કચ્છ / માતા પિતા માટે રેડ એલાર્મ.! મુંદ્રા નજીક નર્મદા કેનાલમાં 4 બાળકો ડૂબ્યા, 2ના મોત, 2ની શોધખોળ, જાણો બનાવ

• કચ્છના મુંદ્રા નજીક નર્મદા કેનાલમાં 4 બાળકો ડૂબ્યા
• ભુજપુર-ઘેલડા વચ્ચે નર્મદા કેનાલમાં બાળકો ડૂબ્યા
• 2 બાળકોના મૃતદેહ મળ્યા,અન્ય બેની શોધખોળ હાથ ધરાઈ

કચ્છના મુન્દ્રા નજીક નર્મદા કેનાલમાં 4 બાળકો ડૂબ્યાની ઘટના સામે આવી છે. મુન્દ્રા પાસે ભુજપુર-ઘેલડા વચ્ચે નર્મદા કેનાલમાં ન્હાવા પડેલા બાળકો ડૂબ્યા છે. વિગતો મુજબ ચાર બાળકો ન્હાવા પડ્યા હતા જે માંથી 2 બાળકોના મૃતદેહ બહાર કઢાયા છે. અન્ય બે બાળકોની શોધખોળ હાથ ધરાઈ છે. 

મૃતદેહોને પીએમ અર્થે ખસેડાયા 
ઘટનાની જાણ પોલીસને થતા પોલીસે ઘટના સ્થળે પહોંચી મૃતદેહોને પીએમ માટે હોસ્પિટલ ખાતે મોકલ્યા હતા. કેનાલમાં બાળકો ડૂબી જવાની ઘટના બનતા સમગ્ર પંથકમાં અરેરાટી વ્યાપી જવા પામી હતી. 

પરિવારમાં શોકનું મોજુ ફરી વળ્યું
નર્મદા કેનાલમાં બનેલી ઘટનાથી સમગ્ર પંથકમાં અરરાટી વ્યાપી જવા પામી હતી તેમજ પરિવારમાં આક્રંદનો માહોલ છવાઈ ગયો છે. પરિવારમાં શોકનું મોજુ ફરી વળ્યું છે અને ઘેરા શોકમાં ગરકાવ થયો છે. અત્રે ઉલ્લેખનીય છે કે, ડૂબનાર બાળકોમાં એકપણને તરતા ન આવડતું હોવાથી ડૂબવાથી મોત થયા છે.