- કેન્દ્રીય સ્વાસ્થ્ય મંત્રાલય દ્વારા હાથ ધરાયો સર્વે
- કેરળમાં 75 ટકા પુરુષ અને 72 ટકા મહિલાઓનો મત
- સેક્સને ના કહેવાનો પત્નીઓને હક
કેન્દ્રીય સ્વાસ્થ્ય અને પરિવાર કલ્યાણ મંત્રાલય દ્વારા કરાવવામાં આવેલા એક સર્વેમાં ઘણા રસપ્રદ તથ્યો સામે આવ્યાં છે. પુરુષોએ એવું જણાવ્યું કે પત્ની જ્યારે થાકેલી હોય, અથવા તો તેની ઈચ્છા ન હોય અથવા તો તેનો પતિ વિશ્વાસઘાતી હોય કે કોઈ ચેપી રોગથી પીડિત હોય તેવા કિસ્સામાં પત્નીઓ પતિઓને સેક્સની ના પાડી શકે છે તેમાં કંઈ ખોટું નથી.
શુ કહ્યું પુરુષોએ
પુરુષોએ કહ્યું કે પત્ની જ્યારે થાકેલી હોય, અથવા તો તેની ઈચ્છા ન હોય અથવા તો તેનો પતિ વિશ્વાસઘાતી હોય તેવા કિસ્સામાં પત્નીઓ પતિની સેક્સની ના પાડી શકે. રાષ્ટ્રીય પરિવાર સ્વાસ્થ્ય સર્વેક્ષણના રિપોર્ટ 2019-20ના જેન્ડર રોલ એટિટ્યુડમાં કહેવાયું કે કેરળમાં 31 ટકા પુરુષ એવુ માને છે કે જો પત્ની તેમને સેક્સ કરવાનો ઈન્કાર કરી દે તો તેમને બીજી મહિલાઓ સાથે સંબંધ બનાવવાનો અધિકાર છે. 31 ટકા પુરુષોએ એવો સ્વીકાર કર્યો કે તેમને પત્ની પર ગુસ્સો કરવાનો, આર્થિક મદદથી વંચિત કરવાનો તથા ના પાડવા પર જબરજસ્તીથી સેક્સ કરવાનો અધિકાર છે.
દેશવ્યાપી સર્વેમાં આવ્યાં ચોંકાવનારા તારણ
રાષ્ટ્રીય કુટુંબ આરોગ્ય સર્વેક્ષણ એ કેન્દ્રીય આરોગ્ય અને પરિવાર કલ્યાણ મંત્રાલય દ્વારા હાથ ધરવામાં આવેલા એક દેશવ્યાપી સર્વેક્ષણ છે, જેમાં નોડલ એજન્સી તરીકે કાર્યરત ઇન્ટરનેશનલ ઇન્સ્ટિટ્યૂટ ઓફ પોપ્યુલેશન સાયન્સિસ કાર્યરત છે. એનએફએચએસ ના અહેવાલમાં ડેટા વિશ્લેષણ એ પણ બતાવે છે કે કેરળમાં મહિલાઓનું એવું માનવું છે કે પત્નીઓ દ્વારા પતિને સેક્સની ના પાડવામાં આવ્યાં બાદ તેમની પીટાઈ યોગ્ય છે.
8.1 ટકા અપરિણીત મહિલાઓએ સ્વીકાર્યું, સેક્સની ના પાડવા પર પીટાઈ યોગ્ય
ચોંકાવનારી વાત એ છે કે, 8.1 ટકા અપરિણીત મહિલાઓએ પણ સ્વીકાર્યું હતું કે સેક્સની ના પાડવા પર પતિની પીટાઈ યોગ્ય છે. કેરળના ૧૩.૪ ટકા પુરુષો માને છે કે જ્યારે તેમની પત્ની 'ના' કહે છે ત્યારે તેઓ બીજી સ્ત્રી સાથે સેક્સ કરી શકે છે. ત્યાં જ ૨૪.૬ ટકા પુરુષો માને છે કે તેઓ ગુસ્સે થઈ શકે છે અને તેને ઠપકો આપી શકે છે. કેરળમાં 9.2 ટકા પુરુષો આવા સંજોગોમાં બળજબરીથી સેક્સ કરવાને યોગ્ય માને છે.
