Coronavirus / ભારતમાં કોરોનાને હરાવવા અસરકારક સાબિત થઇ શકે છે 3T પોલિસી, જાણો શું છે

• કોરોના સામેની જંગ યથાવત 
• પ્રધાનમંત્રી મોદીએ દક્ષિણ કોરિયાની 3T નીતિનો કર્યો ઉલ્લેખ

હિન્દુસ્તાન ટાઇમ્સના અહેવાલ મુજબ શિને કહ્યું કે, કોવિડ -19 ને રોકવાની કોરિયન સરકારની નીતિ એવી છે કે, પુષ્ટિવાળા કેસોની ઓળખ કરવી, તેમની સાથે સંપર્કમાં આવતા લોકોની માહિતી મેળવવી જેથી ચેપ ફેલાય નહીં અને શક્ય તેટલી ઝડપથી સારવાર શરૂ થઇ શકે.

દરરોજના 15000 દર્દીઓને તપાસવાની ક્ષમતા ધરાવે છે કોરિયા 

તેમણે વધુમાં જણાવ્યું કે, હાલમાં દક્ષિણ કોરિયા પાસે દરરોજ 15,000 લોકોને તપાસવાની ક્ષમતા છે. અત્યાર સુધીમાં ચાર લાખ લોકોની તપાસ કરવામાં આવી છે અને આ કાર્ય પૂર્ણ ક્ષમતા સાથે કરવામાં આવી રહ્યું છે. તેમણે કહ્યું, હજી સુધી કોઈ વેક્સિન ઉપલબ્ધ નથી, તેથી ચેપને ઓળખવા અને તેને અલગ પાડવી એ સૌથી વ્યવહારિક અને અસરકારક પદ્ધતિ છે.

કોરોના પીડિતને તાત્કાલિક અસરથી શોધીને તેને ક્વોરેન્ટાઇન કરવામાં આવે તે જરૂરી 

ભારતમાં આ નીતિ લાગૂ કરવાના સવાલ પર તેમણે કહ્યું કે, ભારતના મામલામાં, તેના આકાર અને મોટી જનસંખ્યાને ધ્યાનમાં રાખીને આખા દેશમાં લોકડાઉન કરવું જરૂરી છે. તેમ છતાં, વાયરસને મોટી સંખ્યામાં લોકો સુધી પહોંચતા અટકાવવા માટે ખૂબ જ ઝડપથી તેની તપાસ કરવામાં આવે અને આવા લોકોની ઓળખ કરવામાં આવે જે વાયરસથી સંક્રમિત છે અને તેમને ક્વોરેન્ટાઇ કરવામાં આવે. 

G-20 સંમેલનમાં પણ આ મુદ્દે કરાઇ હતી ચર્ચા 

શિને વધુમાં કહ્યું કે, કોરોના સામેની લડાઇમાં દક્ષિણ કોરિયા સરકાર ભારત સાથે તમામ પ્રકારની જાણકારી શેર કરવા માટે પહેલેથી જ તૈયાર હતી. રાષ્ટ્રપતિ મૂન-જે-ઇન અને પ્રધાનમંત્રી નરેન્દ્ર મોદીએ તેને લઇને વર્ચ્યૂઅલ જી-20 સંમેલનમાં પોતાના વિચારો પ્રગટ કર્યા હતા. 

શિને ભારત સરકાર પાસે આશા વ્યક્ત કરી

શિને આશા વ્યક્ત કરી હતી કે, 21 દિવસના લોકડાઉનની સમાપ્તિ બાદ ભારત સરકાર દક્ષિણ કોરિયાની ચિંતા પર ધ્યાન આપે. તેમણે વધુમાં કહ્યું, જેમ અમે માની રહ્યા છીએ તેમ કોરયાઇ કંપનીઓ જેમકે સેમસંગ,એલજી, હ્યૂન્ડાઇ વગેરેના પ્લાન્ટ બંધ કરવામાં આવ્યા છે. મેક ઇન ઇન્ડિયા હેઠળ અમારી કંપનીઓએ ભારતમાં મોટું રોકાણ કર્યું અને લોકડાઉન થતાં મોટી નુકસાની ભોગવવાનો વારો આવ્યો છે.