થોડા સમય પહેલા અમદાવાદમાં આવેલ લા પિનોઝ પિઝા રેસ્ટોરન્ટમાં પીઝામાંથી વંદો નીકળવાની ઘટનાં બાદ એએમસી દ્વારા તાત્કાલીક ધોરણે લા પિનોઝ પીઝા સેન્ટરને સીલ કરી દેવામાં આવ્યું હતું. આજે સુરતમાં લા પિનોઝ પિઝા રેસ્ટોરન્ટમાં વંદો નીકળતા ફ્રુડ એન્ડ ડ્રગ્સ વિભાગની કામગીરી પર અનેક સવાલો ઉઠી રહ્યા છે.
Share
સુરતમાં લા પિનોઝ પીઝા રેસ્ટોરન્ટમાં પીઝા ખાતે પહેલા ચેતીજજો
કામરેજના લા પિનોઝ પિઝા શોપમાં લોકોના આરોગ્ય સાથે ચેડાં
પિઝામાંથી વંદો નીકળતા ભોજનની ગુણવત્તા સામે ઉઠ્યા સવાલો
સુરતનાં કામરેજ વિસ્તરામાં આવેલ લા પિનોઝ પિઝા રેસ્ટોરન્ટમાં પિઝા ખાતા પહેલા ચેતી જજો. કામરેજ વિસ્તારમાં આવેલ લા પિનોઝ પિઝા શોપમાં લોકોનાં આરોગ્ય સાથે ચેડા થઈ રહ્યા છે. પિઝામાંથી વંદો નીકળકા ભોજનની ગુણવત્તા સામે અનેક સવાલો ઉઠ્યા છે. રોષે ભરાયેલા ગ્રાહકે રેસ્ટોરન્ટનાં કર્મચારીઓનો ઉધડો લીધો હતો. ત્યારે બ્રાન્ડેડનાં નામે પૈસા વસુલતા રેસ્ટોરન્ટમાં લોકોનાં આરોગ્ય સાથે ચેડા થઈ રહ્યા છે. ગ્રાહકે સોશિયલ મીડિયામાં આ બાબતનો વીડિયો વાયરલ કર્યો હતો.
જોધપુરનાં પિઝા સેન્ટરમાંથી જીવાત નીકળતો વીડિયો સોશિયલ મીડિયા પર વાયરલ થયો હતો
થોડા સમય અગાઉ અમદાવાદમાં જોધપુરનાં પિઝા સેન્ટરમાં પિઝામાંથી જીવાત નીકળતા વીડિયો સોશિયલ મીડિયા પર વાયરલ થયો હતો. ગ્રાહક દ્વારા સ્વિગી પર ઓર્ડર કરેલા પિઝા બોક્સમાંથી વંદો નીકળ્યો હતો. આ અગાઉ પર બોપલ અને એલિસબ્રિજ ખાતે પણ પિઝામાંથી જીવાત નીકળી હતી. તો ગત સપ્તાહે એલિસબ્રિજનાં લાપીનોઝનાં પિઝામાંથી જીવાત નીકળી હતી. પીઝામાંથી જીવાત નીકળતાં ગ્રાહક દ્વારા આ અંગે AMC નાં આરોગ્ય વિભાગને જાણ કરી હતી. આરોગ્ય વિભાગની કામગીરી સામે પણ અનેક સવાલ ઉભા થઈ રહ્યા છે.
બોક્સ ખોલતા નીકળ્યા જીવડા
થોડા સમય અગાઉ શહેરના એલિસબ્રિજ વિસ્તારમાં આવેલી ગુજરાત કોલેજ પાછળ આવેલા લા પિનોઝ પિઝામાં બપોરના સમયે કેટલાક યુવકો પિઝા ખાવા માટે ગયા હતા. જ્યાં તેઓ એર લાર્જ અને એક સ્મોલ પિઝા મંગાવ્યો હતો. પિઝા આવ્યા બાદ જ્યારે તેનું બોક્સ ખોલ્યું ત્યારે તરત એમાંથી જીવડા નીકળવા લાગ્યા હતા. જે બાદ આ યુવકોએ આનો વીડિયો ઉતાર્યો હતો, તો લા પિનોઝ પિઝા સેન્ટરના સંચાલકને જાણ કરી હતી, જેથી તેઓએ પોતાની ભૂલ સ્વીકારીને રિફંડ આપવાની વાત કરી હતી.
યુવકોએ વીડિયો કર્યા વાયરલ
જે બાદ આ યુવકો દ્વારા આ પિઝા સેન્ટરના રસોડામાં જઈને તપાસ કરતા ત્યાંથી પણ અનેક જીવડા જોવા મળ્યા હતા. એટલું જ નહીં લોટમાં પણ જીવડા જોવા મળ્યા હતા. જે બાદ અન્ય લોકોને જાગૃત કરવાના હેતુથી યુવકોએ વીડિયો શેર કર્યો હતો.
પિઝા સેન્ટર કરાયું સીલ
આ અંગેની જાણ થતાં મ્યુનિસિપલ કોર્પોરેશનના ફૂડ વિભાગની ટીમ અને પોલીસની ટીમ દોડતી થઈ હતી. બંને ટીમો તાત્કાલિક આ પિઝા સેન્ટર ખાતે દોડી આવી હતી અને રસોડામાં તપાસ કરીને પિત્ઝા સેન્ટરને સીલ કરવામાં આવ્યું હતું.
