં ટ્રેનના પાટા પર એક વ્યક્તિ આવી અને સુઈ ગયો હતો. આત્મહત્યાના ઇરાદે આવેલો વ્યક્તિ ટ્રેનના ટ્રેક પર સુઈ ગયો હોવાનું રેલવે સ્ટેશન પર હાજર આરપીએફની મહિલા જવાનને ધ્યાને આવતા તે તાત્કાલિક દોડી ગયા હતા. જેમણે ટ્રેક પર આત્મહત્યાના ઇરાદે સુતેલા વ્યક્તિને તાત્કાલિક ઉગારી લેવાના પ્રયત્ન હાથ ધર્યા હતા. આ ઘટનાના સીસીટીવી આરપીએફ ઇન્ડિયાના ટ્વીટર પર પોસ્ટ કરવામાં આવ્યો છે. જે ધૂમ વાયરલ થઈ રહ્યા છે.
લોકો પણ સુમતિની મદદ કરવા દોડી ગયા
વીડિયોમાં દ્રશ્યમાન થાતી વિગતો અનુસાર એક વ્યક્તિ રેલવે પ્લેટફોર્મ પર આવી અને ઉભો તો જ્યાં વિચાર્યા બાદ તે તાત્કાલિક ટ્રેક પર ઉતરી ગયો હતો અને પોતાનું માથું પાટા પર મૂકી દીધું હતું. ત્યારબાદ આ મામલે આરપીએફના કોન્સ્ટેબલ કે સુમતિને ધ્યાને આવતા તે આ માણસને બચાવવા માટે દોડે છે અને તેમની સમયસુચકતાને પગલે તાત્કાલિક પહોંચી અને માણસને સલામત સ્થળે ખસેડે છે. બાદમાં આ દ્રશ્ય ધ્યાને આવતા પ્લેટફોર્મ પર હાજર અન્ય લોકો પણ સુમતિની મદદ કરવા દોડી જાય છે.
આરપીએફ ઇન્ડિયાએ પોતાના ટ્વિટર એકાઉન્ટ પર શેર કરેલ આ વીડિયોમાં કેપ્શનમાં લખ્યું હતું કે મહિલા કોન્સ્ટેબલે રેલવે સ્ટેશન પર સડસડાટ ગતિએ આવતી ટ્રેનની પસાર થવાની થોડી જ ક્ષણો અગાઉ રેલ્વે ટ્રેક પરથી એક વ્યક્તિને સલામત રીતે ઉગારી લીધો હતો અને મુસાફરોની સુરક્ષા માટે તેઓની સમયસૂચકતાને સલામ છે. બીજી તરફ આ વીડિયો નિહાળી અનેક લોકોએ મુસાફરનો જીવ બચાવવા બદલ આરપીએફ કર્મચારીની પ્રશંસા કરી હતી.
